ନୂଆଦିଲ୍ଲୀ,୦୨/୦୨: କୁମ୍ଭ ସ୍ନାନ ସାରି ଫେରିବା ବେଳେ ଅଘଟଣ। ଭାରସାମ୍ୟ ହରାଇ ଖାଇକୁ ଖସିଲା ବସ୍ । ଫଳରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୧୫ ଜଣ ଗୁରୁତର ଆହତ ହୋଇଛନ୍ତି । ତେବେ ଗୁଜୁରାଟର ଡାଙ୍ଗ ଜିଲ୍ଲା ଅନ୍ତର୍ଗତ ସାପୁତାରା ନିକଟ ମାଲେଗାଓଁ ଘାଟ ନିକଟରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି।
ସୂଚନା ମୁତାବକ, ଆଜି ଭୋର ପ୍ରାୟ ୫ଟା ୩୦ ମିନିଟରେ ଶ୍ରଦ୍ଧାଳୁଙ୍କୁ ନେଇ ଏକ ଘରୋଇ ବସ୍ କୁମ୍ଭମେଳାରୁ ଫେରୁଥିଲା । ସେହି ସମୟରେ ବସଟି ନାଶିକ୍-ସୁରଟ ରାଜପଥର ସାପୁତାରା ଘାଟି ନିକଟରେ ଭାରସାମ୍ୟ ହରାଇ ୩୫ ଫୁଟ ଗଭୀର ଘାଇକୁ ଖସିପଡିଥିଲା । ଫଳରେ ୭ ଜଣ ପ୍ରାଣ ହରାଇଥିବା ବେଳେ ୧୫ ଜଣ ଗୁରୁତର ଆହତ ହୋଇଥିଲେ । ତେବେ ସମସ୍ତ ଗୁରୁତର ଆହତଙ୍କୁ ଉଦ୍ଧାର କରାଯାଇ ନିକଟସ୍ଥ ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।
ଏହା ମଧ୍ୟ ପଢନ୍ତୁ- ଭୟଙ୍କର ସଡକ ଦୁର୍ଘଟଣା; ଘାଟିକୁ ଖସିଲା ଫଳ ବୋଝେଇ ଟ୍ରକ , ୧୧ ମୃତ ୧୫ ଆହତ
ତେବେ ଏହି ଦୁର୍ଘଟଣାର ଶିକାର ହୋଇଥିବା ସମସ୍ତ ଯାତ୍ରୀ ମଧ୍ୟପ୍ରଦେଶର ବୋଲି ଜଣାପଡ଼ିଛି। ପ୍ରାଥମିକ ସୂଚନା ଅନୁଯାୟୀ, ଡ୍ରାଇଭର ବସ୍ ନିୟନ୍ତ୍ରଣ ହରାଇବାରୁ ଏହି ଦୁର୍ଘଟଣା ଘଟିଛି। ବସ୍ରେ ବସିଥିବା ଯାତ୍ରୀମାନେ ଗୁଜୁରାଟକୁ ଦେବ ଦର୍ଶନ ପାଇଁ ଯାଉଥିଲେ। କୁହାଯାଉଛି ଯେ ଦୁର୍ଘଟଣା ବସ୍ରେ ସମସ୍ତ ମୃତ ଓ ଆହତ ମଧ୍ୟପ୍ରଦେଶର।
