ମୁମ୍ବାଇ,୧୫/୦୪: ଆଇପିଏଲ୍ ୨୦୨୬ରେ ମୁମ୍ବାଇ ଇଣ୍ଡିଆନ୍ସର ଯାତ୍ରା ଏପର୍ଯ୍ୟନ୍ତ ନୈରାଶ୍ୟଜନକ ରହିଛି। ଦଳ ଏବେ ପଏଣ୍ଟ ଟେବୁଲରେ ନବମ ସ୍ଥାନକୁ ଖସିଯାଇଛି। MI ଦଳ, ସେମାନଙ୍କର ଚାରିଟି ମ୍ୟାଚ୍ ରୁ ତିନୋଟିରେ ପରାସ୍ତ ହେବା ପରେ, ଆଉ ଏକ ବଡ଼ ବିପର୍ଯ୍ୟୟର ସମ୍ମୁଖୀନ ହୋଇଛି। ଓପନିଂ ବ୍ୟାଟର ରୋହିତ ଶର୍ମା ମୁମ୍ବାଇର ଆଗାମୀ ମ୍ୟାଚ୍ ନଖେଳିପାରନ୍ତି। ହାର୍ଦ୍ଦିକ ଏବଂ ତାଙ୍କ ଦଳ ସେମାନଙ୍କର ପରବର୍ତ୍ତୀ ମ୍ୟାଚ୍ ରେ ପଞ୍ଜାବ କିଙ୍ଗ୍ସ ସହିତ ମୁକାବିଲା କରିବ। ପଞ୍ଜାବ ଚଳିତ ସଂସ୍କରଣରେ ଏକମାତ୍ର ଦଳ ଯିଏକି ଏପର୍ଯ୍ୟନ୍ତ ଗୋଟିଏ ବି ମ୍ୟାଚ୍ ହାରିନାହିଁ।
ମୁମ୍ବାଇ ଇଣ୍ଡିଆନ୍ସ ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ମ୍ୟାଚ୍ ଗୁରୁବାର, ଏପ୍ରିଲ ୧୬ ତାରିଖରେ ୱାଙ୍ଖେଡେ ଷ୍ଟାଡିୟମରେ ଖେଳାଯିବ। ରିପୋର୍ଟ ଅନୁସାରେ, ପୂର୍ବ ମ୍ୟାଚ୍ ସମୟରେ 'ରିଟାୟର୍ଡ ହର୍ଟ' ହୋଇ ପ୍ୟାଭିଲିୟନ ଫେରିଥିବା ରୋହିତ ଆଗାମୀ ମ୍ୟାଚ୍ ନଖେଳିପାରନ୍ତି। ରୋହିତ ୧୯ ରନରେ ବ୍ୟାଟିଂ କରୁଥିବା ସମୟରେ ହାମଷ୍ଟ୍ରିଙ୍ଗ୍ ଆଘାତ ପାଇଥିଲେ। କିନ୍ତୁ ତାଙ୍କ ଆଘାତର ଗମ୍ଭୀରତା ସମ୍ପର୍କରେ କୌଣସି ଆନୁଷ୍ଠାନିକ ସୂଚନା ମିଳିନାହିଁ, ରିପୋର୍ଟ ଅନୁସାରେ ତାଙ୍କୁ ପରବର୍ତ୍ତୀ ମ୍ୟାଚ୍ ପାଇଁ ବିଶ୍ରାମ ଦିଆଯାଇପାରେ।
ଅଧିକ ପଢ଼ନ୍ତୁ: ଟିମ୍ ଇଣ୍ଡିଆରେ କାହାର ସ୍ଥାନ ନେବେ ବୈଭବ ସୂର୍ଯ୍ୟବଂଶୀ ? ବିସିସିଆଇ ଖୁବଶୀଘ୍ର ଦେବ ଅନ୍ତର୍ଜାତୀୟ ଡେବ୍ୟୁର ସୁଯୋଗ
