ନୂଆଦିଲ୍ଲୀ,୧।୨: କେନ୍ଦ୍ରମନ୍ତ୍ରୀ ନିର୍ମଳା ସୀତାରମଣ ଶନିବାର ଆଗତ କରିଛନ୍ତି ୨୦୨୫-୨୫ ବଜେଟ୍। ଏହା ଅନୁସାରେ, ଲାଭାର୍ଥୀଙ୍କୁ ବ୍ୟାଙ୍କ ଓ ୟୁପିଆଇ ସହ ଜଡିତ କ୍ରେଡିଟ୍ କାର୍ଡ ଦିଆଯିବ। ଏହି କାର୍ଡ ଜରିଆରେ ଲୋନ୍ର ସୁବିଧା ମିଳିବ। ଏହି ଲୋନ୍ ଲିମିଟ୍ ୩୦ ହଜାର ଟଙ୍କା ହେବ। ଉଲ୍ଲେଖନୀୟ ଯେ, ପିଏମ୍ ଷ୍ଟ୍ରୀଡ୍ ଭେଣ୍ଡର ଆତ୍ମନିର୍ଭର ନିଧି(ପିଏମ୍-ସ୍ବନିଧି) ଯୋଜନାରେ ଷ୍ଟ୍ରିଟ୍ ଭେଣ୍ଡର ବା ଉଠା ଦୋକାନୀଙ୍କୁ ଋଣ ଦେବା ନେଇ ଏକ ସ୍ବତନ୍ତ୍ର ସୁବିଧା ରହିଛି।
ବଜେଟ୍ ଉପସ୍ଥାପନ ବେଳେ ସୀତାରମଣ କହିଛନ୍ତି, ଏହି ଯୋଜନା ଦ୍ବାରା ଷ୍ଟ୍ରୀଟ୍ ଭେଣ୍ଡରଙ୍କୁ ଅଧିକ ସୁବିଧା ମିଳିଛି। ଅଧିକ ସୁଧ ଦେବାରୁ ମିଳିଛି ବଶ୍ବସ୍ଥି। ଏହାଦ୍ବାରା ୬୮ ଲକ୍ଷରୁ ଅଧିକ ଷ୍ଟ୍ରୀଟ୍ ଭେଣ୍ଡରଙ୍କୁ ଲାଭ ମିଳିଛି। ଏବେ ଏହି ସଫଳତା ଆଧାରରେ ଯୋଜନାକୁ ନୂଆ ରୂପ ଦିଆଯିବ। ବ୍ୟାଙ୍କ ଓ ୟୁପିଆଇ ଦ୍ବାରା ଜଡିତ କ୍ରେଡିଟ୍ କାର୍ଡରୁ ଋଣ ସୀମାକୁ ବଢାଇ ୩୦ ହଜାର କରି ଦିଆଯିବ।
ପିଏମ୍ ଷ୍ଟ୍ରୀଟ ଭେଣ୍ଡର ଆତ୍ମନିଭର ନିଧି(ପିଏମ୍-ସ୍ବନିଧି) ଷ୍ଟ୍ରୀଟ ଭେଣ୍ଡରଙ୍କୁ ସୁଭଲ ମୂଲ୍ୟରେ ଋଣ ପ୍ରଦାନ କରିବା ପାଇଁ ଏବ ବିଶେଷ ସୁବିଧା ରଖିଛି। ଏହି କାର୍ଡରେ ସୁଧହାର ମଧ୍ୟ ଖୁବ୍ କମ୍ ରହିଛି। ଯାହାକି ୨ ଜୁଲାଇ ୨୦୨୦ ରେ କୋଭିଡ୍-୧୯ ମହାମାରୀ ବେଳେ ଆରମ୍ଭ ହୋଇଥିଲା। ଲକଡାଉନ୍ ସମୟରେ ଅସୁବିଧାର ସମ୍ମୁଖୀନ ହୋଇଥିବା ଛୋଟ ଛୋଟ ଦୋକାନୀଙ୍କୁ ନିଜର କାରବାର ଆରମ୍ଭ କରିବା ପାଇଁ ଏହି ଯୋଜନା ଆରମ୍ଭ କରାଯାଇଥିଲା। ସଡକରେ ଠେଲା କିମ୍ବା ଷ୍ଟଲ, ଫଳ, ପରିବା ବିକ୍ରି, ଲଣ୍ଡ୍ରି ସେବା ଦେବା, ସେଲୁନ ଚଲାଇବା ଓ ପାନ ଦୋକାନ ପାଇଁ ପିଏମ୍ ସ୍ବନିଧି ଅନୁସାରେ ଲୋନ୍ ନେଇପାରିବେ। ଠିକ୍ ସମୟରେ ଲୋନ୍ ସୁଝିଲେ ଅତିରିକ୍ତ ଲାଭ ମଧ୍ୟ ମିଳିବ। ଏହି ଲୋନ୍ ନେବାପରେ କୌଣସି ଗ୍ୟାରେଣ୍ଟି ମଧ୍ୟ ଦରକାର ପଡେନି। ଲୋନ୍ର ମାସିକ କିସ୍ତି ଦେବାକୁ ପଡେ।
