ନୂଆଦିଲ୍ଲୀ : ବିଗତ ଦିନରେ ଗଣମାଧ୍ୟମ ଆଉ ସୋସିଆଲ ମିଡିଆରେ ସେନସେସନ ପାଲଟିଥିବା ସୀମା ହାଇଦର ଏବେ ପୁଣି ଥରେ ଚର୍ଚ୍ଚାରେ। ତାଙ୍କ ନାମ ସବୁବେଳେ ଖବରରେ ରହିଛି । କେତେବେଳେ ତାଙ୍କ ବ୍ୟକ୍ତିଗତ ଜୀବନ ପାଇଁ, ତ’ କେତେବେଳେ ନ୍ୟାୟିକ ଲଢେଇ ପାଇଁ, ଆଉ କେତେବେଳେ ସୋସିଆଲ ମିଡିଆରେ ଭାଇରାଲ ବୟାନ ପାଇଁ। ଏବେ, ତାଙ୍କୁ ନେଇ ପୁଣି ଏକ ନୂଆ ଖବର ସାମ୍ନାକୁ ଆସିଛି । ସୂଚନା ମିଳୁଛି ଯେ, ସୀମା ହାଇଦର ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ଏହି ଖବର ଏବେ ଇଣ୍ଟରନେଟରେ ନିଆଁ ଭଳି ବ୍ୟାପିବାରେ ଲାଗିଛି । ସୀମା ହାଇଦର ଗତ ବର୍ଷ ମାର୍ଚ୍ଚ ମାସରେ ତାଙ୍କ ପଞ୍ଚମ ସନ୍ତାନର ମାଆ ହୋଇଥିଲେ।
ଏକ ଘରୋଇ ହସ୍ପିଟାଲରେ ପ୍ରସବ…
ସୂତ୍ର ଅନୁସାରେ, ଗ୍ରେଟର ନୋଏଡାର ଏକ ଘରୋଇ ହସ୍ପିଟାଲରେ ପ୍ରସବ ହୋଇଛି। ଡାକ୍ତରଙ୍କ କଡ଼ା ତଦାରଖରେ ପ୍ରସବ ହୋଇଛି ଏବଂ ମା' ଓ ପିଲା ଉଭୟ ସୁସ୍ଥ ଥିବା ଜଣାପଡ଼ିଛି। ହସ୍ପିଟାଲରୁ ଡିସଚାର୍ଜ ହୋଇ ଘରକୁ ଫେରିବା ପରେ, ତାଙ୍କ ପରିବାର ପୁଅ ଜନ୍ମ ପାଇଁ ମିଠା ବଣ୍ଟନ କରିଛନ୍ତି । ପାଖରେ ଥିବା ଲୋକ ମାନେ ମଧ୍ୟ ଶୁଭକାମନା ଜଣାଇଛନ୍ତି । ରିପୋର୍ଟ ଅନୁଯାୟୀ, ସୀମା ଗତ ବର୍ଷ ମାର୍ଚ୍ଚ ମାସରେ ଏକ କନ୍ୟା ସନ୍ତାନ ଜନ୍ମ ଦେଇଥିଲେ। ଏବେ, ପ୍ରାୟ ଏଗାର ମାସ ପରେ, ପରିବାରରେ ଆଉ ଏକ ସନ୍ତାନ ଆସିବା ସହିତ ଆନନ୍ଦ ଦ୍ୱିଗୁଣିତ ହୋଇଯାଇଛି।
ସେ ପୂର୍ବରୁ ମଧ୍ୟ ଖବରରେ ଥିଲେ…
ସୀମା ହାଇଦର ପାକିସ୍ତାନରୁ ଭାରତ ଆସିବା ପର ଠାରୁ ଚର୍ଚ୍ଚାର କେନ୍ଦ୍ର ବିନ୍ଦୁ ହୋଇ ରହିଛନ୍ତି । PUBG ଖେଳ ମାଧ୍ୟମରେ ତାଙ୍କର ସମ୍ପର୍କ, ପରବର୍ତ୍ତୀ ସମୟରେ ଭାରତ ସ୍ଥାନାନ୍ତର ଏବଂ ଗ୍ରେଟର ନୋଏଡାରେ ତାଙ୍କର ବସତି ତାଙ୍କୁ ଜାତୀୟ ସ୍ତରରେ ଆଲୋଚନାର ବିଷୟ କରିଥିଲା। ଚାଲିଥିବା ତଦନ୍ତ ଏବଂ ଆଇନଗତ ପ୍ରକ୍ରିୟା ମଧ୍ୟରେ ମଧ୍ୟ ତାଙ୍କ ନାମ ଗଣମାଧ୍ୟମରେ ରହିଆସିଛି। ସୀମା ହାଇଦରଙ୍କ ଇନଷ୍ଟାଗ୍ରାମ ଏବଂ ୟୁଟ୍ୟୁବରେ ଲକ୍ଷ ଲକ୍ଷ ସବସ୍କ୍ରାଇବର୍ ଏବଂ ଫଲୋଅର୍ସ ଅଛନ୍ତି ।
ଏହା ସହ ପଢନ୍ତୁ : ହିମନ୍ତଙ୍କୁ ମୁଖ୍ୟମନ୍ତ୍ରୀ କରିବାକୁ ଚାହୁଁଥିଲେ ସୋନିଆ, କିନ୍ତୁ ଖେଳ ବିଗାଡିଥିଲେ ରାହୁଲ…ହିମନ୍ତ ବିଶ୍ୱ ଶର୍ମାଙ୍କ ବିସ୍ଫୋରକ ବୟାନ…
