ନୂଆଦିଲ୍ଲୀ ୧୮/୧୧: ଆପଣ ଗାଁ ଗହଳିରେ ମେଣ୍ଢାମାନଙ୍କୁ ଏକାଠି ଚାଲୁଥିବାର ଦେଖିଥିବେ । ସମସ୍ତେ ଏକାଠି ଚରିବାକୁ ଯାଆନ୍ତି ବା ଏକାଠି ଦଳ ଦଳ ହୋଇ ଫେରନ୍ତି । ଆପଣ ଯଦି ଧ୍ୟାନ ରଖିଥିବେ ତେବେ ଦେଖିଥିବେ ସମସ୍ତେ ଏକାଠି ମେଣ୍ଟ ହୋଇ ସିଧା ସିଧା ଚାଲନ୍ତି । କିନ୍ତୁ ଏବେ ଆଶ୍ଚର୍ଯ୍ୟ କରିଦେବା ଭଳି ଘଟଣା ଦେଖିବାକୁ ମିଳୁଛି ଯେଉଁଥିରେ ଶହ ଶହ ମେଣ୍ଢା ଏକାଠି ଏକ ସ୍ଥାନରେ ରାଉଣ୍ଡ ହୋଇ ବୁଲୁଥିବା ନଜର ଆସୁଛି ।

ସୋସିଆଲ ମିଡିଆରେ ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି । ଭିଡିଓକୁ ସେୟାର କରିଛି ପିପଲ୍ସ ଡେଲି ଚାଇନା ନାମକ ଏକ ପେଜ୍ । ଟ୍ୱିଟରରେ ସେୟାର ହୋଇଥିବା ଏହି ଭିଡିଓର କ୍ୟାପ୍ସନରେ ଲେଖା ହୋଇଛି କି ‘ମେଣ୍ଡା ରହସ୍ୟ, ଉତ୍ତର ଚାଇନାରେ ଇନର ମଙ୍ଗୋଲିଆରେ ଶହ ଶହ ମେଣ୍ଢା ୧୦ ଦିନ ହେବ ଗୋଲ୍ ଗୋଲ୍ ହୋଇ ଗୋଟିଏ ସ୍ଥାନରେ ବୁଲୁଛନ୍ତି । ମେଣ୍ଢାମାନେ ସମ୍ପୂର୍ଣ୍ଣ ସୁସ୍ଥ, କିନ୍ତୁ ସେମାନଙ୍କ ଏମିତି କାରନାମା ସମସ୍ତଙ୍କୁ ଚକିତ କରୁଛି ।’

wp:html

The great sheep mystery! Hundreds of sheep walk in a circle for over 10 days in N China's Inner Mongolia. The sheep are healthy and the reason for the weird behavior is still a mystery. pic.twitter.com/8Jg7yOPmGK

— People's Daily, China (@PDChina) November 16, 2022

/wp:html

ଏହି ଭିଡିଓ ୨ ଦିନ ହେବ ସେୟାର ହୋଇଛି । ଏବେବି ମେଣ୍ଢାମାନେ ସେମିତି ଗୋଲ୍ ଗୋଲ୍ ହୋଇ ବୁଲୁଛନ୍ତି । ଅର୍ଥାତ୍ ୧୨ ଦିନ ହେବ ମେଣ୍ଢାମାନେ ବୁଲୁଛନ୍ତି । ସୂଚନା ଅନୁସାରେ ମେଣ୍ଢାର ମାଲିକ ମଧ୍ୟ ସେମାନଙ୍କ ଏମିତି କାରନାମା ଦେଖି ଚକିତ ହୋଇଯାଇଛନ୍ତି । ସେ କୁହନ୍ତି କି ପ୍ରଥମେ ମାତ୍ର ୨-୩ଟି ମେଣ୍ଢା ଏମିତି କରୁଥିଲେ । କିନ୍ତୁ ଏବେ ସମସ୍ତେ ମିଶି ଏମିତି ସେହି ସ୍ଥାନରେ ବୁଲୁଛନ୍ତି ।

ମେଣ୍ଢାମାନଙ୍କ ମାଲିକ ମଧ୍ୟ ବୁଝିପାରୁନାହାଁନ୍ତି କି ସେମାନେ ଏମିତି କାହିଁକି କରୁଛନ୍ତି  । ଏହି ଦୃଶ୍ୟର ଭିଡିଓ ଭାଇରାଲ ହେବା ପରେ ବୈଜ୍ଞାନିକମାନେ ମଧ୍ୟ ଚକିତ ହୋଇଯାଇଛନ୍ତି । କିଛି ମେଣ୍ଢା ସେହି ଗୋଲ୍ ଭିତରେ ଚୁପଚାପ୍ ଠିଆ ହୋଇଛନ୍ତି ଏବଂ ବାକି ଅନ୍ୟମାନେ ଚାରିପଟେ ଚକ୍କର କାଟୁଛନ୍ତି । ଆଶ୍ଚର୍ଯ୍ୟର କଥା ହେଉଛି ମେଣ୍ଢାମାନେ କିଛି ଖାଉନାହାଁନ୍ତି ତଥାପି ସେମାନେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ।