ନୂଆଦିଲ୍ଲୀ,୨/୧୧ : କ୍ରିକେଟ ପ୍ରିମିୟର ଲିଗ୍ ଅପେକ୍ଷାର ଶେଷ ହୋଇଯାଇଛି । ଆଇପିଏଲର ୧୮ତମ ସିଜନ ଲାଗି ସବୁ ଟିମ୍ ନିଜ ରିଟେନଶନ ଲିଷ୍ଟ ଜାରି କରି ଦେଇଛନ୍ତି । ଦିଲ୍ଲୀ କ୍ୟାପିଟାଲ୍ସ ତରଫରୁ ୪ଖେଳାଳୀଙ୍କ ରିଟର୍ଣ୍ଣ କରାଯାଇଛି । କିନ୍ତୁ ଆଶ୍ଚର୍ଯ୍ୟର କଥା କି ଫ୍ରାଞ୍ଚାଇଜ ନିଜ ଅଧିନାୟକ ଋଷଭ ପନ୍ତଙ୍କ ଚୟନ କରିନାହିଁ । ଯାହା ପରେ ଲୋକେ ବହୁ ଆଲୋଚନା କରିବାକୁ ଲାଗିଛନ୍ତି ।
ବହୁ ଆଲୋଚନା ପରେ ପୂର୍ବତନ ଅଷ୍ଟ୍ରେଲିଆ ଅଧିନାୟକ ରିକି ପଣ୍ଟିଂ ଋଷଭ ପନ୍ତଙ୍କୁ ନେଇ ଭବିଷ୍ୟବାଣୀ କରିଛନ୍ତି । ତାଙ୍କର କହିବା କଥା କି ଆଗାମୀ ଅକ୍ସନରେ ଋଷଭ ପନ୍ତ ସବୁଠାରୁ ମହଙ୍ଗା ଖେଳାଳୀ ହେବେ । ପ୍ରକାଶ ଯେ, ଋଷଭ ପନ୍ତ ପୂର୍ବ ୯ବର୍ଷରୁ ଦିଲ୍ଲୀ କ୍ୟାପିଟାଲ୍ସର ଟିମରେ ମୁଖ୍ୟ ଭୂମିକାରେ ଥିଲେ । ପ୍ରତିଷ୍ଠିତ ଲିଗରେ ସେ ପ୍ରଥମ ଥର ୨୦୧୬ରେ ଏଣ୍ଟ୍ରି କରିଥିଲେ । ସେବେଠାରୁ ସେ ଦିଲ୍ଲୀ ଲାଗି ଖେଳୁଛନ୍ତି । ମାତ୍ର ଏବେ ତାଙ୍କର ଡିସି ସହ ଯାତ୍ରା ଶେଷ ହୋଇଯାଇଛି । ଆଶା ଅଛି କି ଆଗାମୀ ସିଜନରେ ସେ କୌଣସି ନୂଆ ଟିମ୍ ତରଫରୁ ଖେଳୁଥିବା ନଜର ଆସିବେ ।
ସୂଚନାଯୋଗ୍ୟ ଯେ, ଋଷଭ ପନ୍ତଙ୍କ ଆଇପିଏଲ୍ କ୍ୟାରିୟର ଉପରେ ଯଦି ନଜର ପକାଇବା ସେ ଏବେ ପର୍ଯ୍ୟନ୍ତ ପ୍ରାୟ ୧୧୧ମ୍ୟାଚ୍ ଖେଳିଛନ୍ତି । ଏହା ମଧ୍ୟରେ ତାଙ୍କ ବ୍ୟାଟରୁ ୧୧୦ପାଳିରେ ୩୫.୩୧ପ୍ରତିଶତରେ ୩୨୮୪ରନ୍ ବାହାର କରିଛନ୍ତି। ଆଇପିଏଲରେ ତାଙ୍କ ନାମରେ ଗୋଟିଏ ଶତକ ଏବଂ ୧୮ଅର୍ଦ୍ଧଶତକ ରହିଛି । ସେ ୧୪୮.୯୩ର ଷ୍ଟ୍ରାଇକ ରେଟରେ ରନ୍ କରିଛନ୍ତି ।
