ବାରିପଦା ୨୮/୧୦: ଶିମିଳିପାଳରେ ଛଡାଗଲା ନୂଆ ମହାବଳ ବାଘୁଣୀ। ଗତ ବିଳମ୍ବିତ ରାତିରେ ଛାଡ଼ିଯିବା ଯୋଜନାରେ ସାମାନ୍ୟ ପରିବର୍ତ୍ତନ । ଆଜି ବଡିଭୋରରୁ ଏନକ୍ଲୋଜରରେ ଛଡାଯାଇଥିବା ସୂଚନା । କିଛିଦିନ ଅହରହ ନିରୀକ୍ଷଣରେ ରହିବା ପରେ ଜଙ୍ଗଲର କୋର୍ ଏରିଆରେ ଛଡ଼ାଗଲାେ ଛଡାଯିବ।
ସୂଚନା ଥାଉକି,ବାରିପଦା, ମହାରାଷ୍ଟ୍ରର ତଡବା ଅନ୍ଧାରୀ ବ୍ୟାଘ୍ର ପ୍ରକଳ୍ପରୁ ଶିମିଳିପାଳକୁ ଆସିଛି ଗୋଟିଏ ଅଢେଇ ବର୍ଷର ବାଘୁଣୀ । ଏହି ବାଘୁଣୀକୁ ଆଣିବାକୁ ଶିମିଳିପାଳ ବ୍ୟାଘ୍ର ପ୍ରକଳ୍ପର ଏକ ସ୍ୱତନ୍ତ୍ର ଟିମ୍ ଗତ ୨୦ ତାରିଖରେ ମହାରାଷ୍ଟ୍ର ଯାଇଥିଲା । ଗତକାଲି ବାଘୁଣୀ ଧରାହେବା ପରେ ଆଇନ କାନୁନ ଅନୁଯାୟୀ ସମସ୍ତ କାଗଜପତ୍ର ହେବା ପରେ ଏହାକୁ ଶିମିଳିପାଳକୁ ଅଣାଯାଇଥିବା ନେଇ ଶିମିଳିପାଳ ବ୍ୟାଘ୍ର ପ୍ରକଳ୍ପ ନିର୍ଦ୍ଦେଶକ ତଥା ଆଞ୍ଚଳିକ ବନ୍ୟପ୍ରାଣୀ ସଂରକ୍ଷକ ଡଃ ପ୍ରକାଶଚାନ୍ଦ ଗୋଗୀନେନୀ ଗଣମାଧ୍ୟମକୁ ସୂଚନା ଦେଇଛନ୍ତି ।
ଏହି ବାଘୁଣୀକୁ ଏକ ସ୍ୱତନ୍ତ୍ର ଗାଡ଼ିରେ ଏନକ୍ଲୋଜର ଭିତରେ ରଖାଯାଇଥିବା ବେଳେ ବିଳମ୍ବିତ ରାତ୍ରିରେ ଶିମିଳିପାଳ ଭିତର କୋର ଏରିଆରେ ଛଡାଯିବ ବୋଲି ସୂଚନା ମିଳିଛି ।
ଏଠାରେ ଉଲ୍ଲେଖ ଯୋଗ୍ୟ ଯେ, ଓଡ଼ିଶାରେ ଏବେ ୩୦ ମହାବଳ ବାଘ ଅଛନ୍ତି । ସେଥିରୁ ୨୭ଟି ମହାବଳ ଶିମିଳିପାଳ ଅଭୟାରଣ୍ୟରେ ରହିଛନ୍ତି । ୧୪ଟି ମାଈ ଏବଂ ୧୩ଟି ଅଣ୍ଡିରା ବାଘ ବୋଲି ଜଣା ପଡିଛି । ତେବେ ଶିମିଳିପାଳରେ ଥିବା ୨୭ଟି ମହାବଳ ବାଘ ମଧ୍ୟରୁ ୬୦ ପ୍ରତିଶତ ବାଘ ଅର୍ଥାତ ୧୬ଟି ଇନ୍ ବ୍ରିଡିଂ(ସମବଂଶୀଙ୍କ ମଧ୍ୟରେ ମେଟିଂ) କଳାବାଘ ରହିଛନ୍ତି । ଏହି ପ୍ରଜାତିର ମହାବଳ ବାଘଙ୍କର ରୋଗ ପ୍ରତିରୋଧକ ଶକ୍ତି କମ୍ । ତେଣୁ ଏମାନେ ବେଶୀ ବର୍ଷ ପର୍ଯ୍ୟନ୍ତ ବଞ୍ଚି ପାରିବେନି ।
ଯାହାକି ବଂଶ ଲୋପର କାରଣ ପାଲଟିପାରେ ବୋଲି ଆଶଙ୍କା କରିଥିଲେ ବନ୍ୟପ୍ରାଣୀ ବିଶେଷଜ୍ଞ । ତେଣୁ ଶିମିଳିପାଳ ଅଭୟାରଣ୍ୟରେ ମହାବଳ ବାଘ ବଂଶ ବୃଦ୍ଧି ପାଇଁ ରାଜ୍ୟ ସରକାର ଉଦ୍ୟମ ଆରମ୍ଭ କରିଥିଲେ । ତେଣୁ ବନବିଭାଗ ମହାରାଷ୍ଟ୍ରରୁ ମହାବଳ ଆଣି ଏଠାରେ ଛାଡ଼ିବାକୁ ଯୋଜନା କରିଥିଲା । ଏଥିପାଇଁ ଏନ୍ଟିସିଏର ଅନୁମତି ଲୋଡ଼ା ଯାଇଥିଲା । ବାଘ ବଂଶ ବୃଦ୍ଧି ପାଇଁ ଶିମିଳିପାଳ ପ୍ରକୃଷ୍ଠ ସ୍ଥାନ ବୋଲି ଏନଟିସିଏ ପକ୍ଷରୁ ସ୍ପଷ୍ଟ ହେବା ପରେ ଏହି ଯୋଜନା ଉପରେ ମୋହର ମାରିଥିଲା ।
ମହାରାଷ୍ଟ୍ର ସରକାର ମଧ୍ୟ ବେଶ ଅଗ୍ରାଧିକାର ଦେଇ ଆସୁଥିବାରୁ ମହାରାଷ୍ଟ୍ରର ତାଡୋବାରୁ ଶିମିଳିପାଳକୁ ଦୁଇ ମାଈ ମହାବଳ ଅଣାଯିବ ବୋଲି ପୂର୍ବରୁ ସୂଚନା ଥିଲା । ଏନଟିସିଏ ପକ୍ଷରୁ ସମସ୍ତ ଗାଇଡଲାଇନ୍ ତଥା ଆଇନ୍ ପ୍ରକ୍ରିୟା ଅନୁଯାୟୀ ମହାରାଷ୍ଟ୍ରରୁ ଗୋଟିଏ ବାଘୁଣୀକୁ ସୁରକ୍ଷିତ ଭାବେ ଅଣାଯାଇ ଶିମିଳିପାଳରେ ଛଡାଯିବାର ବ୍ୟବସ୍ଥା ହୋଇଛି । ଅନ୍ୟ ଏକ ଟିମ୍ ମଧ୍ୟ ମହାରାଷ୍ଟ୍ରରେ ଅଛନ୍ତି । କିଛିଦିନ ମଧ୍ୟରେ ଆଉଏକ ମହାବଳ ଧରି ସେମାନେ ଶିମିଳିପାଳରେ ପହଞ୍ଚିବେ ବୋଲି ଜଣାପଡ଼ିଛି
