PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ନାବାଳିକାକୁ ଘର କାମରେ ରଖି ନିର୍ଯାତନା; ସମ୍ବଲପୁର ସବ୍‌ଜେଲର୍‌ଙ୍କ ବିରୋଧରେ ସଙ୍ଗୀନ ଅଭିଯୋଗ

ସମ୍ବଲପୁର,୪ା୪(ବ୍ୟୁରୋ): ବାଡ଼ ଯଦି ଫସଲ ଖାଇବ ତାହାଲେ ରକ୍ଷା କରିବ କିଏ? ସମ୍ବଲପୁର ସହରରେ ଖୋଦ ଜଣେ ମହିଳା ପୁଲିସ ଅଫିସରଙ୍କ କାରନାମା ଏଭଳି ସମାଲୋଚନା ପାଇଁ ଖୋରାକ୍‌ ଯୋଗାଇଛି । ନିଜ ଘରେ ଜଣେ ୯ ବର୍ଷର ନାବାଳିକାକୁ ରଖି ଘର କାମରେ ଲଗାଇବା ସହ ନିର୍ଯାତନା ଦେବା ଆଜି ସହରରେ ଚର୍ଚ୍ଚାର ବିଷୟ ପାଲିଟିଛି । ସମ୍ବଲପୁର ସବ୍‌ଜେଲର୍‌ ସସ୍ମିତା ବେହେରାଙ୍କ ନାଁରେ ଆସିଛି ଏଭଳି ସାଂଘାତିକ ଅଭିଯୋଗ । ନିଜ ସରକାରୀ କ୍ୱାର୍ଟର୍ସରେ ସଂପୃକ୍ତ ନାବାଳିକାକୁ ରଖି ବାସନମଜାଠୁ ଆରମ୍ଭ କରି ଘରର ସବୁ କାମ କାରଉଥିଲେ । ଗତକାଲି କାମରେ ତ୍ରୁଟି ଯୋଗୁଁ ନାବାଳିକା ଜଣଙ୍କୁ ମରଣାନ୍ତକ ଆକ୍ରମଣ କରିବା ସହ ରାସ୍ତାରେ ଗୋଡ଼ାଇ ଗୋଡ଼ାଇ ମାଡ଼ ମାରିଥିଲେ ସବ୍‌ଜେଲର୍‌ । ନାବାଳିକା ଜଣଙ୍କ କୌଶଳ କ୍ରମେ ଖସିଆସି ଧନୁପାଲି ରାସ୍ତାରେ କାନ୍ଦୁଥିବା ବେଳେ ନିର୍ବାଚନ ପ୍ରଚାରକୁ ଯାଉଥିବା କିଛି ଲୋକ ତାକୁ ଉଦ୍ଧାର କରି ଧନୁପାଲି ଥାନାରେ ଜିମା ଦେଲା ପରେ ଖୋଲିଛି ସମ୍ପୂର୍ଣ୍ଣ ଗୁମର । ଜିଲ୍ଲା ଶିଶୁ ମଙ୍ଗଳ ଅଧିକାରୀ ନାବାଳିକାକୁ ଉଦ୍ଧାର କରିବା ସହ ସଂପୃକ୍ତ ମହିଳା ସବ୍‌ଜେଲର୍‌ଙ୍କ ବିରୋଧରେ ଥାନାରେ ଏତଲା ଦେଲା ପରେ ପୁଲିସ ମାମଲା ରୁଜୁ କରି ତଦନ୍ତ ଚଳାଇଛି ।
