ନୂଆଦିଲ୍ଲୀ,୩୧।୩: ଜବାହାର ଲାଲ ନେହରୁ ବିଶ୍ବ ବିଦ୍ୟାଳୟ (ଜେଏନୟୁ)ର ପୂର୍ବତନ ଛାତ୍ରସଂଘ ଅଧ୍ୟକ୍ଷ ସନ୍ଦୀପ ସିଂହ ବର୍ତ୍ତମାନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କର ରାଜନୈତିକ ପରାମର୍ଶଦାତା ଭାବରେ କାମ କରୁଛନ୍ତି। ଏହା ସହିତ ସେ ରାହୁଲଙ୍କ ଭାଷଣ ମଧ୍ୟ ଲେଖୁଛନ୍ତି । ତେବେ ସନ୍ଦୀପ ହେଉଛନ୍ତି ସେହି ବ୍ୟକ୍ତି ଯିଏ ୨୦୦୫ ମସିହାରେ ତତ୍କାଳୀନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ କଳା ପତାକା ଦେଖାଇ ବିରୋଧ କରିଥିଲେ। ପ୍ରାୟ ଦେଢ ହେବ ବାମ ଦଳ ଛାଡି କଂଗ୍ରେସରେ ସେ ସାମିଲ ହୋଇଛନ୍ତି। ଏବେ ରାଜ୍ୟରେ ଛୋଟ-ଛୋଟ ଦଳ ସହିତ ମେଣ୍ଟ କରିବାରେ ମଧ୍ୟ ସନ୍ଦୀପ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି। ରାହୁଲଙ୍କ ଦିଗଦର୍ଶକ ସାଜିଥିବା ସନ୍ଦୀପଙ୍କୁ ଏପର୍ଯ୍ୟନ୍ତ ଦଳରେ କୌଣସି ପଦବୀ ଦିଆଯାଇ ନାହିଁ।
{"id":9982,"width":741,"height":416}ସେ ୨୦୦୭ରେ ଜେଏନୟୁ ଛାତ୍ରସଂଘର ଅଧ୍ୟକ୍ଷ ଭାବରେ ନିର୍ବାଚିତ ହୋଇଥିଲେ। ସେତେବେଳେ ସେ ସିପିଆଇ ଏମଏଲ ଛାତ୍ର ୟୁନିଟର ଆଇସା ସଦସ୍ୟ ଥିଲେ। ସନ୍ଦୀପ ୨୦୧୭ ମସିହାରୁ ରାହୁଲଙ୍କ ସହିତ କାମ କରି ଆସୁଛନ୍ତି । ପ୍ରିୟଙ୍କା ଗାନ୍ଧି ସକ୍ରିୟ ରାଜନୀତିକୁ ଆସିବ ପରେ ତାଙ୍କ ସହିତ ମଧ୍ୟ ଉତ୍ତରପ୍ରଦେଶର ବିଭିନ୍ନ ସ୍ଥାନ ଗସ୍ତ କରୁଛନ୍ତି। ରାଜନୈତିକ ବିଶେଷଜ୍ଞଙ୍କ ମତରେ ପୂର୍ବରୁ କଂଗ୍ରେସକୁ ବିରୋଧ କରୁଥିବା ସନ୍ଦୀପ କିଭଳି ରାହୁଲଙ୍କ ନିକଟତର ହୋଇପାରିଲେ? ଏହାର ଟିକେ ବି ଖବର କିଭଳି ଅନ୍ୟମାନେ ଜାଣିପାରିଲେ ନାହିଁ?
{"id":9983,"width":750,"height":484}ଉତ୍ତରପ୍ରଦେଶର ପ୍ରତାପଗଡ଼ରେ ଏକ ମଧ୍ୟବିତ୍ତ ପରିବାରରେ ଜନ୍ମିତ ସନ୍ଦୀପ ଆଲ୍ଲାବାଦ ବିଶ୍ୱବିଦ୍ୟାଳୟରୁ ଉତ୍ତୀର୍ଣ୍ଣ ହେବାପରେ ଜେଏନ୍ୟୁ ଆସିଥିଲେ। ସେଠାରେ ବାମପନ୍ଥୀ ସଂଗଠନ ସିପିଆଇ (ଏମ୍-ଏଲ୍)ର ଛାତ୍ର ସଂଗଠନ ଆଏସା ସହିତ ଜଡ଼ିତ ହୋଇଥିଲେ। ୨୦୦୫ ମସିହାରେ ମନମୋହନଙ୍କ ଜେଏନ୍ୟୁ ଗସ୍ତ ସମୟରେ ‘ସରକାରଙ୍କ ଜନବିରୋଧୀ ନୀତି’କୁ ବିରୋଧ କରି ସେ କଳାପତାକା ଦେଖାଇଥିଲେ। ଯାହାକି ତାଙ୍କୁ ଚର୍ଚ୍ଚାର ପରିସରକୁ ଆଣିଥିଲା। ଏଠାରୁ ପାଠପଢ଼ା ସାରିବା ପରେ ସେ ନିଜକୁ ବାମ ଦଳଠାରୁ ଅଲଗା କରିଦେଇଥିଲେ।
{"id":9984,"width":740,"height":507}ସନ୍ଦୀପଙ୍କ ପରିଚୟ ଜଣେ କୁଶଳ ବକ୍ତା ଭାବରେ ଛାତ୍ର ଜୀବନରେ ରହିଥିଲା। ଜେଏନୟୁ ଛାଡିବା ପରେ ରାଜନୀତିରୁ ଦୂରେଇ ସେ ୨୦୧୧ରେ ଆନ୍ନା ହଜାରେଙ୍କ ଦୁର୍ନୀତି ବିରୋଧୀ ଆନ୍ଦୋଳନରେ ସାମିଲ ହୋଇଥିଲେ। ସନ୍ଦୀପ ଯେତେବେଳେ କଂଗ୍ରେସରେ ଯୋଗ ଦେଲେ ସେ ମନମୋହନଙ୍କୁ କଳାପତାକା ଦେଖାଇଥିବା ଘଟଣାରେ ଦୁଃଖ ପ୍ରକାଶ କରିଥିଲେ। ଦଳରେ ତାଙ୍କର ପ୍ରବେଶ ଭାଷଣ ଲେଖିବା କାମରୁ ଆରମ୍ଭ ହୋଇଥିଲା, କିନ୍ତୁ ଖୁବ୍ ଶୀଘ୍ର ସେ କୋର କମିଟିରେ ସ୍ଥାନ ପାଇ ଦଳର ରଣନୀତିକାରଙ୍କ ମଧ୍ୟରେ ନିଜକୁ ସାମିଲ କରିପାରିଛନ୍ତି।