ନୂଆଦିଲ୍ଲୀ,୧/୧୦ :  ସୋସିଆଲ ମିଡ଼ିଆର ଏହି ଜମାନାରେ ଆଜି ଲୋକେ ରିଲ୍ କରିବା ଆଳରେ କିଛି ବି କରିବାକୁ ପ୍ରସ୍ତୁତ ଅଛନ୍ତି । କେହି କେହି ଜୀବନ ସହ ବାଜି ବି ଲଗାଉଛନ୍ତି । ଯାହାକୁ ଦେଖି ଆପଣଙ୍କ ମୁଣ୍ଡ ଗୋଲ୍ ଖାଇଯିବ । ନିକଟରେ ଏଭଳି ଏକ ଭିଡ଼ିଓ ଇଣ୍ଟରନେଟରେ ଚର୍ଚ୍ଚାର ବିଷୟ ପାଲଟିଛି । ଯାହାକୁ ଦେଖି ଆପଣ ବି ନିଜ ମୁଣ୍ଡରେ ହାତ ଦେବେ । ଏହି ଭାଇରାଲ ଭିଡ଼ିଓକୁ ଦେଖି ଆପଣ ବି ଏହା କହିବେ କି ସତରେ ୟୁପିର ଯୁବକଙ୍କ ରିଲ୍ ନିଶା ମୁଣ୍ଡରେ ଚଢିଯାଇଛି।  ଭିଡ଼ିଓରେ ଜଣେ ବ୍ୟକ୍ତି ଜାତୀୟ ରାଜପଥର ରାସ୍ତାରେ ଥିବା ୩୦ଫୁଟ ଉପରେ ଲାଗିଥିବା ସାଇନବୋର୍ଡ଼ରେ ପୁସଅପ ଲଗାଉଥିବା ନଜର ଆସୁଛନ୍ତି । ଏହି ଭିଡ଼ିଓ ଉତ୍ତରପ୍ରଦେଶର ଆମେଠୀର ବୋଲି କୁହାଯାଉଛି । 

ଆମେଠୀ ଯିବା ରାସ୍ତାରେ ଲାଗିଥିବା ସାଇନବୋର୍ଡ଼ରେ ଜନୈକ ବ୍ୟକ୍ତି ପୁସଅପ ମାରିବାକୁ ଲାଗିଥିଲେ । ଯାହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି । ଏହାକୁ ଦେଖି କିଛି ଲୋକ ରୋମାଞ୍ଚିତ ହେଉଥିବାବେଳେ ସେହିଭଳି ଅନ୍ୟ କିଛି ଲୋକ ଉକ୍ତ ବ୍ୟକ୍ତି ଜଣଙ୍କୁ ଓହ୍ଲାଇବାକୁ କହୁଥିବା ନଜର ଆସୁଛନ୍ତି । ଏହି ଭିଡ଼ିଓ ଉତ୍ତର ପ୍ରଦେଶର ଆମେଠୀ ଜିଲ୍ଲାରୁ ହୋଇ ଯାଉଥିବା ଜାତୀୟ ରାଜପଥ ୯୩୧ରୁ ରେକର୍ଡ଼ କରାଯାଇଛି ।

ଭିଡ଼ିଓରେ ଦୁଇ ଯୁବକ ନଜର ଆସୁଛନ୍ତି । ସେମାନଙ୍କ ମଧ୍ୟରେ ଜଣେ ସାଇନବୋର୍ଡ଼ ଉପରେ ପୁସଅପ କରୁଥିବା ନଜର ଆସୁଛନ୍ତି ତ ଅନ୍ୟ ଜଣେ ଯୁବକ ସାଇନ ବୋର୍ଡ଼ରେ ଛିଡ଼ା ହୋଇଥିବା ନଜର ଆସୁଛନ୍ତି । ସାଇନବୋର୍ଡ଼ରେ ପୁସଅପ୍ ଲଗାଉଥିବା ଯୁବକଙ୍କ ପରିଚୟ ସଚିନ ରୂପରେ ହୋଇଛି । 

ଏହି ଭାଇରାଲ ଭିଡ଼ିଓ ଏବେ ଏହି ପ୍ରଶ୍ନ ଛିଡ଼ା କରିଛି କି ବିପଦଜନକ ଭାବେ ଏଭଳି ପରିସ୍ଥିତି ଉଠାଇବା ପୂର୍ବରୁ ପ୍ରଥମେ ଆମକୁ ନିଜ ସୁରକ୍ଷାର ପ୍ରାଥମିକତା ଦେବା ଜରୁରୀ ନୁହେଁ କି ?