PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଚଭୂତରେ ଲୀନ ହେଲେ ରାଇମୋହନ , ମୁଖାଗ୍ନି ହେଲେ ସାନଝିଅ ଉଦିତା ପରିଡ଼ା , ପୁରୀ ସ୍ୱର୍ଗଦ୍ୱାରରେ ରାଇଙ୍କ ଶେତକୃତ୍ୟ ସଂପନ୍ନ
  • ||
  • ଭୁବନେଶ୍ୱର: ବାଣୀବିହାରରେ ପୁଣି ଆତଙ୍କ। ବୁଲିଲା ଖଣ୍ଡା , ଭୁଜାଲି। ଛିନ୍ ଛତ୍ର ହୋଇ ଦୌଡ଼ିଲେ ଛାତ୍ର ଛାତ୍ରୀ। କ୍ୟାମ୍ପସ ବାହାର କିଛି ଅଣଛାତ୍ର ଆସି ଛାତ୍ର ଙ୍କୁ ଆକ୍ରମଣ କରିଥିବା ସୂଚନା।
  • ||
  • ମୃତ୍ଯୁ ପରେ ଚକ୍ଷୁଦାନ କଲେ ରାଇମୋହନ, କ୍ୟାପିଟାଲ ହସ୍ପିଟାଲରେ କରାଗଲା ତାଙ୍କର ଚକ୍ଷୁଦାନ , କ୍ଯାପିଟାଲ ହସ୍ପିଟାଲ ନିର୍ଦ୍ଦେଶକ ଲକ୍ଷ୍ମୀଧର ସାହୁଙ୍କ ସୂଚନା
  • ||
  • ଭୁବନେଶ୍ଵର : ଅଭିନେତା ରାଇମୋହନ ପରିଡ଼ାଙ୍କ ପରଲୋକ, ନିଜ ଘରେ ଆତ୍ମହତ୍ୟା କରିଥିବା ସୂଚନା
  • ||
  • ଭୁବନେଶ୍ୱର: ମାସ ଶେଷରେ ଲଘୁଚାପ, ପ୍ରଥମ ସପ୍ତାହରେ ବର୍ଷିବ: ଆଜିଠୁ ୬ ଦିନ ଯାଏଁ ବର୍ଷା ସମ୍ଭାବନା, ୟେଲୋ ୱାର୍ଣ୍ଣିଂ ଜାରି
  • ||
  • ପୁରୀ: ଅଣସର ପିଣ୍ଡିରେ ଚକା ବିଜେ ହେଲେ ଶ୍ରୀବିଗ୍ରହ, ଆଜି ଖଳି ଲାଗି ପରେ ମୋଦକ ସମର୍ପଣ ନୀତି
  • ||
  • ଭୁବନେଶ୍ୱର: ଆଜି ଭୁବନେଶ୍ୱର କୋର୍ଟ ବନ୍ଦ, ଆନ୍ଦୋଳନକୁ ଓହ୍ଲାଇବେ ଆଇନଜୀବୀ
  • ||
  • ଜଳେଶ୍ୱର: ଭିଜିଲାନ୍ସ ଜାଲରେ ଆଣ୍ଟିଂ ସ୍ମଗଲିଂ ଗାର୍ଡ, ଏକକାଳୀନ ୫ଟି ସ୍ଥାନରେ ଚାଲିଛି ରେଡ୍
  • ||
  • ଜୁନାଗଡ଼: ସାଥିରେ ନେଲେନି ବୋଲି… ଦୁଇ ବନ୍ଧୁଙ୍କୁ ଏସିଡ୍‌ ମାଡ଼ କଲା ମଦ୍ୟପ ଯୁବକ, ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ନୂଆପଡ଼ା: ପୁଅକୁ ଟାଙ୍ଗିଆରେ ହତ୍ୟା କରି ଆତ୍ମହତ୍ୟା କଲା ବାପା
  • ||

ବିରୋଧୀଙ୍କୁ ରାଜନାଥଙ୍କ ଜବାବ: ବାଲାକୋଟରେ ୩୦୦ ମୋବାଇଲ ଫୋନ କ’ଣ ଗଛ ଧରିଥିଲେ ?

