PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାତ୍ରା ଅଭିନେତା ଦୈତାରୀ ପଣ୍ଡାଙ୍କ ନାଁରେ ରାଜଧାନୀ ମିଡ଼ିଆ ହାଉସ୍ ସିଇଓ ଥାନାରେ କଲେ ଅଭିଯୋଗ , ଯାତ୍ରା ରାଜିନାମା ଅଗ୍ରୀମ ଟଙ୍କା ଫେରସ୍ତ ନକରିବାରୁ ବାଲେଶ୍ୱର ଜିଲ୍ଲା ଔପଦା ଥାନାରେ ରୁଜୁ ହୋଇଛି ମାମଲା, ପାର୍ବତୀ ଗଣନାଟ୍ୟ ଠାରୁ ୧୫ ଲକ୍ଷ ଟଙ୍କା ନେଇଥିଲେ ଅଗ୍ରୀମ
  • ||
  • ନୂଆଦିଲ୍ଲୀ : ଆସାମ ବନ୍ୟା ପୀଡିତଙ୍କ ପାଇଁ ସାହାଯ୍ୟର ହାତ ବଢାଇଲେ ଫିଲ୍ମ ନିର୍ମାତା କରନ ଜୋହର, ରିଲିଫ ପାଣ୍ଠିକୁ ଦେଲେ ୧୧ଲକ୍ଷ
  • ||
  • ଭୁବନେଶ୍ବର : କଂଗ୍ରେସ ବିଧାୟକ ରାଜନ ଏକ୍କାଙ୍କୁ ଭେଟିଲେ ବିଜେଡି ଟିମ୍, ରାଷ୍ଟ୍ରପତି ପ୍ରାର୍ଥି ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ କଲେ ନିବେଦନ
  • ||
  • କଟକ : ପ୍ରକାଶ ପାଇଲା ମାଟ୍ରିକ ପରୀକ୍ଷା ଫଳ, ଚଳିତ ବର୍ଷ ପାସ ହାର ୯୦.୫୫
  • ||
  • ନିଶ୍ଚିନ୍ତକୋଇଲି : କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ସୁକରପଡା ଗାଁରେ ପାରିବାରିକ କଳହରୁ ମା’କୁ ହତ୍ୟା କରିଛି ପୁଅ
  • ||
  • ଆନନ୍ଦପୁର : ଶାଳବଣୀ ଛକ ନିକଟରେ ଟାୟାର ଫାଟିଯିବାରୁ ପୋଲିସ ହାବୁଡରେ ଧରାପଡିଲା ବେଆଇନ ଗୋ-ଚାଲାଣ ଟ୍ରକ, ଜବତ କଲା ଆନନ୍ଦପୁର ପୋଲିସ
  • ||
  • ଭୁବନେଶ୍ୱର : ଅଭିନେତ୍ରୀ ରଶ୍ମିରେଖାଙ୍କ ମୃତ୍ୟୁ ଘଟଣା, ପ୍ରେମିକ ସନ୍ତୋଷ ପାତ୍ର ରାଉରକେଲା ବାସନ୍ତୀକଲୋନୀରେ ଆତ୍ମହତ୍ୟା କରିଛନ୍ତି
  • ||
  • ରାଉରକେଲା : ରାଉରକେଲାରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାୟଗଡ଼ା : ଚାନ୍ଦିଲି ଥାନା ଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥର ହାତୀଖମ୍ବ ଗାଁ ନିକଟରେ ଏକ ଯାତ୍ରୀବାହୀ ବସ୍ ଓଲଟି ଜଣେ ମହିଳାଙ୍କ ମୃତ୍ୟୁ, ୩୦ ଆହତ
  • ||

ସେହି ନର୍ସଙ୍କୁ ଭେଟିଲେ ରାହୁଲ ଗାନ୍ଧି, ଯିଏ ନିଜ ଜନ୍ମ ସମୟରେ ପ୍ରଥମେ ହାତରେ ଧରିଥିଲେ

କୋଝିକୋଡା,୯।୬: ଠିକ୍ ୪୯ ବର୍ଷ ପୂର୍ବେ ଦିଲ୍ଲୀର ଏକ ହସ୍ପିଟାଲରେ ନବଜାତ ଶିଶୁ ଭାବରେ ଯେତେବେଳେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ଥିଲେ ସେ ସମୟରେ ଜଣେ ନର୍ସ ତାଙ୍କୁ ପ୍ରଥମ ଥର ନିଜ ହାତରେ ଧରିଥିଲେ। ସେ ନସ; ଜଣକ ହେଉଛନ୍ତି ୭୨ ବର୍ଷୀୟ ରାଜମ୍ମା ଭଭାଥିଲ। ଆଜି ଯେତେବେଳେ ରାହୁଲ ତାଙ୍କ ଜନ୍ମର ସାକ୍ଷୀ ଏହି ନର୍ସଙ୍କୁ ଭେଟିଥିଲେ ଏକ ଆବେଗଭରା କ୍ଷଣ ଦେଖିବାକୁ ମିଳିଥିଲା। ରାଜମ୍ମାଙ୍କୁ ଯେତେବେଳେ ରାହୁଲ ଆଲିଙ୍ଗନ କରିଥିଲେ ସେ ସମୟରେ ତାଙ୍କ ଖୁସି କହିଲେ ନସରେ।

