ବେଗୁନିଆପଡା, ୦୫/୦୬; ଖୋର୍ଦ୍ଧା ଜିଲ୍ଲା ବେଗୁନିଆପଡ଼ା କୋଦଳା ହରିଜନ ସାହିରେ ଅଭାବନୀୟ ଘଟଣା । କିଛି ଦୁବୃର୍ତ୍ତ ସରୋଜ କାର୍ଜିଙ୍କ ସୁଜୁକି ସ୍କୁଟିକୁ ପୋଡ଼ି ଦେଇଛନ୍ତି । ଏନେଇ ଗୁରୁବାର ସେ ଥାନାରେ ଲିଖିତ ଅଭିଯୋଗ କରିଛନ୍ତି । ପୁଲିସ ଏତଲା ଆଧାରରେ ତଦନ୍ତ କରୁଛି ।

ସୂଚନା ଅନୁଯାୟୀ; କ୍ଷୁଦ୍ର ଜଳସେଚନ ବିଭାଗ, କୋଦଳାରେ ରାତ୍ର ଜଗୁଆଳି ଭାବେ କାର୍ଯ୍ୟ କରୁଥିବା ଭଗବାନ କାର୍ଜିଙ୍କ ସାନ ପୁଅ ସରୋଜ କାର୍ଜିରେ କୌଣସି କାର୍ଯ୍ୟରେ ବାହାରକୁ ଯାଇଥିଲେ । ଫେରିବା ବେଳେ ରାତି ହୋଇଯିବାରୁ ସେ କୋଦଳା ହରିଜନ ସାହିରେ ସାଙ୍ଗ ଘରେ ରହିଥିଲେ ଏବଂ ନିଜର ସୁଜୁକି ସ୍କୁଟି  (OD07AP3152)କୁ ସେଠାରେ ରଖିଥିଲେ । ଗୁରୁବାର ସକାଳୁ ସରୋଜ ନିଜ ଘରକୁ ଯିବାକୁ ବାହାରିବା ବେଳେ ଗାଡିଟି ସମ୍ପୂର୍ଣ ଭାବେ ପୋଡ଼ି ଯାଇଥିଲା । ଏନେଇ ତୁରନ୍ତ ସେ ସ୍ଥାନୀୟ ପୁଲିସକୁ ଖବର କରିଥିଲେ । ତଦନ୍ତ ବେଳେ ସରୋଜ କହିଛନ୍ତି, ଗାଡ଼ି ଏକ ଘଣ୍ଟା ପର୍ଯ୍ୟନ୍ତ ଠିକ୍ ଥିଲା ମାତ୍ର ଏହା ପରେ ଏହି ଘଟଣା ଘଟିଛି । କେହି ଦୁର୍ବୃତ୍ତ ଗାଡ଼ିକୁ ପୋଡ଼ି ଦେଉଥିବା ଅନୁମାନ କରାଯାଉଛି ।