ଭୁବନେଶ୍ୱର,୨୩/୦୬: ପାଠକପାଠିକାଙ୍କ ଅକୁଣ୍ଠ ଭଲପାଇବା ଓ ସମର୍ଥନ ଯୋଗୁ ‘ପ୍ରମେୟ’ ରାଜ୍ୟର ୧ ନମ୍ବର ଖବର କାଗଜ ମାନ୍ୟତା ପାଇଛି । ନ୍ୟୁଜ୍-୭ ମଧ୍ୟ ୨୦ ଲକ୍ଷରୁ ଅଧିକ ଘରେ ପହଞ୍ଚିଛି । ଶିକ୍ଷା ଓ ଅନୁସନ୍ଧାନ (ସୋଆ) ପ୍ରତିଷ୍ଠାତା ପ୍ରଫେସର ଡ. ମନୋଜରଞ୍ଜନ ନାୟକଙ୍କ ‘ଗିଭିଂ ବ୍ୟାକ୍ ଟୁ ସୋସାଇଟି’ ମୂଳମନ୍ତ୍ରକୁ ନେଇ ‘ପ୍ରମେୟ’ ଏବଂ ‘ନ୍ୟୁଜ୍-୭’ ଅଗ୍ରସର । ଏହି କ୍ରମରେ ଓଡ଼ିଆ ସଂସ୍କୃତି, ପର୍ବପର୍ବାଣି ଏବଂ ପ୍ରକୃତ ଓଡ଼ିଆତ୍ୱକୁ ପ୍ରୋତ୍ସାହନ ଲାଗି କାର୍ଯ୍ୟକ୍ରମ ମାନ ଆୟୋଜନ ବୋଲି ସୁମା ରିୟଲ ମିଡିଆ ପ୍ରାଇଭେଟ ଲିମିଟେଡ୍ (ଏସ୍ଆର୍ଏମ୍ପିଏଲ୍)ର ଗ୍ରୁପ ଡାଇରେକ୍ଟର (ସେଲ୍ସ ଆଣ୍ଡ ମାର୍କେଟିଂ) ହିମାଂଶୁ ହୋତା କହିଛନ୍ତି ।
‘ପ୍ରମେୟ’ ଓ ‘ନ୍ୟୁଜ-୭’ ପକ୍ଷରୁ ରିଲାଏନ୍ସ ସେଣ୍ଟ୍ରୋର ମିଳିତ ସହଯୋଗରେ ୪ର୍ଥ ରଜ ସେଲ୍ଫି ପ୍ରତିଯୋଗିତାର ୩୦ ଭାଗ୍ୟଶାଳୀ ବିଜେତାଙ୍କୁ ସ୍ଥାନୀୟ ସହିଦନଗର ସ୍ଥିତ ସେଣ୍ଟ୍ରୋ ଷ୍ଟୋରରେ ପୁରସ୍କୃତ କରାଯାଇଛି । ଏହି ଅବସରରେ ଏସ୍ଆର୍ଏମ୍ପିଏଲ୍ର ଗ୍ରୁପ ଡାଇରେକ୍ଟର ଶ୍ରୀ ହୋତା, ସେଣ୍ଟ୍ରୋ ପକ୍ଷରୁ ଜେନେରାଲ ମ୍ୟାନେଜର ସୁଶାନ୍ତ ପାତ୍ର, ନ୍ୟୁଜ-୭ ଡିଜିଏମ୍ ସିଦ୍ଧାର୍ଥ ରାୟ, ଡିଜିଏମ୍ ଜ୍ୟୋତିର୍ମୟ ପାଣିଗ୍ରାହୀ, ‘ପ୍ରମେୟ’ ପ୍ରସାର ବିଭାଗ ଡିଜିଏମ୍ ଗଜେନ୍ଦ୍ର ଦାସ, ଏଜିଏମ୍ ବିଶ୍ୱରୂପ ପରିଡ଼ା, ସିନିୟର ମ୍ୟାନେଜର ଅଜୟ କୁମାର ସାହୁ ଓ ସିନିୟର ମ୍ୟାନେଜର ଇନ୍ଦ୍ରଜିତ ଦାସ ପ୍ରମୁଖ ଉପସ୍ଥିତ ରହି ବିଜେତାଙ୍କୁ ପୁରସ୍କୃତ କରିଥିଲେ ।
