ମୁମ୍ବାଇ,୨୮/୦୧: ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କୁ ଛୁରାମାଡ ଘଟଣାରେ ଗୋଟିଏ ପରେ ଗୋଟିଏ ଟ୍ବିଷ୍ଟ ଆସୁଛି । ତଦନ୍ତରେ ପଶ୍ଚିମବଙ୍ଗର ଜଣେ ମହିଳାଙ୍କ ସଂମ୍ପୃକ୍ତି ଥିବା ସାମ୍ନାକୁ ଆସିଛି । କିଏ ପ୍ରକୃତ ଆକ୍ରମଣକାରୀ କାହାର ରହିଛି ହାତ ତାହା ଜଣାପଡୁନାହିଁ । ସେପଟେ ଅଭିଯୁକ୍ତ ଶରିଫୁଲର ଫିଙ୍ଗରପ୍ରିଣ୍ଟସ କ୍ରାଇମ ସିନର ଚିହ୍ନ ସହ ମିଶୁ ନାହିଁ । ଏବେ ଜଣେ ମହିଳାଙ୍କ ସମ୍ପୃକ୍ତି ଥିବା ଟ୍ବିଷ୍ଟ ଆସିଛି । ପୋଲିସ ଉକ୍ତ ମହିଳାଙ୍କୁ ପଚରାଉଚରା କରୁଥିବା ଜଣାପଡିଛି ।
ସୈଫ ଅଲ୍ଲୀ ଖାନଙ୍କୁ ଆକ୍ରମଣ କରିଥିବା ଅଭିଯୁ୍କ୍ତ ଶରିଫୁଲ ଇସଲାମ ଯେଉଁ ସିମ୍ କାର୍ଡ ବ୍ୟବହାର କରୁଥିଲା ତାହା ଜଣେ ମହିଳାଙ୍କ ନାମରେ ରେଜିଷ୍ଟ୍ରର ଥିଲା । ପୋଲିସ କେବଳ ଉକ୍ତ ମହିଳାଙ୍କୁ ପଚରାଉଚରା କରିଥିବା ଜଣାପଡିଛି । ମହିଳା ଜଣକ ପଶ୍ଚିମବଙ୍ଗ ନଦିଆ ଜିଲ୍ଲାର । ୩ ବର୍ଷ ପୂର୍ବରୁ ମହିଳା ଜଣଙ୍କ ତାଙ୍କ ଫୋନ୍ ହଜାଇ ଦେଇଥିଲେ ।
ଏହା ବି ପଢନ୍ତୁ...କିଏ ପ୍ରକୃତ ଆକ୍ରମଣକାରୀ ? କ୍ରାଇମ୍ ସିନ୍ର ଚିହ୍ନ ସହ ମିଶୁନି ଅଭିଯୁକ୍ତର ଫିଙ୍ଗରପ୍ରିଣ୍ଟସ
ଜାନୁଆରୀ ୧୬ ତାରିଖରେ ମୁମ୍ବାଇ ବାନ୍ଦ୍ରାସ୍ଥିତ ବାସଭବନରେ ସୈଫ ଅଲ୍ଲୀ ଖାନଙ୍କୁ ଛୁରାମାଡ ହୋଇଥିଲା । ମରଣାନ୍ତ୍ରକ ଆକ୍ରମଣ କରିଥିଲା ଦୁର୍ବୃତ୍ତ । ପରିବାର ସୁରକ୍ଷା ପାଇଁ ଦୁର୍ବୃତ୍ତ ସହ ଏକାକୀ ଲଢିଥିଲେ ସୈଫ । ଘଟଣାର ତଦନ୍ତ କରିଥିଲା ମୁମ୍ବାଇ ପୋଲିସ । ବରିଷ୍ଠ ପୋଲିସ ଅଧିକାରୀଙ୍କୁ ନେଇ ୩୦ଟି ଟିମ୍ ଗଠନ ହୋଇଥିଲା । ଘଟଣାରେ ଡକାୟତି ଓ ବେଆଇନ ଅନୁପ୍ରେବଶ ସମେତ ମୋଟ ୫ଟି ମାମଲା ରଜ୍ଜୁ ହୋଇଥିଲା । ପ୍ରଥମେ ଜଣେ ସନ୍ଦିଗ୍ଧକୁ ପଚରାଉଚରା କରି ପୋଲିସ ଛାଡି ଦେଇଥିଲା । ଗତ ୧୯ ତାରିଖରେ ପୋଲିସ ମୁଖ୍ୟ ଅଭିଯୁକ୍ତକୁ ଗିରଫ କରିଥିଲା । ସେ ନାମ ବଦଳାଇ ପୋଲିସ ସହ ଲୁଚକାଳି ଖେଳୁଥିଲା । ଶେଷରେ ପୋଲିସ ତାକୁ କାବୁ କରିବାରେ ସଫଳ ହୋଇଥିଲା । ଅଭିଯୁକ୍ତ ଜଣକ ବାଂଲାଦେଶୀ ବୋଲି ଅନୁମାନ କରାଯାଉଥିଲା । ସେ ଜାତୀୟ ସ୍ତରରେ ଜଣେ ଖେଳାଳି । ଘରକୁ ଯିବାକୁ ଟଙ୍କା ଦରକାର ଥିବାରୁ ସେ ସୈଫଙ୍କ ଘରେ ପଶି ଡକାୟତି କରିବାକୁ ଏପରି କାଣ୍ଡ ଘଟାଇଥିବା ସ୍ବୀକାର କରିଥିଲା ।
