ନୂଆଦିଲ୍ଲୀ : ପଶ୍ଚିମବଙ୍ଗରେ ଟିଏମସି ବିଧାୟକ ମଦନ ମିତ୍ରଙ୍କ ବାସଭବନରେ ପୁଲିସର ଚଢାଉ। ତାଙ୍କର କମରହାଟି ସ୍ଥିତ ବାସଭବନ ‘ଉଦୟ ଭିଲା’ରେ ରବିବାର ଦ୍ୱିପହରରେ ତଲାସୀ ଅଭିଯାନ କରି ଥିଲା। ଏହି ଚଢାଉର ଦାୟିତ୍ୱ ନେଇ ଥିଲେ ବାରକପୁର ପୁଲିସ କମିଶନରେଟର ପୁଲିସ କମିଶନର(ଦକ୍ଷିଣ) ଦ୍ୟୁତିମାନ ଭଟ୍ଟାଚାର୍ଯ୍ୟ। ଦ୍ୱିପହର ସମୟ ପାଖାପାଖି ୧ଟାରେ ଏକ ବଡ଼ ପୁଲିସ ଟିମ୍ ପରିସରରେ ପହଞ୍ଚି ଥିଲା।
ପୁଲିସ ସୂତ୍ରାନୁସାରେ , ଯେବେ ଅଧିକାରୀ ପରିସରରେ ପହଞ୍ଚିଲେ ତ ବିଲ୍ଡିଂରେ ତାଲା ପଡ଼ି ଥିଲା ଏବଂ ମିତ୍ର ସେଠାରେ ଉପସ୍ଥିତ ନଥିଲେ। ଏହାପରେ ପୁଲିସ ତାଲା ଭାଙ୍ଗି ଘରେ ପ୍ରବେଶ କରିଥିଲେ। ପାଖାପାଖି ଘଣ୍ଟାଏ ଯାଏ ତଲାସୀ ନେବା ପରେ ଅଧିକାରୀମାନେ ଅନେକ କାଗଜପତ୍ର ଜବତ କରିଥିଲେ ଏବଂ ପରିସରରେ ପୁଣି ଥରେ ତାଲା ଲଗାଇ ସେଠାରେ ଚାଲି ଯାଇଥିଲେ।
ପ୍ରାରମ୍ଭିକ ସୂଚନାରୁ ସଙ୍କେତ ମିଳୁଛି ଯେ , ଉଦୟ ଭିଲାରେ କମରହାଟୀ ବିଧାୟକଙ୍କ ଏକ ପାର୍ଟି କାର୍ଯ୍ୟାଳୟ ଥିଲା। ଏମିତି ଅଭିଯୋଗ ସାମ୍ନାକୁ ଆସୁଛି ଯେ, ଏହି ସଂପତ୍ତି କେନ୍ଦ୍ର ସରକାରଙ୍କ ଏକ ଏଜେନ୍ସିର ମାଲିକାନାରେ ଥିବା ଭୂମି ଉପରେ ହୋଇଛି। ପୁଲିସ ଏହି କଥାର ଯାଞ୍ଚ କରୁଛି ଯେ, କଥିତ ଭାବେ ଏକ କେନ୍ଦ୍ରୀୟ ଏଜେନ୍ସିର ଭୂମିରେ ଏହି ସରଞ୍ଚନାର ନିର୍ମାଣ କେମିତି କରାଗଲା। ସ୍ଥାନୀୟ ସୂତ୍ରରୁ ପ୍ରକାଶ ଯେ, ମିତ୍ରା କେବେ କେବେ ଏହି ନିବାସରେ ରୁହନ୍ତି। ଏବେସୁଦ୍ଧା ସ୍ପଷ୍ଟ ହୋଇ ନାହିଁ ଯେ, ସେ ଏହି ସଂପତ୍ତିର ଆଇନଗତ ମାଲିକ କି ନୁହେଁ।
