ନୂଆଦିଲ୍ଲୀ : ଆମ୍ ଆଦମୀ ପାର୍ଟିକୁ ଅଲବିଦା କହିଥିବା ରାଜ୍ୟସଭା ସାଂସଦ ରାଘବ ଚଡ୍ଡା ଆପ୍ ଉପରେ ଜୋରଦାର ଆକ୍ରମଣ କରିଛନ୍ତି। ସେ କହିଛନ୍ତି ଯେ, ଆଜି ଦିଲ୍ଲୀରେ ‘ଶୀଶ ମହଲ ପାର୍ଟି ଟୁ’ ସାମ୍ନାକୁ ଆସି ଯାଇଛି। ଏହାର କିଛି ଫଟୋ ମଧ୍ୟ ସାମ୍ନାକୁ ଆସିଛି।ଯଦି ଦିଲ୍ଲୀ ନିର୍ବାଚନ ଗୁଡ଼ିକରେ ଆମ୍ ଆଦମୀ ପାର୍ଟିର ପରାଜୟର କୌଣସି ଏକ ବଡ଼ କାରଣ ଥିଲା , ତ ତାହା ‘ଶୀଶ ମହଲ’ ହିଁ ଥିଲା। କିନ୍ତୁ ଆଜି , ଦିଲ୍ଲୀ ନିର୍ବାଚନ ସରିବାର ଏବେ ଗୋଟିଏ ବର୍ଷ ମଧ୍ୟ ବିତି ନାହିଁ, ଶୀଶ ମହଲ ପାର୍ଟି ଟୁ ସାମ୍ନାକୁ ଆସି ଯାଇଛି। ମୋ ମତରେ ଯେବେ ରାସ୍ତା ଓ କମ୍ୟୁନିଟିରେ ଲୋକେ ଆମ୍ ଆଦମୀ ପାର୍ଟିର କାର୍ଯ୍ୟକର୍ତ୍ତାଙ୍କୁ ‘ଶୀଶ ମହଲ’ ବିଷୟରେ ପ୍ରଶ୍ନ ପଚାରିବେ , ତ ପାର୍ଟିର ଯେଉଁ ଜଣାଶୁଣା ଭଲ କାର୍ଯ୍ୟକର୍ତ୍ତା ରହିଛନ୍ତି , ସେ ଏହାର କଣ ଉତ୍ତର ଦେବେ ? ଆମ୍ ଆଦମୀ ପାର୍ଟିକୁ ଏହା ଉପରେ ମାନସମନ୍ଥନ କରିବା ଉଚିତ୍।
ଉଲ୍ଲେଖନୀୟ ଯେ, ବିଜେପି ଲୋଧି ଏଷ୍ଟେଟରେ ଆବଣ୍ଟିତ ନୂଆ ବଙ୍ଗଳାକୁ ନେଇ ଅରବିନ୍ଦ କେଜ୍ରିୱାଲଙ୍କ ଉପରେ ଶନିବାର ଟାର୍ଗେଟ୍ କରିଥିଲେ। ବିଜେପି ଏହାକୁ ‘ଶୀଲ ମହଲ-୨’ ଆଖ୍ୟା ଦେଇଛି। ବିଜେପିର ଅଭିଯୋଗ ଯେ,ଏଥିରେ ସୁବିଧା ବୃଦ୍ଧି କରିବା ପାଇଁ ଏଥିରେ ପର୍ସନାଲ ମନି ବ୍ୟବହାର କରାଯାଇଛି। ଦିଲ୍ଲୀର ଲୋକ ନିର୍ମାଣ ବିଭାଗ ମନ୍ତ୍ରୀ ପ୍ରବେଶ ବର୍ମା ବିଜେପି ମୁଖ୍ୟାଳୟରେ ଏକ ପ୍ରେସ୍ କନଫ୍ରେନ୍ସ କରି ଥିଲେ। ସେ ଅଭିଯୋଗ କରି ଥିଲେ ଯେ,କେଜ୍ରିୱାଲଙ୍କୁ ଐଶ୍ୱର୍ଯ୍ୟ ଆରାମ ଖୁବ୍ ପସନ୍ଦ। ସେ ଏଥିରେ ଅଭ୍ୟସ୍ତ ହୋଇ ସାରିଛନ୍ତି। ଦିଲ୍ଲୀର ଭୋଟମାନେ ଯେବେ ତାଙ୍କୁ ଶୀଶମହଲରୁ ବାହାର କରି ଦେଲେ ତ ସେ ପଞ୍ଜାବ ଚାଲି ଗଲେ ଏବଂ ସେ ସେଠାରେ ଏକ ବଙ୍ଗଳାକୁ କବଜା କରି ନେଲେ। ଏବେ ଦିଲ୍ଲୀର ଲୋଧି ଏଷ୍ଟେଟ୍ରେ ସେ ଶୀଶମହଲ -୨ ପ୍ରସ୍ତୁତ କରାଇଛନ୍ତି।
ରାଘବ ଚଡ୍ଡା ଏହି ପ୍ରସଙ୍ଗକୁ ନେଇ ଆମ୍ ଆଦମୀ ପାର୍ଟି ଉପରେ ଜୋରଦାର ଆକ୍ରମଣ କରିଛନ୍ତି। ରାଘବ ଚଡ୍ଡା କହିଛନ୍ତି ଆଉ ଏକ ଗୁରୁତ୍ତ୍ୱପୂର୍ଣ୍ଣ କଥା ଏହା ଯେ, ଆଜି ଦିଲ୍ଲୀରେ ‘ଶୀଶ ମହଲ ପାର୍ଟି ଟୁ’ ସାମ୍ନାକୁ ଆସି ଯାଇଛି। ଏହାର କିଛି ଫଟୋ ମଧ୍ୟ ବାହାରକୁ ଆସିଛି। ମୋର ବିଶ୍ୱାସ ଯେ, ଦିଲ୍ଲୀର ନିର୍ବାଚନରେ ଆମ୍ ଆଦମୀ ପାର୍ଟିର ପରାଜୟର ମୁଖ୍ୟ କାରଣମାନଙ୍କ ମଧ୍ୟରୁ ଗୋଟିଏ କାରଣ ‘ଶୀଶ ମହଲ’ ମଧ୍ୟ ଥିଲା। ଦିଲ୍ଲୀ ନିର୍ବାଚନ ସରିବାର ଗୋଟିଏ ବର୍ଷ ବି ହୋଇ ନାହିଁ ଯେ, ‘ଶୀଶ ମହଲ ପାର୍ଟ ଟୁ’ ସାମ୍ନାକୁ ଆସି ଯାଇଛି। ଏହି ପ୍ରସଙ୍ଗକୁ ନେଇ ଦିଲ୍ଲୀର ଲୋକେ ଯେବେ ଆମ୍ ଆଦମୀ ପାର୍ଟିର କିଛି ଜଣ ଭଲ କର୍ମୀ ପ୍ରଶ୍ନ କରିବେ, ସେତେବେଳେ କଣ ଜବାବ ଦେବେ ? ଆମ୍ ଆଦମୀ ପାର୍ଟିକୁ ଏହି ପ୍ରସଙ୍ଗରେ ମାନସମନ୍ଥନ କରିବା ଉଚିତ୍। ଏହା ଉପରେ ବିଚାର କରିବା ଉଚିତ୍।
ବିଜେପି ସିଭିଲ ଲାଇନ୍ସ ସ୍ଥିତ -୬ , ଫ୍ଲାଗଷ୍ଟାଫ୍ ରୋଡ ସ୍ଥିତ ବଙ୍ଗଳାକୁ ‘ଶୀଶମହଲ’ ଆଖ୍ୟା ଦେଇ ସିଧାସଳଖ ଅରବିନ୍ଦ କେଜ୍ରିୱାଲଙ୍କ ଉପରେ ଆକ୍ରମଣ କରିଥିଲେ। ବିଜେପି ସେହି ବଙ୍ଗଳାକୁ ଭବ୍ୟ ସାଜସଜ୍ଜାରେ କଥିତ ଆର୍ଥିକ ଗଡ଼ବଡ଼ର ଅଭିଯୋଗ କରିଥିଲେ।
