ନୂଆଦିଲ୍ଲୀ, ୦୮/ ୦୩: ଖୁବଶୀଘ୍ର ପାକିସ୍ତାନର ଷ୍ଟାର ପେସ୍ ବୋଲର ଶାହିନ ଆଫ୍ରିଦି ଓ ପୂର୍ବତନ ଅଧିନାୟକ ସାହିଦ ଆଫ୍ରିଦି ଜ୍ବାଇଁ-ଶ୍ବଶୁର ସମ୍ପର୍କରେ ବାନ୍ଧି ହେବାକୁ ଯାଉଛନ୍ତି। ଅର୍ଥାତ୍ ଶାହିନ ସାହିଦ ଆଫ୍ରିଦିଙ୍କ ଝିଅ ଅକ୍ସାଙ୍କୁ ବିବାହ କରିବାକୁ ଯାଉଛନ୍ତି। ଏନେଇ ସାହିଦ ଆଫ୍ରିଦି ଟୁଇଟ କରି ସୂଚନା ଦେଇଥିଲେ।
ସାହିତ ରବିବାର ଦିନ ଟୁଇଟି କରି କହିଥିଲେ ଯେ, ଶାହିନଙ୍କ ପରିବାର ଲୋକ ଔପଚାରିକତା ଭାବେ ମୋ ଝିଅ ସହିତ ଶାହିନର ବିବାହ କରିବା ପାଇଁ ସମ୍ପର୍କ କରିଥିଲେ। ଏବେ ଦୁଇ ପରିବାର ସମ୍ପର୍କରେ ଅଛୁ ବୋଲି ଆଫ୍ରିଦି ଲେଖିଥିଲେ। ଏଥିସହିତ ସେ ଆହୁରି ଲେଖିଥିଲେ ଯେ, ଯୋଡ଼ି ଜନତରେ ହୋଇଥାଏ। ଯଦି ଆଲ୍ଲା ଚାହିଁବେ ତେବେ ଦୁଇ ଜଣ ଏକାଠି ହେବେ। ଶାହିନଙ୍କୁ ମୋର ଶୁଭକାମନା। ସେ ମଇଦାନରେ ଭଲ ପ୍ରଦର୍ଶନ ଜାରି ରଖନ୍ତୁ।
wp:embed {"url":"https://twitter.com/iShaheenAfridi/status/1368542820005462017?ref_src=twsrc%5Etfw%7Ctwcamp%5Etweetembed%7Ctwterm%5E1368542820005462017%7Ctwgr%5E%7Ctwcon%5Es1_\u0026ref_url=https%3A%2F%2Fwww.aajtak.in%2Fsports%2Fcricket%2Fphoto%2Fshaheen-afridi-thanks-shahid-afridi-for-acknowledging-success-on-and-off-the-field-tspo-1218774-2021-03-08","type":"rich","providerNameSlug":"twitter","responsive":true,"className":""}ସାହିଦ ଆଫ୍ରିଦିଙ୍କ ଟୁଇଟକୁ ରିଟୁଇଟ କରି ଶାହିନ ଶାହା ଆଫ୍ରିଦି ଲେଖିଛନ୍ତି ଯେ, ଲାଲା ଆପଣଙ୍କ ଶୁଭକାମନା ପାଇଁ ଧନ୍ୟବାଦ। ଆଲ୍ଲା ସମସ୍ତଙ୍କ ପାଇଁ ସବୁ ସହଜ କରନ୍ତୁ। ଆପଣ ଦେଶର ଗୌରବ ଅଟନ୍ତି ବୋଲି ଶାହିନ ଟୁଇଟ କରି କହିଛନ୍ତି।
ସୂଚନାଥାଉକି, ଶାହିନ ସାହିଦ ଆଫ୍ରିଦିଙ୍କ ବଡ଼ ଝିଅ ଅକ୍ସାଙ୍କୁ ବିବାହ କରିବାକୁ ଯାଉଛନ୍ତି। ଅକ୍ସା ୨୦୦୧ ମସିହା ଡିସେମ୍ବର ୧୫ ତାରିଖରେ ଜନ୍ମ ଗ୍ରହଣ କରିଥିଲେ। ଅକ୍ସା ନିଜର ସୁନ୍ଦରତା କାରଣରୁ ସର୍ବଦା ଚର୍ଚ୍ଚାରେ ରୁହନ୍ତି।
