ହାଇଦ୍ରାବାଦ,୨୩/୧: ଜୀବନସାଥୀ କରିଥିଲେ । ସାତଜନ୍ମ ସାଥିରେ ରହିବାକୁ କଥା ଦେଇଥିଲେ । ହେଲେ ସାତ ଜନ୍ମ ତ ଦୂରରେ ଥାଉ ଗୋଟିଏ ଜନ୍ମ ବି ପ୍ରତିଶ୍ରୁତି ପୂରଣ କଲେ ନାହିଁ । ଦିଲ୍ଲୀର ଶ୍ରଦ୍ଧା ୱାକରଙ୍କ ହତ୍ୟା ଘଟଣା ଏବେ ବି ମନରେ ତାଜା ଅଛି । ଠିକ୍ ସେହିପରି ଆଉ ଏକ ସୈତାନ ସ୍ବାମୀର ଜଘନ୍ୟ କାଣ୍ଡ ସାରା ଦେଶରେ ଚହଳ ପକାଇଛି । ସ୍ତ୍ରୀକୁ ହତ୍ୟା କରିବା ପରେ ଖଣ୍ଡଖଣ୍ଡ କରି କାଟି ପ୍ରେସର କୁକରରେ ସିଝାଇଛି ଜଣେ ସ୍ବାମୀ । ଆପଣ ଭାବୁଥିବେ ଏପରି ଜଘନ୍ୟ କାଣ୍ଡ ଜଣେ ମାନସିକ ରୋଗୀ ଘଟାଇଥାଇ ପାରନ୍ତି । ମାତ୍ର ଜାଣି ଆଶ୍ଟର୍ଯ୍ୟ ହେବେ ହାଇଦ୍ରାବାଦରେ ଜଣେ ଅବସରପ୍ରାପ୍ତ ସେନା ଅଧିକାରୀ ଏପରି ବିଭତ୍ସ ଭୟଙ୍କର ଛାତିଥରା କାଣ୍ଡ ଘଟାଇଛନ୍ତି । ଯାହା ଚର୍ଚ୍ଚାର ବିଷୟ ପାଲଟିଛି ।

#WATCH | Telangana: Visuals from the residence of the missing woman Madhavi, in Meerpet, Rangareddy

According to the DCP of LB Nagar, "A missing case was reported on 17th January, where a man has claimed that he killed his wife, chopped her body parts and threw them into a lake.… https://t.co/PkzQqpm1zf pic.twitter.com/v7AhbPuOzI

— ANI (@ANI) January 23, 2025

ସୂଚନାଅନୁସାରେ, ହାଇଦ୍ରାବାଦର ମୀରପେଟ ଥାନା ଅଞ୍ଚଳରେ ଏହି ବିଭତ୍ସ ହତ୍ୟାକାଣ୍ଡ ଘଟିଛି । ୧୩ ବର୍ଷ ପୂର୍ବେ ଆନ୍ଧ୍ରପ୍ରଦେଶର ପ୍ରକାଶମ ଜିଲ୍ଲାର ଗୁରୁମୂର୍ତ୍ତୀ ଭେଙ୍କଟ ମାଧବୀଙ୍କୁ ବିବାହ କରିଥିଲେ । ଉଭୟଙ୍କର ଦୁଇ ସନ୍ତାନ ରହିଛନ୍ତି । ପୂର୍ବରୁ ଗୁରୁମୂର୍ତ୍ତୀ ସେନାରେ ଚାକିରି କରୁଥିଲେ। ସେଠାରୁ ଅବସର ନେବା ପରେ ଡିଆରଡିଓରେ ଆଉଟସୋର୍ସ ସୁରକ୍ଷାକର୍ମୀ ଭାବେ କାର୍ଯ୍ୟ କରୁଥିଲେ । ପରିବାର ସହ ମୀରପେଟର ନ୍ୟୁ-ଭେଙ୍କଟେଶ୍ବର କଲୋନୀରେ ରହୁଥିଲେ । ହଠାତ୍ ଗତ ଜାନୁଆରୀ ୧୮ ତାରିଖରୁ ମାଧବୀ କେଉଁ ଆଡେ ଚାଲି ଯାଇଥିଲେ । ଏ ନେଇ ମାଧବୀଙ୍କ ପରିବାରକୁ ଜଣାଇଥିଲେ ଗୁରୁମୂର୍ତ୍ତୀ । ଏହା ସହିତ ମୀରପେଟ ଥାନାରେ ନିଖୋଜ ହୋଇଥିବା ନେଇ ଅଭିଯୋଗ କରିଥିଲେ । ଏହାପରେ ପୋଲିସ ତଦନ୍ତ ଆରମ୍ଭ କରିଥିଲା ।

