ଜହ୍ନlପଙ୍କ, ୧୩/୭: ରାସ୍ତା ନିର୍ମାଣର ମାସେ ପରେ ଉଠିଲା ପିଚୁ। ବୌଦ୍ଧ ବ୍ଲକ ଅନ୍ତର୍ଗତ ଜହ୍ନ।ପଙ୍କ-ଖମାରିପଡା ରାସ୍ତାରେ ଏହା ଦେଖିବାକୁ ମିଳିଛି। ତେବେ ନିମ୍ନମାନର ରାସ୍ତା କାମ ହୋଇଥିବା  ଲୋକମାନେ ଅଭିଯୋଗ କରିଛନ୍ତି।

ବୌଦ୍ଧ ବ୍ଲକ ଅନ୍ତର୍ଗତ ଜହ୍ନ।ପଙ୍କ-ଖମାରିପଡା ରାସ୍ତା ଉପରେ ଆଖପାଖ ୬ ଟି ପଂଚାୟତର ପ୍ରାୟ ୪୦ ହଜାର ଲୋକ ଯାତାୟତ କରିଥାନ୍ତି। ରାସ୍ତାର ଗୁରୁତ୍ୱକୁ ଉପଲବ୍ଧି କରି ଏହି ରାସ୍ତାର ଉନ୍ନତିକରଣ କରିଥିଲେ। ରାସ୍ତା ନିର୍ମାଣ ସରିଲା। ହେଲେ କମିରା ଓ ଦାମୋଦରପୁର ମଝିରେ ଥିବା ଜାମୁନାଳ ପୋଲ କାମ ବିଳମ୍ବରେ ସରିଲା। ତେବେ ୨୦୨୩ ମସିହାରେ ଏହି ପୋଲ ଦେଇ ଯାତାୟତ ହୋଇଥିଲା। କିନ୍ତୁ ପୋଲର ସୁରକ୍ଷା ବାଡ ଓ  ଉଭୟ ପାର୍ଶ୍ୱ ସଂଯୋଗୀକରଣ ରାସ୍ତା ହୋଇନଥିଲା।ଗତ ମେ ମାସରେ ଏହାର ନିର୍ମାଣ କାମ ସରିଛି। ତେବେ ନିମ୍ନମାନର କାମ ଯୋଗୁଁ ନିର୍ମାଣର ମାସେ ପରେ ପିଚୁ ଉଠି ଯାଇ ରାସ୍ତା ଅବସ୍ଥା ଶୋଚନୀୟ ହୋଇପଡିଛି। ଏହି ରାସ୍ତା ଦେଇ ପ୍ରତିଦିନ ଏକ ସରକାରୀ ଓ ବେସରକାରୀ ବସ ଚଳାଚଳ କରୁଛି। ପ୍ରତ୍ୟେହ ଏହି ରାସ୍ତା ଦେଇ ଲୋକମାନେ ବଘିଆପଡା, ମୁଣ୍ଡାପଡା, ଖଜୁରୀପଡା ସାପ୍ତାହିକ ହାଟକୁ ଯାଇଥାନ୍ତି। ଏହା ସହିତ ଛାତ୍ର ଛାତ୍ରୀମାନେ ଜହ୍ନ।ପଙ୍କ କଲେଜକୁ ଯାଇଥାନ୍ତି। ଏନେଇ କନିଷ୍ଠ ଯନ୍ତ୍ରୀ ପଞ୍ଚାନନ ସାହୁଙ୍କୁ ଯୋଗାଯୋଗ କରିବାରୁ ସମ୍ପୃକ୍ତ ଠିକାଦାରଙ୍କୁ ମରାମତି ପାଇଁ ନିର୍ଦେଶ ଦିଆଯାଇଛି ବୋଲି କହିଥିଲେ। ତୁରନ୍ତ ଏହାର ମରାମତି ପାଇଁ ଅଞ୍ଚଳବାସୀ ଦାବି କରୁଛନ୍ତି।