ବିଜେପି ନେତା ଓ ଦିଲ୍ଲୀ ସରକାରରେ ମନ୍ତ୍ରୀ ପ୍ରବେଶ ବର୍ମା କହିଛନ୍ତି ଯେ, ଅରବିନ୍ଦ କେଜ୍ରିୱାଲଙ୍କ ନୂଆ ନିବାସ-୯୫, ଲୋଧି ଏଷ୍ଟେଟ୍ରେ ଅଛି, ଯେଉଁଠି ସେ ଏବେ ରହିଛନ୍ତି। ଏଥିରେ ୫ଟି ଶୟନକକ୍ଷ ଓ ୪ ବୈଠକ କକ୍ଷ ଅଛି। ଏଥିରେ ଲୁଟିୟନ୍ସ ଦିଲ୍ଲୀର କୌଣସି ବି ଅନ୍ୟ ବଙ୍ଗଳା ଠାରୁ ଭଲ ସୁବିଧା ଅଛି। ଏହା କି, ଆମ୍ ଆଦମୀ ପାର୍ଟିର ଦୁର୍ନୀତିର କାରଣ ହିଁ ଶୁକ୍ରବାର ଏହାର ୭ଜଣ ରାଜ୍ୟସଭା ସଦସ୍ୟ ପାର୍ଟି ଛାଡ଼ି ଦେଇ ଥିଲେ।
ରାଘବ ଚଡ୍ଡା କହିଛନ୍ତି ଯେ, ଆମ୍ ଆଦମୀ ପାର୍ଟି ଏମିତି ଭୁଲ୍ ରାସ୍ତାରେ ଚାଲି ଯାଇଛି ଯେ , ଯାହା ସହ କେହି ବି ଯୋଡ଼ି ହେବାକୁ ଚାହୁଁ ନାହାନ୍ତି। ଏହି କାରଣ କି ଗୋଟେ ଗୋଟେ କରି ଅନେକ ନେତା ଆମ୍ ଆଦମୀ ପାର୍ଟି ଛାଡ଼ି ସାରିଛନ୍ତି। ଏହାକୁ ନେଇ ଗୋଟିଏ ନୁହେଁ , ୭ଜଣ ସାଂସଦ ଏକାଠି ଆମ୍ ଆଦମୀ ପାର୍ଟି ଛାଡ଼ୁଛନ୍ତି। ଏହିସବୁ ନେତାଙ୍କ ବିଶ୍ୱାସ ଯେ, ଆମ୍ ଆଦମୀ ପାର୍ଟି ଦୁର୍ନୀତି ଓ କମ୍ପ୍ରୋମାଇଜିଂ ହାତକୁ ଚାଲି ଯାଇଛି। ଆମ୍ ଆଦମୀ ପାର୍ଟିର ଯେଉଁ ଲୋକେ ଏହା କହୁଛନ୍ତି ଯେ, ଆମେ ଭୟ କାରଣରୁ ଆପ୍ ଛାଡ଼ିବାକୁ ନିଷ୍ପତ୍ତି ନେଲୁ, ଏହା ସତ ନୁହେଁ, ଆମେ ଆମ୍ ଆଦମୀ ପାର୍ଟିରୁ ଭୟଭୀତ ହୋଇ ନୁହେଁ , ବରଂ ତାକୁ ଘୃଣା କରିବା କାରଣକୁ ଛାଡ଼ି ଦେଲୁ।
ଆହୁରି ମଧ୍ୟ ପଢନ୍ତୁ : ହରଭଜନ ସିଂହଙ୍କ ‘ଆପ୍ ’ ଛାଡିବା ନେଇ ରାଗିଲେ କାର୍ଯ୍ୟକର୍ତ୍ତା , ଜଳନ୍ଧରରେ ଥିବା ଘରର କାନ୍ଥରେ ଲେଖିଲେ ‘ ଦେଶଦ୍ରୋହୀ’
