ନୂଆଦିଲ୍ଲୀ, ୧୦/୦୭ : ଆର୍ଥିକ ବର୍ଷ ୨୦୨୫- ୨୬ରେ ରେଳ ନିଯୁକ୍ତି ବୋର୍ଡ ୫୦ ହଜାର ନିଯୁକ୍ତି ପ୍ରଦାନ କରିବ । ଚଳିତ ଆର୍ଥିକ ବର୍ଷ ପ୍ରଥମ ତ୍ରୈମାସରେ ୯ ହଜାର ନିଯୁକ୍ତି କରିଛି ରେଲୱେ । ପରୀକ୍ଷା କେନ୍ଦ୍ର ଗୁଡ଼ିକ ପରୀକ୍ଷାର୍ଥୀଙ୍କ ଘର ନିକଟରେ ଯେଭଳି ରହିବ ସେ ସମ୍ପର୍କରେ ପଦକ୍ଷେପ ଗ୍ରହଣ କରାଯାଇଛି । ଏଥିରେ ମହିଳା ଏବଂ ଦିବ୍ୟାଙ୍ଗକୁ ଧ୍ୟାନରେ ରଖାଯାଇଛି । ୨୦୨୪ ପରଠୁ ରେଳ ନିଯୁକ୍ତି ବୋର୍ଡ ୧.୦୮ ଲକ୍ଷ ନିଯୁକ୍ତି ଲାଗି ୧୨ଟି ବିଜ୍ଞପ୍ତି ପ୍ରକାଶ କରିଛି । ଏଥିରୁ ୨୦୨୬-୨୭ ଅବଧିରେ ୫୦ ହଜାର ନିଯୁକ୍ତି ନେଇ ପ୍ରକ୍ରିୟା ତ୍ୱରାନ୍ୱିତ କରାଯାଇଛି ।
ରେଳ ମନ୍ତ୍ରାଳୟ କହିବାନୁଯାୟୀ, ଆରଆରବିର ପରୀକ୍ଷା ପାଇଁ ସିବିଟି ଆୟୋଜନ କରିବା ଏକ ବଡ଼ ପ୍ରକ୍ରିୟା। ଏଥିପାଇଁ ବ୍ୟାପକ ପ୍ଲାନିଂ ଏବଂ ସମନ୍ଵୟର ଆବଶ୍ୟକତା ରହିଛି। ପରୀକ୍ଷାରେ ସ୍ଵଚ୍ଛତା ରଖିବା ପାଇଁ ଆରଆରବି ଏଥର ନୂଆ ପନ୍ଥା ଆପଣେଇଛି। ପରୀକ୍ଷାରେ ସ୍ୱଚ୍ଛତା ଲାଗି ଇ-କେୱାଇସି ଆଧାର ପ୍ରମାଣନ ବ୍ୟବସ୍ଥା କରାଯାଇଛି । ଏହି ଯୋଜନାରେ ୯୫ ପ୍ରତିଶତ ସଫଳତା ମିଳିଛି। କପି ରୋକିବା ପାଇଁ ଶତ ପ୍ରତିଶତ ପରୀକ୍ଷା କେନ୍ଦ୍ର ଗୁଡ଼ିକରେ ଜାମର ବ୍ୟବସ୍ଥା କରାଯାଇଥିବା ରେଲୱେ ପକ୍ଷରୁ ସୂଚନା ମିଳିଛି । ଏହା ସବୁ ପ୍ରକାରର ଇଲେକ୍ଟ୍ରୋନିକ୍ ଡିଭାଇସ୍ର ବ୍ୟବହାରକୁ ରୋକିବ.