ଗୁରୁମୂର୍ତ୍ତୀଙ୍କ ଉପରେ ସନ୍ଦେହ ହେବାରୁ ତାଙ୍କୁ ଅଟକ ରଖି ପଚରାଉଚରା କରିଥିଲା ପୋଲିସ । ସେ ମାଧବୀଙ୍କୁ ଶେଷ ଥର କେବେ ଦେଖିଥିଲେ। ନିଖୋଜ ନେଇ କିଏ ଖବର ଦେଲା ଏହିପରି ଗୁଡେଇ ତୁଡେଇ ଅନେକ ପ୍ରଶ୍ନ ପଚାରିଥିଲା ପୋଲିସ । ସତ ଓଗାଳି ଦେଇଥିଲେ ସ୍ବାମୀ ଗୁରୁମୂର୍ତ୍ତୀ । ସ୍ତ୍ରୀ ନିଖୋଜ ଥିବାର ଯେଉଁ ଡ୍ରାମା କରିଥିଲେ ତାର ପର୍ଦ୍ଦାଫାଶ ହୋଇଯାଇଥିଲା । ପୋଲିସ ପ୍ରଶ୍ନ ବାଣରେ ଫସିଯାଇ ସତ ମାନିଥିଲା ସୈତାନ ସ୍ବାମୀ । ଆଉ ସେ ସତ ସମସ୍ତଙ୍କୁ ଚକିତ କରିଥିଲା ।

ଏହା ବି ପଢନ୍ତୁ...ଚର୍ଚ୍ଚିତ ଶାରୋନ ରାଜ ହତ୍ୟା ମାମଲା; ପ୍ରେମିକାକୁ ଫାଶୀ ଦଣ୍ଡାଦେଶ ଦେଲେ କେରଳ କୋର୍ଟ

କିଛି ଦିନ ହେବ ମାଧବୀ ଓ ଗୁରୁମୂର୍ତ୍ତୀଙ୍କ ମଧ୍ୟରେ ଝଗଡା ଲାଗି ରହୁଥିଲା । ଏହାକୁ ନେଇ ଜଘନ୍ୟ କାଣ୍ଡ ଘଟାଇଥିଲେ ଗୁରୁମୂର୍ତ୍ତୀ । ସ୍ତ୍ରୀଙ୍କୁ ହତ୍ୟା କରିବା ପରେ ମୃତଦେହକୁ ଖଣ୍ଡ ଖଣ୍ଡ କରି କାଟିଥିଲେ । ଏହାପରେ ସେସବୁକୁ ପ୍ରେସର କୁକରରେ ସିଝେଇଥିଲେ । ଅବଶିଷ୍ଟ ଅଂଶକୁ ଦ୍ରହରେ ଫିଙ୍ଗି ଦେଇଥିବା କହିଥିଲେ ଗୁରୁମୂର୍ତ୍ତୀ । ପୋଲିସ ଘଟଣାରେ ତାଙ୍କୁ ଗିରଫ କରି ତଦନ୍ତ ଆରମ୍ଭ କରିଛି ।