PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜସ୍ଥାନରେ ବାୟୁସେନାର ବିମାନ କ୍ରାସ୍‌: ଖସିବା ମାତ୍ରେ ଲାଗିଲା ନିଆଁ, ପ୍ରଚଣ୍ଡ ଶବ୍ଦରେ ଥରି ଉଠିଲା ପୁରା ଗାଁ
  • ||
  • ଧାନବାଦ: ହସ୍ପିଟାଲରେ ଭୀଷଣ ଅଗ୍ନିକାଣ୍ଡ ଯୋଗୁଁ ଡାକ୍ତର ଦମ୍ପତ୍ତିଙ୍କ ସହ ୬ ମୃତ, ଅଳ୍ପକେ ଉଦ୍ଧାର ହେଲେ ରୋଗୀ
  • ||
  • ମଧ୍ୟପ୍ରଦେଶରେ ବାୟୁସେନାର ଯୁଦ୍ଧ ବିମାନ ସୁଖୋଇ ଓ ମିରାଜ ୨୦୦୦ ଦୁର୍ଘଟଣାଗ୍ରସ୍ତ
  • ||

ମରାମତି ହେଉନି ସିର୍କାବର୍ଗ ରାସ୍ତା ,ରାସ୍ତାରୋକ ପାଇଁ ଗ୍ରାମବାସୀଙ୍କ ସଜବାଜ

ଦାରିଙ୍ଗବାଡ଼ି,୨୭/୧୧(ଆପ୍ର):  ଗାଁ  କୁ ଗାଁ ସଂଯୋଗ କରିବାକୁ  ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ନୂତନ ରାସ୍ତା ନିର୍ମାଣ କରୁଛନ୍ତି ସରକାର । ଏଥିପାଇଁ  କୋଟି କୋଟି ଟଙ୍କା ବ୍ୟୟ ମଧ୍ୟ କରୁଛନ୍ତି । ହେଲେ ରାସ୍ତା ନିର୍ମାଣର  ୫ ବର୍ଷ ପର୍ଯ୍ୟନ୍ତ  ରକ୍ଷଣାବେକ୍ଷଣା କରିବା ନେଇ ସରକାରୀ ନିୟମ ରହିଥିବା ସହ ଅର୍ଥ ମଧ୍ୟ ଥାଉଛି ।  ହେଲେ ବିଭାଗୀୟ ଅଧିକାରୀଙ୍କ ଖାମଖିଆଲି ମନୋଭାବ ଯୋଗୁଁ ରାସ୍ତାର  ରକ୍ଷଣାବେକ୍ଷଣା ହୋଇପାରୁନାହିଁ । ଏପରିକି ଲୋକଙ୍କ ବାରମ୍ବାର ଅଭିଯୋଗ ସତ୍ତ୍ୱେ ମଧ୍ୟ କାମ ହେଉନାହିଁ । ବରଂ ରାସ୍ତାରେ ମେଟାଲ ଓ ଗୋଡି ବାହାରିଥିବା ଯୋଗୁଁ ପ୍ରତି ଦିନ ଗାଡ଼ି ଦୁର୍ଘଟଣା ଗ୍ରସ୍ତ ହେଉଛି । ତିନି ଦିନ ମଧ୍ୟରେ ଦୁଇ ଜଣ ମହିଳାଙ୍କ ସମେତ  ୬ ଜଣ ଲୋକେ ଗାଡ଼ିରେ ଦୁର୍ଘଟଣା ଘଟି ଆହତ ହୋଇସାରିଲେଣି । ରାସ୍ତାର ବୁଲାଣିରେ  ଗୋଡ଼ି ବାହାରି  ରହିଥିବା ଯୋଗୁଁ ଗାଡ଼ି ଗୁଡିକ  ଖସିଯାଇ ଦୁର୍ଘଟଣାଗ୍ରସ୍ତ ହେଉଛି  ।  ହେଲେ  ଏସବୁ ଜାଣି ସୁଦ୍ଧା ବିଭାଗୀୟ ଅଧିକାରୀ ଚେତୁନାହାନ୍ତି ।

ସିର୍କାବର୍ଗକୁ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ଯେଉଁ ରାସ୍ତା ଯାଇଛି ତାହା ପାହାଡିଆ ଓ ଘାଟି ରାସ୍ତା । ଉକ୍ତ ଘାଟି ରାସ୍ତାରେ ରହିଛି ଅନେକ ବୁଲାଣି ଓ ଘାଟି ।  ରାସ୍ତା ହୋଇ ତିନି ବର୍ଷ ମଧ୍ୟରେ ମେଟାଲ ଗୋଡ଼ି ଉଠିଗଲାଣି ହେଲେ ରାସ୍ତାର ରକ୍ଷଣାବେକ୍ଷଣା ହେଉନାହିଁ । ଜାହାରି ଫଳରେ ପ୍ରତି ବୁଲାଣି ରାସ୍ତାରେ ମେଟାଲ ଓ ଗୁଡ଼ି ବାହାରି ରହିଥିବା ଯୋଗୁଁ ପ୍ରତି ଦିନ ଦୁର୍ଘଟଣା ଘଟୁଛି । କେତେବେଳେ କିଏ ବାଇକରେ ପଡୁଛନ୍ତି ତ ଆଉ କିଏ ସାଇକେଲରେ ପଡ଼ି ଦୁର୍ଘଟଣାଗ୍ରସ୍ତ ହେଉଛନ୍ତି । ଏନେଇ ଗ୍ରାମବାସୀ ରାସ୍ତାର ମରାମତି କରିବା ପାଇଁ ବାରମ୍ବାର ଗ୍ରାମ୍ୟ ଉନ୍ନୟନ ବିଭାଗକୁ ଜଣେଇ ଥିଲେ ସୁଦ୍ଧା ରାସ୍ତା ମରାମତି ହେଉନାହିଁ । ଏଣୁ ଗ୍ରାମବାସୀ ରାସ୍ତା ରୋକ କରି ନିଜର ଦାବି ଉପସ୍ଥାପନ କରିବେ ବୋଲି ପ୍ରଶାସନକୁ ଚେତେଇ ଦେଇଛନ୍ତି ।

ସମ୍ବନ୍ଧିତ ଖବର