ପୁରୀ, ୧୩/୦୩: ହୋଟେଲରେ ସେକ୍ସ ର୍ୟାକେଟ୍ ଚଳାଉଥିବା ଅଭିଯୋଗରେ ତାଳବଣିଆ ଥାନା ପୁଲିସ ବଳିଆପଣ୍ଡା ଅଞ୍ଚଳର ଏକ ହୋଟେଲର ୨ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଜାମିନ ନାମଞ୍ଜୁର ହେବାରୁ ସେମାନଙ୍କୁ ଜେଲ ପଠା ଯାଇଛି । ସେମାନେ ହେଲେ ହୋଟେଲ୍ ଲିଜ୍ଧାରୀ ସତ୍ୟବାଦୀ ଥାନା ଅନ୍ତର୍ଗତ ସୁକଳପଦାର ଡମ୍ବରୁଧର ପ୍ରଧାନ(୩୨) ଓ କର୍ମଚାରୀ ବିଞ୍ଜେଇପଡ଼ାର ହେମନ୍ତ ପ୍ରଧାନ(୨୯) ।
ଥାନା ଅଧିକାରୀ ଗୀତାଞ୍ଜଳୀ ନାୟକଙ୍କ କହିବା ଅନୁସାରେ ଗତ ଜାନୁୟାରୀ ୧୨ରେ ତାଳବଣିଆପଡ଼ିଆରେ ଏକ କାର୍ଯ୍ୟକ୍ରମ ବେଳେ ଏକ ନାବାଳିକାକୁ ଅପହରଣ କରାଯାଇଥିବା ନେଇ ମା’ ତାଳବଣିଆ ଥାନାରେ ୧୮ ରେ ଅଭିଯୋଗ କରିଥିଲେ । ଉକ୍ତ ମାମଲାର ଖୋଳତାଡ଼ ବେଳେ ଉକ୍ତ ନାବାଳିକା ଏବଂ ତା’ର ଭଉଣୀ ଓ ମା’କୁ ସେକ୍ସ ର୍ୟାକେଟରେ ଲଗାଯାଉଥିଲା । ସେମାନଙ୍କ ବୟାନକୁ ଭିତ୍ତିକରି ପୁଲିସ ସେକ୍ସ ର୍ୟାକେଟ ଚଳାଉଥିବା ବ୍ରହ୍ମଗିରି ଥାନା ଅଧୀନ ନରଣପୁର ଗ୍ରାମର ରାଣୀ ମହୁମାଛି ରଞ୍ଜୁଲତା ଦାଶ, ସ୍ୱାମୀ ପ୍ରଦୀପ୍ତ ଦାଶ ଓ ଗ୍ରାହକଙ୍କୁ ମିଶାଇ ମୋଟ ୧୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲା । ଏବେ ଏହି ୨ ଜଣଙ୍କୁ ମିଶାଇ ସେକ୍ସ ର୍ୟାକେଟରେ ୧୪ ଜଣଙ୍କୁ ଗିରଫ କରାଯାଇଛି ।
