ଭୁବନେଶ୍ୱର,୦୫/୦୫ : ବିଜୁ ଜନତା ଦଳ ପକ୍ଷରୁ ୬ଟି ଜିଲ୍ଲାର ସଭାପତିଙ୍କ ନାମ ଘୋଷଣା କରାଯାଇଛି । ଭୁବନେଶ୍ୱରର ବିଜେଡି ସଭାପତି ହେଲେ ଅଶୋକ ଚନ୍ଦ୍ର ପଣ୍ଡା । ବରିଷ୍ଠ ନେତା ସୁଶାନ୍ତ ରାଉତଙ୍କ ସ୍ଥାନରେ ଅଶୋକ ଚନ୍ଦ୍ର ପଣ୍ଡାଙ୍କୁ ସଭାପତି ଦାୟିତ୍ୱ ଦିଆଯାଇଛି । ଏହା ବ୍ୟତୀତ ସମ୍ବଲପୁରର ବିଜେଡି ସଭାପତି ହେଲେ ରୋହିତ ପୂଜାରୀ । ବଲାଙ୍ଗୀରରେ ଟୁକୁନି ସାହୁଙ୍କ ବଦଳରେ ସରୋଜ କୁମାର ମେହେରଙ୍କୁ ଜିଲ୍ଲା ସଭାପତି ଦାୟିତ୍ୱ ପ୍ରଦାନ କରାଯାଇଛି । ରାଉରକେଲାରେ ସାରଦା ନାୟକଙ୍କ ବଦଳରେ ପ୍ରଦ୍ୟୁମ୍ନ ତ୍ରିପାଠୀଙ୍କୁ ଜିଲ୍ଲା ସଭାପତି ଦାୟିତ୍ୱ ଦିଆଯାଇଛି । ସେହିପରି କେନ୍ଦୁଝରରେ ଆଶିଷ ଚକ୍ରବର୍ତ୍ତୀ ଏବଂ ମୟୂରଭଞ୍ଜ-୨ରେ ଦେବାଶିଷ ମାରାଣ୍ଡିଙ୍କୁ ବିଜୁ ଜନତା ଦଳ ପକ୍ଷରୁ ଜିଲ୍ଲା ସଭାପତି ଘୋଷଣା କରାଯାଇଛି ।