ରାଉରକେଲା, ୩।୭: ରାଉରକେଲାର ସେକ୍ଟର-୪ରେ ଥିବା ହୋଟେଲ ଲିଲାକୁ ଗୁରୁବାର ସିଲ୍ କରିଛି ଆରଏସ୍ପି । ଭଡ଼ା ବାବଦକୁ ହୋଟେଲ ମାଲିକ ଅରୁଣ ସିଂହ ୧ କୋଟି ଟଙ୍କାରୁ ଅଧିକ ବକେୟା ରଖିବା ଏବଂ ଏହା ସହିତ ଆରଏସପି ସହର ସେବା ବିଭାଗର ବିନା ଅନୁମତିରେ ଅନ୍ୟ ଜଣେ ବ୍ୟକ୍ତିଙ୍କୁ ଭଡ଼ା ସୂତ୍ରରେ ହେବା ଅଭିଯୋଗ ହୋଇଥିଲା । ବକେୟା ଭଡ଼ା ନ ଦେବାରୁ ଆରଏସପି ପକ୍ଷରୁ ହୋଟେଲ ମାଲିକଙ୍କୁ ବାରମ୍ବାର ନୋଟିସ୍ ଦିଆଯାଇଥିଲା । ମାତ୍ର ନୋଟିସ୍ର ଉତ୍ତର ଦେଉନଥିଲେ ମାଲିକ । ଏନେଇ ପୂର୍ବରୁ ଆରଏସପି ପକ୍ଷରୁ ହୋଟେଲ ସିଲ୍ ଲାଗି ନୋଟିସ୍ ଜାରି କରାଯାଇଥିଲା । ଗୁରୁବାର ଦିନ ସେକ୍ଟର-୩ ପୁଲିସ ଉପସ୍ଥିତିରେ ଆରଏସ୍ପି ସହରସେବା ବିଭାଗ ପକ୍ଷରୁ ହୋଟେଲକୁ ସିଲ୍ କରାଯାଇଛି ।
