ନୂଆଦିଲ୍ଲୀ,୦୫/୧୧:ଲୋକପ୍ରିୟ ଗାୟିକା ସାରଦା ସିହ୍ନାଙ୍କ ସ୍ବାସ୍ଥ୍ୟବସ୍ଥା ଗୁରୁତର । ଏନେଇ ସେ ବର୍ତ୍ତମାନ ଏମ୍ସରେ ଚିକିତ୍ସିତ ହେଉଥିବା ବେଳେ ଏହାରି ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାରଦା ସିହ୍ନାଙ୍କ ସ୍ବାସ୍ଥ୍ୟବସ୍ଥା ନେଇ ତାଙ୍କ ପୁଅକୁ ଫୋନ କରି ପଚାରି ବୁଝିଛନ୍ତି। ବର୍ତ୍ତମାନ ଏମ୍ସରେ ତାଙ୍କର ଚିକିତ୍ସା ଜାରି ରହିଛି । 

ତେବେ ତାଙ୍କ ପୁଅ ଅଶୁଂମାନ ସିହ୍ନାଙ୍କ ସହିତ କଥା ହୋଇ ମୋଦି କହିଛନ୍ତି,ଆପଣ ମଜଭୁତର ସହିତ ମାଙ୍କର ଚିକିତ୍ସା କରାନ୍ତୁ ।ପ୍ରକାଶ ଥାଉକି, ସାରଦା ସିହ୍ନା ଗତ ରାତିରୁ ଭେଣ୍ଟିଲେଟରରେ ଭର୍ତ୍ତି ହୋଇଛନ୍ତି । ତାଙ୍କ ପୁଅ ଅଂଶୁମାନ କହିଛନ୍ତି, ମାଆଙ୍କର ସ୍ବାସ୍ଥ୍ୟବସ୍ଥା ଠିକ ନାହିଁ । କିନ୍ତୁ ଡାକ୍ତରମାନେ  ଚିକିତ୍ସା ଜାରି ରଖିଛନ୍ତି । ସାରଦାଙ୍କ ସ୍ବାମୀ ବୃଜକିଶୋର ସିହ୍ନାଙ୍କର ମୃତ୍ୟୁ ପରଠାରୁ ସେ ଉଦାସ ରହୁଥିବା ବେଳେ ବର୍ତ୍ତମାନ ତାଙ୍କର ମଧ୍ୟ ସ୍ବାସ୍ଥ୍ୟବସ୍ଥାରେ ଅବନତି ହୋଇଛି । ସାରଦା ସିହ୍ନାଙ୍କୁ ବିହାରର କୋକିଳା ଭାବେ ସମସ୍ତେ ଜାଣନ୍ତି । ସେ ଜଣେ ଜଣାଶୁଣା ଏବଂ ଲୋକପ୍ରିୟ ଗାୟିକା ଅଟନ୍ତି । ଭୋଜପୁରୀ ଏବଂ ମୈଥିଲି ଭାଷାରେ ଅନେକ ଗୀତ ଗାଇ ପ୍ରସିଦ୍ଧି ଲାଭ କରିଛନ୍ତି । ବିହାରର ପାରମ୍ପିରକ ସଙ୍ଗୀତକୁ ଆଗକୁ ବଢାଇବା ପାଇଁ ତାଙ୍କର ଭୂମିକା ଗୁରୁତ୍ବପୂର୍ଣ୍ଣ । ସଙ୍ଗୀତ ଏବଂ ସଂସ୍କୃତିରେ ତାଙ୍କର ଯୋଗଦାନ ପାଇଁ ୨୦୧୮ ମସିହାରେ ପଦ୍ମଭୂଷଣରେ ସମ୍ମାନିତ ମଧ୍ୟ ତାଙ୍କୁ କରାଯାଇଥିଲା ।