ଅଭିଯୋଗ ଅନୁସାରେ, ସସ୍ମିତା ତାଙ୍କ ବାପାଙ୍କ ଜରିଆରେ ସୁନ୍ଦରଗଡ଼ ବଣାଇଁ ଅଞ୍ଚଳରୁ ଜଣେ ୯ ବର୍ଷର ନାବାଳିକାକୁ ଆଣି ନିଜ ଘର କାମରେ ନିୟୋଜିତ କରାଇଥିଲେ । ଘରର ବାସନମଜାଠୁ ଆରମ୍ଭ କରି ଘର ଝାଡୁ ଆଦି କାମରେ ଲଗାଇବା ଏବଂ ତାଙ୍କ ସନ୍ତାନକୁ ଦେଖାରଖା କରିବା କାମ କରାଉଥିଲେ । କେବେ କାମରେ କୌଣସି ପ୍ରକାର ତ୍ରୁଟି ଦେଖିଲେ ନାବାଳିକାକୁ ମାଡ଼ ମାରିବା ସହ ଖାଇବାକୁ ମଧ୍ୟ ଦେଉନଥିବା ଅଭିଯୋଗ ହୋଇଛି । ଗତକାଲି ନାବାଳିକା ଜଣକ ଘର କାମ କରିବା ସମୟରେ ସସ୍ମିତାଙ୍କ ପିଲା ସହିତ ସାମାନ୍ୟ ଗଣ୍ଡଗୋଳ ହୋଇଥିଲା । ଏହା ଜାଣିବା ପରେ ସଂପୃକ୍ତ ମହିଳା ଜେଲର ନାବାଳିକାକୁ ଦିନ ଦ୍ୱିପ୍ରହରରେ ରାସ୍ତାରେ ଗୋଡ଼ାଇ ଗୋଡ଼ାଇ ମାଡ଼ ମାରିଥିଲେ । କୋ÷ଶଳ କ୍ରମେ ନାବାଳିକା ଜଣଙ୍କ ତାଙ୍କ କବଳରୁ ଖସିଆସିଥିଲେ । ଧନୁପାଲି ରାସ୍ତାରେ କାନ୍ଦୁଥିବା ବେଳେ ନିର୍ବାଚନୀ ନାମାଙ୍କନ ଶୋଭାଯାତ୍ରରେ ଯାଉଥିବା କିଛି ଲୋକ ତାଙ୍କୁ ଉଦ୍ଧାର କରି ଧନୁପାଲି ଥାନାକୁ ଖବର ଦେଇଥିଲେ । ପୁଲିସ ନାବାଳିକାକୁ ଉଦ୍ଧାର କରିବା ସହ ସିଡବ୍ଲୁସିକୁ ଖବର ଦେଇଥିଲା । ଆଜି ସିଡବ୍ଲୁସିର ଅଧିକାରୀ ଥାନାରେ ପହଞ୍ଚି ପିଲାକୁ ନିଜ ହେପାଜତକୁ ନେଇଥିଲେ ।
ନାବାଳିକାକୁ ସବ୍‌ଜେଲର୍‌ ଘର କାମରେ ଖିଲାପ କଲେ ମାଡ଼ ସହ ରାତି ରାତି ଉପବାସ ରଖୁଥିଲେ ବୋଲି ନାବାଳିକା ଜଣକ ସିଡବ୍ଲୁସି ଆଗରେ ପ୍ରକାଶ କରିଥିବା ସିଡବ୍ଳୁସି ଅଧିକାରୀ ସୂଚନା ଦେଇଛନ୍ତି । ବର୍ତ୍ତମାନ ନାବାଳିକା ଜଣକ ସିଡବ୍ଲୁସିର ହେପାଜତ୍‌ରେ ଅଛି । ତାଙ୍କ ପରିବାର ଲୋକଙ୍କୁ ଖବର ଦିଆଯାଇଥିବା ପରେ ଆଜି ମଧ୍ୟାହ୍ନରେ ତା ବଡ଼ ଭଉଣୀ ଏବଂ ମା’ ପହଞ୍ଚିଛନ୍ତି । ଅନ୍ୟପଟେ ସିଡବ୍ଲୁସି ପକ୍ଷରୁ ସଂପୃକ୍ତ ମହିଳା ଅଧିକାରୀଙ୍କ ବିରୋଧରେ ଥାନାରେ ଏତଲା କରାଯାଇଛି । ନାବାଳିକାର ଡାକ୍ତରୀ ମାଇନା ପରେ ୧୬୪ ବୟାନ ରେକର୍ଡ କରାଯିବ ବୋଲି ପୁଲିସ ସୂଚନା ରହିଛି । ଏନେଇ ଧନୁପାଲି ଥାନାରେ ମାମଲା ରୁଜୁ ହୋଇଛି ।