କାର୍ଯ୍ୟକ୍ରମରେ ଶ୍ରୀ ହୋତା କହିଲେ, ରଜ ରାଜ୍ୟର ଏକ ଗୁରୁତ୍ୱପୂର୍ଣ୍ଣ ପର୍ବ । ସେଣ୍ଟ୍ରୋ ସହ ମିଳିତ ହୋଇ ଏଭଳି ଅଭିନବ ଢଙ୍ଗରେ ଏହି ପର୍ବକୁ ପାଳନ କରାଯାଉଛି । ‘ପ୍ରମେୟ’ ଏବଂ ‘ନ୍ୟୁଜ୍ ୭’ ସର୍ବଦା ପ୍ରତିଭାଙ୍କୁ ସମ୍ମାନ ଜଣାଇ ବିଭିନ୍ନ କାର୍ଯ୍ୟକ୍ରମ ଗ୍ରହଣ କରୁଛି । ଏହା ଦ୍ୱାରା ସମାଜରେ ସୁଧାର ଆଣିବା ଦିଗରେ ପ୍ରଚେଷ୍ଟା ଜାରି ରହିଛି ।
ସେଣ୍ଟ୍ରୋର ଜେନେରାଲ ଶ୍ରୀ ପାତ୍ର କହିଥିଲେ, ରଜ ସେଲ୍ଫି ପ୍ରତିଯୋଗିତାର ସମସ୍ତ ଭାଗ୍ୟଶାଳୀ ବିଜେତାଙ୍କୁ ଶୁଭେଚ୍ଛା । ଏହି ପ୍ରତିଯୋଗିତାକୁ ନେଇ ବେଶ ଆଖିଦୃଶିଆ ଉତ୍ସାହ ପରିଲକ୍ଷିତ ହୋଇଛି । ରାଜ୍ୟର ଏହି ସ୍ୱତନ୍ତ୍ର ପର୍ବକୁ ପାଳନ କରିବା ଲାଗି ‘ପ୍ରମେୟ’ ଏବଂ ‘ନ୍ୟୁଜ ୭’ ସହ ସହଭାଗିତାକୁ ନେଇ ଅତ୍ୟନ୍ତ ଖୁସି । ଆଗକୁ ମଧ୍ୟ ଏହାକୁ ଆହୁରି ସ୍ୱତନ୍ତ୍ର ଢଙ୍ଗରେ ପାଳନ କରିବାକୁ ଉଦ୍ୟମ ଜାରି ରହିବ ।
‘ପ୍ରମେୟ’ ଓ ‘ନ୍ୟୁଜ-୭’ ପକ୍ଷରୁ ଚଳିତ ମାସ ୪ରୁ ୧୪ ଯାଏ ୧୦ ଦିନ ଧରି ଏହି ପ୍ରତିଯୋଗିତା ଆୟୋଜିତ ହୋଇଥିଲା । ପ୍ରତିଯୋଗୀମାନେ ପ୍ରତିଦିନ ୨୦୦ରୁ ୩୦୦ ସେଲ୍ଫି ପଠାଉଥିଲେ । ପ୍ରତିଦିନ ୩ ଜଣ ଭାଗ୍ୟଶାଳୀ ସେଲ୍ଫି ବିଜେତାଙ୍କ ଫଟୋ ‘ପ୍ରମେୟ’ରେ ପ୍ରକାଶ ପାଉଥିଲା ।
କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସେଣ୍ଟ୍ରୋର ଡିପାର୍ଟମେଣ୍ଟ ମ୍ୟାନେଜର ନିଗମ ବେହେରା, କାଳନ୍ଦୀ ରଣା, ଭକ୍ତକାନ୍ତ ପଣ୍ଡା, ରଞ୍ଜନ ସାହୁ, ସଞ୍ଜୀବ କୁମାର ଦାସ, ମଲ୍ ମ୍ୟାନେଜର ସୁଧୀର କୁମାରଙ୍କ ସମେତ ଅନ୍ୟ ଅତିଥି, ଅଭିଭାବକମାନେ ଉପସ୍ଥିତ ଥିଲେ । କାର୍ଯ୍ୟକ୍ରମ ପରିଚାଳନା କରିଥିଲେ କେପି ।