source:nenow.in

ଧୁବ୍ରି (ଆସାମ),୫ ।୩(ଏଜେନ୍ସି): ପାକିସ୍ତାନର ଖାଇବର ପାଖତୁନଖ୍ୱା ପ୍ରଦେଶର ବାଲାକୋଟରେ ଥିବା ଆତଙ୍କବାଦୀ ସଙ୍ଗଠନ ଜୈସ୍‌-ଇମହମ୍ମଦର ମୁଖ୍ୟ ତାଲିମ୍‌ କେନ୍ଦ୍ର ଉପରେ ଭାରତୀୟ ବାୟୁସେନା ଗତମାସ ୨୬ ତାରିଖରେ ବିମାନ ଆକ୍ରମଣ କରିବା ଘଟଣାରେ କେତେ ଆତଙ୍କୀ ମରିଛନ୍ତି ତାହାର ସଂଖ୍ୟା ଆଜି ନହେଲେ କାଲି ଜଣାପଡିବ । କିନ୍ତୁ ଆକ୍ରମଣ ବେଳେ ଯେଉଁ ୩୦୦ ମୋବାଇଲ ଫୋନ୍‌ ସକ୍ରିୟ ଥିଲା ତାହା କ’ଣ ଗଛ ଧରିଥିଲେ? ଆତଙ୍କୀ ମୃତ୍ୟୃର ହିସାବ ମାଗୁଥିବ ବିରୋଧୀଙ୍କୁ ସ୍ୱରାଷ୍ଟ୍ରମନ୍ତ୍ରୀ ରାଜନାଥ ସିଂହ ଆଜି ଏଭଳି ଜବାବ ଦେଇଛନ୍ତି । ଆସାମର ଧୁବ୍ରିଠାରେ ବିଏସ୍‌ଏଫ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଯୋଗଦେବା ପରେ ଏକ ଜନସଭାକୁ ସମ୍ବୋଧିତ କରି ରାଜନାଥ କହିଛନ୍ତି ଯେ ବାୟୁସେନା ଆକ୍ରମଣରେ କେତେ ଆତଙ୍କୀ
ମଲେ ତାହାର ହିସାବ କିଛି ରାଜନୈତିକ ଦଳର ନେତା ମାଗୁଛନ୍ତି । ଏହି ସଂଖ୍ୟା ଆଜି ନହେଲେ ଆସନ୍ତାକାଲି ଜଣାପଡିବ । ପାକିସ୍ତାନ ଓ ସେଠାକାର ନେତାମାନେ ଭଲ ଭାବେ ଜାଣିଛନ୍ତି କେତେ ଆତଙ୍କୀ ମରିଛନ୍ତି । କିନ୍ତୁ ଆମ ଦେଶର ବିରୋଧୀ ଦଳମାନେ କେତେ ମଲେ, କେତେ ମଲେ ବୋଲି ଚିତ୍କାର କରୁଛନ୍ତି । ବୋମା ମାଡ଼ କରି ଆତଙ୍କୀ ଆଡ୍ଡା ଧ୍ୱଂସ କରିବା ପରେ ବାୟୁସେନାର
ଯବାନମାନେ କ’ଣ ସେଠାକୁ ଯାଇ ୧, ୨, ୩, ୪, ୫.. କରି କେତେ ମଲେ ଗଣିଥାନ୍ତେ? ଏହା କି ପ୍ରକାର ବାଚାଳାମୀ ବୋଲି ରାଜନାଥ କହିଛନ୍ତି । ସ୍ୱରାଷ୍ଟ୍ରମନ୍ତ୍ରୀ ଆହୁରି ମଧ୍ୟ କହିଛନ୍ତି କି ଆକ୍ରମଣ ବେଳେ ବାଲାକୋଟ ଆତଙ୍କୀ ଆଡ୍ଡାରେ ୩୦୦ ମୋବାଇଲ ଫୋନ୍‌ ସକ୍ରିୟ ଥିଲା । ନ୍ୟାସନାଲ ଟେକ୍ନିକାଲ ରିସର୍ଚ୍ଚ ଅର୍ଗାନାଇଜେସନ (ଏନ୍‌ଟିଆରଓ) ଏହି ତଥ୍ୟ ଦେଇଛି । ଏନ୍‌ଟିଆରଓ ସରକାରଙ୍କ ଏକ ବିଶ୍ୱସନୀୟ ସଂସ୍ଥା । ଏହାର ତଥ୍ୟ କ’ଣ ଭୁଲ? ସେହି ସମୟରେ ସେଠାରେ କ’ଣ ଗଛ ମୋବାଇଲ ଫୋନ୍‌ ବ୍ୟବହାର କରୁଥିଲେ? ଏନ୍‌ଟିଆରଓ ତଥ୍ୟକୁ ଆପଣମାନେ କ’ଣ ଅବିଶ୍ୱାସ କରୁଛନ୍ତି? କେବଳ ସରକାର ଗଠନ ପାଇଁ ରାଜନୀତି ହେବା ଉଚିତ ନୁହେଁ । ଦେଶ ଗଠନ ପାଇଁ ମଧ୍ୟ ରାଜନୀତି ହେବା ଉଚିତ । ଯଦି ମୋର କଂଗ୍ରେସ ବନ୍ଧୁମାନେ ସଂଖ୍ୟା ଜାଣିବା ନିହାତି ଦରକାର ବୋଲି ଭାବୁଛନ୍ତି ତେବେ ସେମାନେ ପାକିସ୍ତାନ ଯାଆନ୍ତୁ । ସେଠାରେ ଗଣନ୍ତୁ ଓ ସେଠାକାର ଲୋକଙ୍କୁ ପଚାରନ୍ତୁ, ଆମ ଯବାନମାନେ କେତେ ଆତଙ୍କୀଙ୍କୁ ମାରିଛନ୍ତି । ଆତଙ୍କୀଙ୍କ ମୃତ୍ୟୁସଂଖ୍ୟାକୁ ନେଇ ରାଜନୀତି ଆରମ୍ଭ ହୋଇଥିବା ବେଳେ ସ୍ୱରାଷ୍ଟ୍ରମନ୍ତ୍ରୀ ଆଜି ଏଭଳି ବୟାନ ଦେଇଛନ୍ତି । କଂଗ୍ରେସ, ଆପ୍‌, ଟିଏମ୍‌ସି ଭଳି ଦଳଗୁଡିକ କେତେ ଆତଙ୍କୀ ମରିଛନ୍ତି ତାହାର ସଂଖ୍ୟା ଦାବି କରୁଥିଲା ବେଳେ ବାୟୁସେନା କହିଛି ସରକାର ଏହି ସଂଖ୍ୟାର ହିସାବ ଦେବେ । ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ଆଜି କହିଛନ୍ତି କି କେତେ ଆତଙ୍କୀ ମରିଛନ୍ତି ସେ ହିସାବ ପୂର୍ବରୁ ବିଦେଶ ମନ୍ତ୍ରଣାଳୟ ପକ୍ଷରୁ ଦିଆଯାଇସାରିଛି । ଦୁଇଦିନ ତଳେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ କହିଥିଲେ କି ୨୫୦ରୁ ଅଧିକ ଆତଙ୍କବାଦୀ ମରିଛନ୍ତି । ଯାହାକୁ ନେଇ ବିରୋଧୀ ପ୍ରଶ୍ନ ଉଠାଇଛନ୍ତି । କଂଗ୍ରେସ କହିଛି କି ସରକାର ସଂଖ୍ୟା ତଥ୍ୟ ଦେଇନଥିବା ବେଳେ ଶାହ କିଭଳି ପାଇଲେ ତାର ଉତ୍ତର ଦିଅନ୍ତୁ ।

ସମ୍ବନ୍ଧିତ ଖବର