ଲାଞ୍ଜିଗଡ଼,୩/୬(ଆପ୍ର)- କଚ୍ଚା ରାସ୍ତା ପାଇଁ ଗାଁରେ ପହଞ୍ଚି ପାରିଲାନି ଆମ୍ବୁଲାନ୍ସ । ଖଟିଆରେ ବୁହାହେଲେ ଗୁରୁତର ମହିଳା। ଦୀର୍ଘ ଦୁଇ କିଲୋମିଟିର ଗାଁ ଲୋକେ ଖଟିଆରେ ବୋହି ଆମ୍ବୁଲାନ୍ସ ପର୍ଯ୍ୟନ୍ତ ପହଞ୍ଚାଇଛନ୍ତି ।ଲାଞ୍ଜିଗଡ଼ ବ୍ଲକ୍ ବେଡା ଗାଁ ଗ୍ରାମ ପଞ୍ଚାୟତ ସ୍ଥିତ ମନସ୍ତରା ଗାଁର ଏହି ଅଭାବନୀୟ ଘଟଣା ଦେଖିବାକୁ ମିଳିଛି।
ମନସ୍ତରା ଗାଁର ପାଗ ମାଝୀଙ୍କ ସ୍ତ୍ରୀ ପଦ୍ମା ମାଝୀ ସୋମବାର ରାତି ସାଢ଼େ ୮ ଟା ସମୟରେ ନିଜ ଘର ଛାତ ଉପରେ ଚଡ଼ିଥିବା ବେଳେ ଛାତ ଉପରୁ ତଳେ ପଡିଯାଇଥିଲେ। ପରେ ଗାଁ ଲୋକେ ୧୦୮ ଆମ୍ବୁଲାନ୍ସ କୁ ଫୋନ କରିଥିଲେ। ୧୦୮ ଆମ୍ବୁଲାନ୍ସ ଆସିଲା ସତ ତେବେ ଗାଁକୁ କଂଚା ରାସ୍ତା ଯୋଗୁଁ ଯାଇ ପାରିଲା ନାହିଁ।।ଯାହା ଫଳରେ ଦେହେଡା ଗାଁ ଛକ ପର୍ଯ୍ୟନ୍ତ ଦୁଇ କିଲୋମିଟର ଖଟିଆରେ ବୋହି ଗୁରୁତର ମହିଳାଙ୍କୁ ଆମ୍ବୁଲାନ୍ସ ପର୍ଯ୍ୟନ୍ତ ପହଞ୍ଚାଇଥିଲେ ଗାଁ ଲୋକେ। ବର୍ତ୍ତମାନ ମହିଳା ଜଣକ ବିଶ୍ୱନାଥପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଚିକିତ୍ସିତ ହେଉଛନ୍ତି। ତେବେ ରାସ୍ତା ଖଣ୍ଡେ ନଥିବାରୁ ମନସ୍ତରା ଗାଁର ଲୋକେ ନାହିଁ ନଥିବା ସମସ୍ୟାର ସମ୍ମୁଖିନ ହେଉଛନ୍ତି।
