ନୂଆଦିଲ୍ଲୀ,୦୮/୦୬: ବଜାର ନିୟାମକ ସେବି ପଳାତକ ହୀରା ବ୍ୟବସାୟୀ ମେହୁଲ ଚୋକ୍ସୀଙ୍କ ଉପରେ ବଡ଼ କାର୍ଯ୍ୟାନୁଷ୍ଠାନ ନେଇଛି । ୨.୧ କୋଟି ଟଙ୍କା ଅସୁଲି ପାଇଁ ଚୋକ୍ସିଙ୍କ ବ୍ୟାଙ୍କ୍ ଖାତା, ମ୍ୟୁଚୁଆଲ ଫଣ୍ଡ୍ ଏବଂ ସେୟାର୍କୁ ଜବତ କରିବା ପାଇଁ ଆଦେଶ ଦେଇଛି ଭାରତୀୟ ପ୍ରତିଭୂତି ବିନିମୟ ବୋର୍ଡ । ଗୀତାଞ୍ଜଳି ଜେମ୍ସର ସେୟାରରେ ଇନ୍ସାଇଡର ଟ୍ରେଡିଂ ନିୟମଗୁଡ଼ିକର ଉଲ୍ଲଂଘନ କରିଥିବାରୁ ଚୋକ୍ସିଙ୍କ ଉପରେ ୨.୧ କୋଟି ଟଙ୍କାର ଜରିମାନା ଲଗାଯାଇଥିଲା । ଏଥିରେ ୧.୫ କୋଟି ଟଙ୍କାର ଜରିମାନା ଏବଂ ୬୦ ଲକ୍ଷ ଟଙ୍କାର ସୁଧ ରାଶି ରହିଛି ।
