ନୂଆଦିଲ୍ଲୀ,୦୩/୦୨; ''ମୁଁ କହିଥିଲି ଯେ ବିଶ୍ୱ ବ୍ୟବସ୍ଥା ବଦଳିବ, ଏବେ ଏହା ଭାରତର ସପକ୍ଷରେ ।'' ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏନଡିଏ ସାଂସଦ ମାନଙ୍କ ବୈଠକରେ ଏହା କହିବା ମାତ୍ରେ ସମଗ୍ର ହଲ୍ "ଭାରତ ମାତା କି ଜୟ ପ୍ରଧାନମନ୍ତ୍ରୀ" ଏବଂ "ବନ୍ଦେ ମାତରମ୍" ଧ୍ୱନିରେ ପ୍ରକମ୍ପିତ ହୋଇଗଲା । ଭାରତ-ଆମେରିକା ଶୁଳ୍କ ଚୁକ୍ତି ପରେ ଅନୁଷ୍ଠିତ ଏହି ଏନଡିଏ ସଂସଦୀୟ ବୈଠକରେ ପ୍ରଧାନମନ୍ତ୍ରୀ ମୋଦିଙ୍କୁ ମାଲ୍ୟାର୍ପଣ ପକାଇ ସ୍ୱାଗତ କରାଯାଇଥିଲା । ଏନଡିଏ ସାଂସଦଙ୍କ ମଧ୍ୟରେ ଉତ୍ସାହ ଖେଳାଯାଇଥିଲା । ବୈଠକକୁ ସମ୍ବୋଧନ କରି ପ୍ରଧାନମନ୍ତ୍ରୀ ମୋଦି ଏନଡିଏ ସହଯୋଗୀମାନଙ୍କୁ କହିଥିଲେ ଯେ, ଏନଡିଏ ପରିବାର ନିର୍ବାଚନ ପରେ ନିର୍ବାଚନ ଜିତିବାରେ ଲାଗିଛି । ନିର୍ବାଚନ ଏତେ ସହଜରେ ଜିତି ହୁଏ ନାହିଁ । ନିର୍ବାଚନ ଜିତିବା ପାଇଁ ମାଟିରେ କାମ କରିବା ଏବଂ ଦୃଢ଼ ନୀତି ସହିତ ଆଗକୁ ବଢ଼ିବା ଆବଶ୍ୟକ ।

​​​​​​​'ଭାରତ ସପକ୍ଷରେ ବିଶ୍ୱ ବ୍ୟବସ୍ଥା '- ଏନଡିଏ ବୈଠକରେ ପ୍ରଧାନମନ୍ତ୍ରୀ କହିଛନ୍ତି, "ମୁଁ କହିଥିଲି ଯେ ବିଶ୍ୱ ବ୍ୟବସ୍ଥା ପରିବର୍ତ୍ତନ ହେବ, ଏବଂ ଏବେ ତାହା ଘଟୁଛି । କୋଭିଡ୍ ପରଠାରୁ ଏହା ସ୍ପଷ୍ଟ ହୋଇଛି ।  ଆଜି ବିଶ୍ୱ ବ୍ୟବସ୍ଥା ଭାରତ ସପକ୍ଷରେ  । ଆମେରିକା ବାଣିଜ୍ୟ ଚୁକ୍ତି ଏକ ସକାରାତ୍ମକ ପରିବେଶ ସୃଷ୍ଟି କରିଥିଲା । ଲୋକମାନେ ସମାଲୋଚନା କରୁଥିଲେ, କିନ୍ତୁ ଆମେ ଧୈର୍ଯ୍ୟ ରଖିଲୁ । ସେହି ଧର୍ଯ୍ୟର ଫଳ ମିଳିଲା । ଏବେ, ଉତ୍ପାଦନ ବୃଦ୍ଧି ପାଇବା ଉଚିତ୍ ଏବଂ ଆମେ ଦେଶରେ ଗୁଣାତ୍ମକ ଉତ୍ପାଦ ଉତ୍ପାଦନ କରିପାରିବା ।" 

ନିର୍ବାଚନ ଜିତି ଆରାମରେ ବସିବା ନୁହେଁ- ପ୍ରଧାନମନ୍ତ୍ରୀ ମୋଦି ତାଙ୍କ ଏନଡିଏ ସହଯୋଗୀମାନଙ୍କୁ କହିଥିଲେ ଯେ ଏନଡିଏ ପରିବାର ନିର୍ବାଚନ ପରେ ନିର୍ବାଚନ ଜିତିବାରେ ଲାଗିଛି । ନିର୍ବାଚନ ସହଜରେ ଜିତି ହୁଏ ନାହିଁ। ନିର୍ବାଚନ ଜିତିବା ପାଇଁ କାମ କରିବା ସହ ସୁଦୃଢ଼ ​​ନୀତି ଅନୁସରଣ କରିବା ଆବଶ୍ୟକ । ଏନଡିଏ ଯେଉଁଠାରେ ସରକାର ଗଠନ କରିଛି, ସେମାନେ ଏକ ଦୃଢ଼ ଭୂମିକା ଗ୍ରହଣ କରିଛନ୍ତି । ସେଥିପାଇଁ ଏନଡିଏ ସଫଳତା ହାସଲ କରୁଛି । କେବଳ ନିର୍ବାଚନ ଜିତିବା ଆରାମରେ ବସିବା ଉଚିତ୍ ନୁହେଁ । ଦାୟିତ୍ୱ ବଢୁଛି ସମସ୍ତଙ୍କୁ ସମର୍ପିତ ଭାବନାରେ କାମ କରିବାକୁ ପଡ଼ିବ ।