ଭୁବନେଶ୍ୱର,୧୯/୦୫: କସ୍ମସ୍ ବାରରେ ଗୁଳିମାଡ଼ ପରେ କମିଶନରେଟ୍ ପୁଲିସ ବିଭିନ୍ନ ବାରରେ ଚାଲିଥିବା ଅନିୟମିତତା ରୋକିବାକୁ ଗୁରୁତ୍ୱ ଦେଇଛି । ଡିସିପି ଜଗମୋହନ ମୀନାଙ୍କ କଡ଼ା ନିର୍ଦ୍ଦେଶ ପରେ ପୁଲିସ ୨ଦିନ ଧରି ଲଗାତାର ବାରରେ ଚଢ଼ଉ ଚଳାଇଛି । ୨ଟି ବାରରୁ ଡିଜେ ଓ ଆମ୍ପ୍ଲିଫାୟାର ଜବତ କରିଛି ।
ସୂଚନା ମୁତାବକ, ଗତକାଲି ବିଳମ୍ବିତ ରାତିରେ ସହିଦନଗର ଥାନା ପୁଲିସ ବିଭିନ୍ନ ବାର୍ରେ ଚଢ଼ାଉ କରିଥିଲା । ନିର୍ଦ୍ଧାରିତ ସମୟ ପରେ ବି କୋଷିନା ବାର୍ ଓ ଆଇନେକ୍ସ ବାର ଖୋଲା ଥିବା ପୁଲିସ ଦେଖିଥିଲା । ତୁରନ୍ତ ଏହି ୨ଟି ବାର୍ରୁ ମ୍ୟୁଜିକ୍ ସିଷ୍ଟମକୁ ବନ୍ଦ କରିଥିଲା । ଗ୍ରାହକମାନଙ୍କୁ ବାରରୁ ବାହାର କରିଥିଲା । ୨ଟି ବାରରୁ ୬ଟି ସାଉଣ୍ଡ ସିଷ୍ଟମକୁ ଜବତ କରାଯାଇଛି । ଡିସିପି ଚେତାଇଛନ୍ତି ଯେ, ବାରରେ କୌଣସି ପ୍ରକାରର ଅନିୟମିତତାକୁ ବରଦାସ୍ତ କରାଯିବନି । ପ୍ରତି ଥାନା ପୁଲିସ ସେହି ଅଞ୍ଚଳର ବାର୍ରେ ନିୟମିତ ଢ଼ଙ୍ଗରେ ଯାଞ୍ଚ କରୁଛି ।
