ଚୌଦ୍ୱାର, ୧୪/୦୯: କଟକ-ସମ୍ବଲପୁର ରାସ୍ତାର ଚୌଦ୍ୱାର ଥାନା କଖଡି ରାସ୍ତାରେ ଏକ ପିକଅପ୍ ଭ୍ୟାନ ଦୁର୍ଘଟଣାଗ୍ରସ୍ତ ହୋଇଛି । ରାସ୍ତା ପାର୍ଶ୍ବରେ ଥିବା ଗଛରେ ପିଟି ହୋଇଥିଲା । ଏଥିରେ ୨ଜଣ ଗୁରୁତର ହୋଇଥିବା ବେଳେ ୧୨ଜଣ ଆହତ ହୋଇଥିବା ଜଣାପଡିଛି l ଗୁରୁତର ଓ ଆହତଙ୍କୁ ସ୍ଥାନୀୟ ଲୋକେ ପ୍ରଥମେ ବ୍ରହ୍ମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରେ ସମସ୍ତଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି l
ସୂଚନା ମୁତାବକ, ସମ୍ବଲପୁର ପଡ଼ିଆବାହାଲରୁ ଏକ ବାଜା ଗ୍ରୁପ କଟକ କଲେଜ ଛକକୁ ଗଣେଶ ଭସାଣି ପାଇଁ ଆସୁଥିଲା । ରବିବାର ସକାଳ ପ୍ରାୟ ୬ ଟାରେ କଖଡି ରାସ୍ତାରେ ପିକଅପ୍ ଗାଡିର ଆଗ ଚକା ଫାଟି ଯାଇଥିଲା । ଫଳରେ ଗାଡିଟି ଭାରସାମ୍ୟ ହରାଇ ସାମ୍ନାରେ ଥିବା ବାଜା ଗ୍ରୁପର ଅନ୍ୟ ଏକ ଗାଡିକୁ ଧକା ଦେଇ ରାସ୍ତା ପାର୍ଶ୍ଵରେ ଥିବା ଆମ୍ବ ଗଛରେ ପିଟିହୋଇ ଯାଇଥିଲା l ଫଳରେ ଆଗରେ ଦୁଇ ଜଣ ଡ୍ରାଇଭର ଓ ବାମ ପାର୍ଶ୍ୱରେ ଥିବା ଡ୍ରାଇଭର ଚାପି ହୋଇ ରହିଥିଲେ l ଗାଡି ଡାଲାରେ ବସିଥିବା ୧୨ ଜଣ ରାସ୍ତା ତଳକୁ ଛିଟିକି ପଡ଼ିଥିଲେ l ସ୍ଥାନୀୟ ଲୋକେ ସମସ୍ତଙ୍କୁ ଉଦ୍ଧାର କରି ମେଡିକାଲ ପଠାଇଥିଲେ l ଖବର ପାଇଁ ଚୌଦ୍ୱାର ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି l
