ଜୋହାନ୍ସବର୍ଗ,୦୬/୦୨: ଆଫଗାନିସ୍ତାନର ଅଭିଜ୍ଞ ଲେଗ ସ୍ପିନର ରସିଦ ଖାନଙ୍କ ନାମରେ ଆଉ ଏକ ରେକର୍ଡ ଯୋଡ଼ି ହୋଇଯାଇଛି । ଟି-ଟ୍ୱେଣ୍ଟି ଫର୍ମାଟ୍ରେ ସେ ସର୍ବାଧିକ ୱିକେଟ ହାସଲ କରିବାରେ ରେକର୍ଡ କରିଛନ୍ତି । ଏହି ଫର୍ମାଟ୍ (ଅନ୍ତର୍ଜାତୀୟ ଓ ଲିଗ୍କୁ ମିଶାଇ)ରେ ସେ ମୋଟ୍ ୬୩୨ଟି ୱିକେଟ୍ ଅକ୍ତିଆର କରିସାରିଛନ୍ତି । ପୂର୍ବରୁ ଏହି ରେକର୍ଡ ୱେଷ୍ଟ ଇଣ୍ଡିଜ୍ର ଡ୍ୱେନ ବ୍ରାଭୋଙ୍କ ନାମରେ ରହିଥିଲା । ସେ ଏହି ଫର୍ମାଟ୍ରେ ୬୩୧ଟି ୱିକେଟ୍ ନେଇଥିଲେ ।
ଚଳିତ ଏସ୍ଏ୨୦ ଟୁର୍ଣ୍ଣାମେଣ୍ଟର ପ୍ରଥମ କ୍ୱାଲିଫାୟରରେ ୨ଟି ୱିକେଟ୍ ନେଇ ବ୍ରାଭୋଙ୍କୁ ଅତିକ୍ରମ କରିଥିଲେ । ସର୍ବାଧିକ ୱିକେଟ୍ ତାଲିକାରେ ସୁନୀଲ ନାରାଏନ୍ (୫୭୪ ୱିକେଟ୍) ତୃତୀୟ, ଇମ୍ରାନ ତାହିର ଚତୁର୍ଥ (୫୩୧ୱିକେଟ୍) ଓ ସାକିବ ଅଲ୍ ହାସନ ପଞ୍ଚମ(୪୯୨ ୱିକେଟ୍) ସ୍ଥାନରେ ରହିଛନ୍ତି ।