ତାଙ୍କ କ୍ୟାରିୟର ମଧ୍ୟରେ, ରୋହିତ ଶର୍ମାଙ୍କୁ ପ୍ରାୟତଃ ହ୍ୟାମଷ୍ଟ୍ରିଙ୍ଗ୍ ସମସ୍ୟା (ମାଂସପେଶୀରେ ଆଘାତ) ସହିତ ସଂଘର୍ଷ କରୁଥିବାର ଅନେକଥର ଦେଖିବାକୁ ମିଳିଛି। ଅତୀତରେ, ଯେତେବେଳେ ସେ ହ୍ୟାମଷ୍ଟ୍ରିଙ୍ଗ୍ ଆଘାତର ଶିକାର ହୋଇଥିଲେ, ତାଙ୍କୁ ସୁସ୍ଥ ହେବା ପାଇଁ ବହୁତ ସମୟ ଲାଗିଥିଲା। ରିପୋର୍ଟ ଅନୁସାରେ, ରୋହିତ ୱାଙ୍ଖଡେ ଷ୍ଟାଡିୟମରେ ଅଭ୍ୟାସ ପାଇଁ ମଧ୍ୟ ଆସି ନଥିଲେ। ଯଦି ପୁଣି ଏପରି ହୁଏ, ତେବେ ତାଙ୍କୁ ଗୋଟିଏରୁ ଅଧିକ ମ୍ୟାଚ୍ ବାହାରେ ବସିବାକୁ ମଧ୍ୟ ପଡ଼ିପାରେ।
ରୋହିତଙ୍କ ସ୍ଥାନରେ କିଏ?
୩୮ ବର୍ଷୀୟ ରୋହିତ ଶର୍ମା IPL ୨୦୨୬ର ଉଦଘାଟନୀ ମ୍ୟାଚରେ KKR ବିପକ୍ଷରେ ୭୮ ରନର ଏକ ଚମତ୍କାର ଇନିଂସ ଖେଳିଥିଲେ। ଏହା ପରେ, ସେ ଦିଲ୍ଲୀ ବିପକ୍ଷରେ ୪ ରନ କରିଥିଲେ। ତୃତୀୟ ମ୍ୟାଚରେ ସେ ମାତ୍ର ୫ ରନ କରି ଆଉଟ ହୋଇଥିଲେ ଏବଂ ଚତୁର୍ଥ ମ୍ୟାଚରେ ସେ ୧୯ ରନ କରି ରିଟାୟାର୍ଡ ହର୍ଟ ହୋଇଥିଲେ। ଏବେ ପ୍ରଶ୍ନ ଉଠୁଛି: ଯଦି ରୋହିତ ପଞ୍ଜାବ କିଙ୍ଗ୍ସ ବିପକ୍ଷ ମ୍ୟାଚରେ ଖେଳିବେ ନାହିଁ, ତେବେ ତାଙ୍କ ସ୍ଥାନରେ କିଏ ଓପନିଂ କରିବେ? ଦାନିଶ ମାଲୱାର ମଧ୍ୟ ଦଳରେ ଅଛନ୍ତି, କିନ୍ତୁ ଦେଖିବାକୁ ବାକି ଅଛି ଯେ କ୍ୟାପଟେନ ଏବଂ କୋଚ୍ ତାଙ୍କ ଉପରେ ଭରସା ରଖିବେ କି ଇନିଂସ ଓପନ କରିବା ପାଇଁ ଜଣେ ବରିଷ୍ଠ ଖେଳାଳିଙ୍କୁ ପଠାଇବେ।
ପ୍ରମେୟ ପୃଷ୍ଠାର ପ୍ରମୁଖ ଖବର: ସୂର୍ଯ୍ୟକୁମାର ଯାଦବଙ୍କ ଉପରେ ଝୁଲିଲା ଖଣ୍ଡା, ଟିମ୍ ଇଣ୍ଡିଆରୁ ବାହାରିବେ କି ?
