ପାଟଣା,୧୦/୧୨ : ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ସରକାର ମହିଳା ସମ୍ବାଦ କାର୍ଯ୍ୟକ୍ରମର ଆୟୋଜନକୁ ମଞ୍ଜୁରି ଦେଇଛନ୍ତି । ଏହି ଯାତ୍ରାରେ ପ୍ରାୟ ୨୨୬କୋଟି ଟଙ୍କା ଖର୍ଚ୍ଚ କରିବାକୁ ମଞ୍ଜୁରି ମିଳିଛି । ରାଜ୍ୟ ସରକାର ମହିଳା ସଶକ୍ତିକରଣ ଲାଗି ଏବେ ପର୍ଯ୍ୟନ୍ତ ଯାହା ବି କାର୍ଯ୍ୟ କରିଛନ୍ତି ତାହାକୁ ନେଇ ସିଏମ୍ ନୀତିଶ ମହିଳାଙ୍କ ସହ କଥା ହେବେ । ମାତ୍ର ବିପକ୍ଷ ଦଳ ସିଏମ୍ ନୀତିଶଙ୍କ ଉପରେ ଏହାକୁ ନେଇ ଆକ୍ରମଣାତ୍ମକ କରିଛନ୍ତି । ପ୍ରଥମେ ଲାଲୁ ଯାଦବ ଏବଂ ଏବେ ଜନ ସୁରାଜର ନେତା ଏବଂ ପୂର୍ବତନ ରାଜନୈତିକ ରଣନୀତିକାର ପ୍ରଶାନ୍ତ କିଶୋର ନୀତିଶ କୁମାରଙ୍କୁ ଚ୍ୟାଲେଞ୍ଜ ଦେଇଛନ୍ତି । ପ୍ରଶାନ୍ତ କିଶୋର କହିଛନ୍ତି କି ମୁଁ ତାଙ୍କୁ ଚ୍ୟାଲେଞ୍ଜ ଦେଉଛି କି ସେ ଗୋଟିଏ ବି ପଞ୍ଚାୟତରେ ବିନା ସୁରକ୍ଷାରେ ବୁଲି ଦେଖନ୍ତୁ ।
ବିହାର ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ୧୫ଡିସେମ୍ବରରୁ ରାଜ୍ୟବାପୀ ମହିଳା ସମ୍ବାଦ ଯାତ୍ରା ବିଷୟରେ ପଚରାଯିବାକୁ ରାଜଦ ସୁପ୍ରିମୋ ବିବାଦୀୟ ବୟାନ ଦେଇ କହିଛନ୍ତି କି, ଯଦି ଯାଉଛନ୍ତି ତ ଭଲ କଥା... ଆଖି ସେକିବାକୁ ଯାଉଛନ୍ତି’ । ଏହା ପଚରାଯିବା ଉପରେ ନୀତିଶ କୁମାର ଦାବି କରୁଛନ୍ତି କି ୨୦୨୫ରେ ବିହାର ବିଧାନସଭା ନିର୍ବାଚନରେ ରାଷ୍ଟ୍ରୀୟ ଜନତାନ୍ତ୍ରିକ ଗଠବନ୍ଧନ(ରାଜଗ) ୨୦୨୫ସିଟ୍ ଜିତିବ, ରାଜଦ ସୁପ୍ରିମୋ କହିଛନ୍ତି, ପ୍ରଥମେ ଆଖି ସେକି ନିଅନ୍ତୁ ନିଜର, ଯାଉଛନ୍ତି ଆଖି ସେକିବାକୁ ’ ।
ସେ ଦାବି କରିଛନ୍ତି କି ରାଜଦର ନେତୃତ୍ବାଧିନ ବିପକ୍ଷ ଗଠବନ୍ଧନ ୨୦୨୫ରେ ରାଜ୍ୟରେ ସରକାର କରିବେ । ନୀତିଶ କୁମାର ନିଜ ସରକାରର ୭ ସଂକଳ୍ପ କାର୍ଯ୍ୟକ୍ରମ ପ୍ରଗତିର ସମୀକ୍ଷା କରିବାକୁ ଏବଂ ମହିଳାଙ୍କ ସହ କଥାବାର୍ତ୍ତା ମାଧ୍ୟମରେ ଲୋକଙ୍କ ମାନସିକତାକୁ ପରଖିବାକୁ ୧୫ଡିସେମ୍ବରରୁ ରାଜ୍ୟବ୍ୟାପୀ ଯାତ୍ରା ‘ମହିଳା ସମ୍ବାଦ ଯାତ୍ରା’ରେ ବାହାରିବେ ।
