ନୂଆଦିଲ୍ଲୀ,୨୪/୧୧: ଶ୍ରେୟସ୍ ଆୟରଙ୍କୁ ପଞ୍ଜାବ କିଙ୍ଗସ୍ ୨୬.୭୫ କୋଟିରେ କିଣିଛି। ଏଥି ସହିତ ଶ୍ରେୟସ୍ ଇଣ୍ଡିଆନ୍ ପ୍ରିମିୟର ଲିଗ୍ ଇତିହାସରେ ସବୁଠାରୁ ଦାମୀ ଖେଳାଳି ହୋଇପାରିଛନ୍ତି।ଏହାପୂର୍ବରୁ ଇଣ୍ଡିଆନ ପ୍ରିମିୟର ଲିଗର ସବୁଠାରୁ ଦାମୀ ଖେଳାଳି ଅଷ୍ଟ୍ରେଲିଆର ମିଚେଲ ଷ୍ଟାର୍କ ଥିଲେ, ତାଙ୍କୁ ଆଇପିଏଲ ୨୦୨୪ ନିଲାମରେ କେକେଆର ୨୪.୭୫ କୋଟିରେ କିଣିଥିଲା। ମେଗା ନିଲାମୀରେ ଦିଲ୍ଲୀ କ୍ୟାପିଟାଲ୍ସ ଏବଂ ପଞ୍ଜାବ କିଙ୍ଗସ୍ ମଧ୍ୟରେ ଶ୍ରେୟସ୍ ଆୟରଙ୍କ ପାଇଁ ଆରମ୍ଭରୁ ଶେଷ ପର୍ଯ୍ୟନ୍ତ ଟଣାଓଟରା ଲାଗିଥିଲା।
ସେପଟେ ଅର୍ଶଦୀପ ସିଂଙ୍କ ବେସ୍ ପ୍ରାଇସ୍ ୨ କୋଟି ଟଙ୍କା ଥିଲା, କେକେଆର ତାଙ୍କ ଉପରେ ପ୍ରଥମେ ୯.୭୫ କୋଟିର ନିଲାମ ଡାକରା ଦେବାକୁ ନିଷ୍ପତ୍ତି ନେଇଥିଲା। ଏହା ପରେ ପଞ୍ଜାବ କିଙ୍ଗସ୍ ଏବଂ ଦିଲ୍ଲୀ କ୍ୟାପିଟାଲ୍ସ ଗୋଟିଏ ପରେ ଗୋଟିଏ କୋଟି ଟଙ୍କାର ନିଲାମ ଡାକିଥିଲେ। ଶ୍ରେୟସ୍ ଆୟରଙ୍କ ଉପରେ ପ୍ରଥମେ ୧୫ କୋଟି, ତା’ପରେ ୨୦ କୋଟି ଏବଂ ପରେ ୨୫ କୋଟି ଟଙ୍କା ଅତିକ୍ରମ ନିଲାମ ମୂଲ୍ୟ ଅତିକ୍ରମ କରିଥିଲା। ତେବେ ଯେତେବେଳେ ପଞ୍ଜାବ ୨୬.୨୨୫ କୋଟି ଟଙ୍କାରେ ଟେଣ୍ଡର କଲା, ସେତେବେଳେ ଦିଲ୍ଲୀ ଦୀର୍ଘ ସମୟ ଧରି ଆଲୋଚନା ପରେ ୨୬.୫୦ କୋଟି ଟଙ୍କାର ନିଲାମ ଡାକିଥିଲା। କିନ୍ତୁ ପଞ୍ଜାବ ଶେଷରେ ୨୬.୭୫ କୋଟି ଟଙ୍କାରେ ନିଲାମ ଡାକି ଆୟରଙ୍କୁ ଦଳରେ ସାମିଲ କରିବାରେ ସଫଳ ହୋଇଥିଲା।