ତୃଣମୂଳ କଂଗ୍ରେସର ନେତାଙ୍କ ନିକଟତମ ସୂତ୍ରରୁ ଜଣାପଡ଼ିଛି ଯେ, ମିତ୍ର ବର୍ତ୍ତମାନରେ ଦକ୍ଷିଣ କୋଲକାତାସ୍ଥିତ ତାଙ୍କ ବାସଭବନରେ ଅଛନ୍ତି। ସେମାନଙ୍କ ଅନୁସାରେ, ସେ ରବିବାର ତୃଣମୂଳ କଂଗ୍ରେସର ସୁପ୍ରିମୋ ମମତା ବାନାର୍ଜୀଙ୍କ କାଲିଘାଟ ବାସଭବନରେ ଅନୁଷ୍ଠିତ ହେବାକୁ ଥିବା ତୃଣମୂଳ କଂଗ୍ରେସ ବିଧାୟକ ଦଳ ବୈଠକରେ ଯୋଗଦେବା ପାଇଁ ସେଠାରେ ଉପସ୍ଥିତ ଅଛନ୍ତି।
ଅନ୍ୟପଟେ , ଟିଏମସିରେ ରବିବାର ହଇଚଇ ସୃଷ୍ଟି ହୋଇ ଥିଲା , ଯେବେ ମମତା ବାନାର୍ଜୀଙ୍କ ବାସଭବନରେ ଡକାଯାଇଥିବା ବୈଠକରେ ୬୦ଜଣ ବିଧାୟକ ଯୋଗ ଦେଇ ନଥିଲ। ଏଥିପାଇଁ ବୈଠକକୁ ବାତିଲ କରିବାକୁ ପଡି ଥିଲା। ଟିଏମସି ପାଖରେ ମୋଟ ୮୦ଜଣ ବିଧାୟକ ଅଛନ୍ତି। ହେଲେ, ପରେ ଦଳ ପକ୍ଷରୁ ସ୍ପଷ୍ଟ କରାଯାଇ ଥିଲା ଯେ, ଅଭିଷେକ ଓ କଲ୍ୟାଣ ବାନାର୍ଜୀଙ୍କ ଉପରେ ଆକ୍ରମଣରେ ଅନେକ ବିଧାୟକ ବ୍ୟସ୍ତ ଥିଲେ। ଏହି କାରଣରୁ ସେମାନେ ମିଟିଂରେ ଯୋଗ ଦେଇ ପାରିଲେ ନାହିଁ । ଟିଏମସି ବିଧାୟକ ଦଳର ନେତା ଶୋଭନଦେବ ଚଟ୍ଟୋପାଧ୍ୟାୟ ,ମମତା ବାନାର୍ଜୀଙ୍କ ବାସଭବନରେ ଏହି ବୈଠକ ଡକାଇ ଥିଲେ।
ପଶ୍ଚିମବଙ୍ଗ ବିଧାନସଭା ନିର୍ବାଚନରେ ମମତା ବାନାର୍ଜୀଙ୍କ ଟିଏମସିକୁ ଦୃଢ ଝଟକା ଲାଗିଛି। ଦଳ ୧୫ ବର୍ଷ ପରେ ବଙ୍ଗଳାର କ୍ଷମତାରୁ ଦୂରେଇ ଯାଇଛି। ଅନ୍ୟପଟେ ବିଜେପି ୨୦୮ ଟି ଆସନ ଜିତି ପ୍ରଥମ ଥର ବଙ୍ଗଳାରେ ସରକାର ଗଠନ କରିଛି। ଶୁଭେନ୍ଦୁ ଅଧିକାରୀ ମୁଖ୍ୟମନ୍ତ୍ରୀ ହେବ ପରେ ଅନେକ ବଡ଼ ବଡ଼ ଆକ୍ସନ ନେଇଛନ୍ତି।
ଆହୁରି ମଧ୍ୟ ପଢନ୍ତୁ : Attack on kalyan Banerjee: ଟିଏମ୍ସି ନେତା କଲ୍ୟାଣ ବାନାର୍ଜୀଙ୍କୁ ଆକ୍ରମଣ; ଫାଟିଲା ମୁଣ୍ଡ, ବିଜେପି କହିଲା ଖାଲି ଡ୍ରାମା...
