ନୂଆଦିଲ୍ଲୀ,୨୫/୦୧: ବର୍ଷର ପ୍ରଥମ ମନ୍ କି ବାତ୍ କାର୍ଯ୍ୟକ୍ରମ ପ୍ରସାରିତ ହୋଇଛି । ୧୩୦ ତମ ମନ୍ କି ବାତ୍ ରେଡ଼ିଓ କାର୍ଯ୍ୟକ୍ରମରେ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗଣତନ୍ତ୍ର ଦିବସ ପୂର୍ବରୁ ପିଏମ୍ ମୋଦି ଦେଶବାସୀଙ୍କୁ ମନ କଥା କହିଛନ୍ତି । ମତଦାର ମହତ୍ୱ ସହିତ, ଷ୍ଟାଟଅପକୁ ନେଇ ବଡ଼ କଥା କହିଛନ୍ତି ପ୍ରଧାନମନ୍ତ୍ରୀ ମୋଦି । ଭାରତର ଅସଲ ଶକ୍ତି ଜନ ସକଳ୍ପ ବୋଲି କହିଛନ୍ତି ପ୍ରଧାନମନ୍ତ୍ରୀ ।

ଭୋଟର ହେବା ଗଣତନ୍ତ୍ରରେ ଦାୟିତ୍ୱର ବିଷୟ- ଆଜି ମତଦାତା ଦିବସ । ୧୩୦ତମ ମନ୍ କି ବାତ୍ରେ ପ୍ରଧାନମନ୍ତ୍ରୀ କହିଛନ୍ତି,'' ଜାନୁଆରୀ ୨୫ ବହୁତ୍ ଗୁରୁତ୍ୱପୂର୍ଣ୍ଣ । ଆଜି ଜାତୀୟ ଭୋଟର ବା ମତଦାତା ଦିବସ । ମତଦାତା ହିଁ ଲୋକତନ୍ତ୍ରର ଆତ୍ମା । ଯେବେ ଯୁବା ପ୍ରଥମ ଥର ଭୋଟ ଦିଅନ୍ତି ତ ଗାଁ କିମ୍ବା ସହକ ଏକଜୁଟ ହୋଇ ତାଙ୍କୁ ଅଭିନନ୍ଦନ ଦିଅନ୍ତି । ମିଠା ବଣ୍ଟା ହୋଇଥାଏ । ଫଳରେ ଭୋଟିଂ ପ୍ରତି ଲୋକ ସଚେତନ ହେବେ । ୧୮ ବର୍ଷ ହେବା ମାତ୍ର ଭୋଟର ଭାବେ ନିଜ ନାମକୁ ପଞ୍ଜୀକରଣ କରିନିଅ । ସମ୍ବିଧାନ ପ୍ରତି ନାଗରିକଙ୍କ ଠାରୁ ଯେଉଁ କର୍ତ୍ତବ୍ୟ ଭାବନା ପାଳନର ଆଶା ରହିଛି ତାହା ପୂରଣ ହେବ ଏବଂ ଭାରତର ଲୋକତନ୍ତ୍ର ବି ମଜଭୂତ ହେବ । ଭୋଟର ହେବାର ଉତ୍ସବ ପାଳନ କର ।''