କେରଳ ଓ୍ବାଇନାଡରୁ ସାଂସଦ ଥିବା ରାହୁଲ ଗାନ୍ଧି ରାଜମ୍ମାଙ୍କୁ ହାତ ଧରି ଆଲିଙ୍ଗନ କରିବା ସହ ତାଙ୍କର ପରିବାର ଲୋକଙ୍କୁ  ସାକ୍ଷାତ କରିଥିଲେ। ସମସ୍ତେ କୋଝିକାଡାରେ ଥିବା ଏକ ଅତିଥି ଗୃହରେ ରହିଥିବା ବେଳେ ରାହୁଲଙ୍କୁ ଦେଖା କରିବାକୁ ଆସିଥିଲେ।

ଗତକାଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ନିଜ ସଂସଦୀୟ କ୍ଷେତ୍ର କେରଳର ଓ୍ୱାଇନାଡ଼ ନିର୍ବାଚନମଣ୍ଡଳୀ ଗସ୍ତର ଅନ୍ତିମ ଦିନ ଥିଲା। ଏହି ଅବସରରେ ସେ ବିଭିନ୍ନ ଲୋକଙ୍କୁ ଭେଟି ଭୋଟ ଦେଇଥିବାରୁ ଧନ୍ୟବାଦ ଜଣାଇଥିଲେ। ଏହି ସମୟରେ ରାହୁଲ ତାଙ୍କ ଜନ୍ମ ବେଳେ ହସ୍ପିଟାଲ ଓ୍ୱାର୍ଡରେ ଉପସ୍ଥିତ ଥିବା ନର୍ସ ଭଭାଥିଲଙ୍କ ସହ ସାକ୍ଷାତ କରିଥିଲେ। ବ୍ୟସ୍ତତା ପରେ ମଧ୍ୟ ରାହୁଲ  ଭଭାଥିଲଙ୍କ ସ୍ବାମୀ, ନାତି-ନାତୁଣୀଙ୍କ ସହ ସାରା ପରିବାର ଲୋକଙ୍କୁ ଭେଟିବା ସହ ଫଟୋ ମଧ୍ୟ ଉଠାଇଥିଲେ।  

୧୯୭୯ ମସିହା ଜୁନ ୧୯ରେ ରାହୁଲ ଗାନ୍ଧି ଦିଲ୍ଲୀସ୍ଥିତ ହୋଲି ଫ୍ୟାମିଲି ହସ୍ପିଟାଲରେ ଜନ୍ମଗ୍ରହଣ କରିଥିଲେ। ସେତେବେଳେ ଭଭାଥିଲ ସେହି ହସ୍ପିଟାଲରେ ନର୍ସ ଭାବେ କାର୍ଯ୍ୟ କରୁଥିଲେ। ଏହାପରେ ସେ ସେନା ହସ୍ପିଟାଲରେ କାମ କରିଥିଳେ। ୧୯୮୭ ମସିହାରେ ଅବସର ଗ୍ରହଣ କରିବା ପରେ ଭଭଥିଲି ନିଜ ଗାଁକୁ ଫେରି ଆସିଥିଲେ। ଏବେ ସେ କେରଳର ସୁଲତାନ ବଠେରିରେ ରହୁଛନ୍ତି।

ରାହୁଲଙ୍କୁ ଭେଟିବା ପରେ ଭଭଥିଲ ତାଙ୍କ ହାତ ତିଆରି ପଣସ ଚିପ୍ସ ଓ ମିଠା ଉପହାର ଦେଇଥିଲେ ବୋଲି ଜଣାପଡିଛି । ଭଭଥିଲ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ମୁଁ ହେଉଛି ପ୍ରଥମ ବ୍ୟକ୍ତି, ଯିଏ କି ରାହୁଲ ଜନ୍ମ ହେବା ପରେ ମୋ ହାତରେ ଧରିଥିଲି। ସେ ଦେଖିବାକୁ ଖୁବ୍ ସୁନ୍ଦର ଥିଲେ ପିଲାବେଳୁ। ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧିଙ୍କ ନାତିଙ୍କୁ ଦେଖି ଆ​‌ମେ ସମସ୍ତେ ରୋମାଞ୍ଚିତ ହୋଇପଡିଥିଲୁ। କେବେ ତାଙ୍କୁ ଭେଟିବି ବୋଲି ମୁଁ ସ୍ୱପ୍ନରେ ସୁଦ୍ଧା ଭାବିନଥିଲି। ହେଲେ ଏବେ ତାଙ୍କ ଅଞ୍ଚଳର ସାଂସଦ ଭାବରେ ରାହୁଲଙ୍କୁ ଭେଟିଥିବାରୁ ଖୁବ୍ ଖୁସି।