PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୋବେଲ ଶାନ୍ତି ପୁରସ୍କାର ଘୋଷଣା: ମାନବାଧିକାର ପ୍ରବକ୍ତା ଆଲେସ୍ ବାଲିଆସ୍କି ସହ ଦୁଇଟି ସଂଗଠନକୁ ମିଳିବ ପୁରସ୍କାର
  • ||
  • ଭୁବନେଶ୍ଵର : ଓଡ଼ିଶା ଲଳିତ କଳା ଏକାଡେମୀ ଉପସଭାପତି ତଥା ବିଶିଷ୍ଟ ଶିଳ୍ପୀ ଶ୍ରୀନିବାସ ପଢ଼ିଆରୀଙ୍କ ପରଲୋକ
  • ||
  • ମୁରିବାହାଲ : ଭିଜିଲାନ୍ସ ଜାଲରେ ମୁରିବାହାଲ ବ୍ଲକ APO ସୁଶାନ୍ତ କୁମାର ଦାସ, ୪୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ
  • ||
  • ବାଙ୍ଗିରିପୋଷି : ଶୌଚ ହେବାକୁ ଯାଇଥିବା ବେଳେ ଆକ୍ରମଣ କଲା ଦନ୍ତା, ଯୁବକ ମୃତ
  • ||
  • ଭୁବନେଶ୍ୱର : ପୁଣି ଘୂର୍ଣ୍ଣିବଳୟ ସମ୍ଭାବନା, ୨୫ ପୂର୍ବରୁ ଓଡ଼ିଶା ଛାଡ଼ିବନି ମୌସୁମୀ
  • ||
  • ଭଦ୍ରକ : ନଭେମ୍ୱର ୩ରେ ଧାମନଗର ଉପନିର୍ବାଚନ, ଆଜିଠୁ ନାମାଙ୍କନ ପତ୍ର ଦାଖଲ
  • ||
  • ତେଲକୋଇ : ଶୁଝି ପାରିଲେନି କିସ୍ତି, ଆତ୍ମହତ୍ୟା କଲେ ଅସହାୟ ଟ୍ରକ ମାଲିକ
  • ||
  • ମୋହନା : ଜଙ୍ଗଲରୁ ବିପୁଳ ପରିମାଣର କାଠ ଗଣ୍ଡି ଜବତ
  • ||
  • ଭୁବନେଶ୍ଵର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୬୩ ପଜିଟିଭ୍ ଚିହ୍ନଟ
  • ||

ଏବେ ଟ୍ରେନରେ ଚଢୁଥିବା ଅପରାଧୀ ହୋଇଯାଆନ୍ତୁ ସାବଧାନ,ଏହି ସିଷ୍ଟମ ଯୋଗୁଁ କନଟ୍ରୋଲ ରୁମକୁ ସିଧା ପହଁଞ୍ଚିବ ଖବର

ନୂଆଦିଲ୍ଲୀ,୨୮।୭:  ଯାତ୍ରୀଙ୍କ ସୁରକ୍ଷା ଏବଂ ଆରାମଦାୟକ ଯାତ୍ରା ପାଇଁ ଟ୍ରେନରେ ରେଲଓ୍ବେ ପକ୍ଷରୁ ସ୍ମାର୍ଟ କୋଚ ଲଗାଯିବ। ଏହି କୋଚ ଗୁଡିକରେ ଆର୍ଟିଫିସିଆଲ ଇଣ୍ଟେଲିଜେନ୍ସ ସିଷ୍ଟମ ରହିବ। ଏଥିରେ ସୁରକ୍ଷାକୁ ନେଇ ଆହୁରି ଦୁଇଟି ସୁବିଧା ପାଇଁ ୬ପ୍ରକାର ପରିବର୍ତ୍ତନ କରାଯାଇଛି। ଏଆଇ ସିଷ୍ଟମ ସନ୍ଦିଗ୍ଧଙ୍କ ଚେହେରାକୁ ଚିହ୍ନି ସିଧା କନଟ୍ରୋଲ ରୁମକୁ ସୂଚନା ଦେବ। ଏହି ସିଷ୍ଟମ ଦ୍ବାରା ସାରା ଦେଶରେ ଅପରାଧିଙ୍କ ସୂଚନା ଓ ଫଟୋ କ୍ଲାଉଡ ଇଣ୍ଟରନେଟ୍ ଯୋଗେ ଯୋଡି ହୋଇଯିବ। କୋଚରେ ନାଇଟଭିଜନର ୪ ମେଗାପିକ୍ସେଲ କ୍ୟାମେରା ଲାଗିଛି। ଏହି କ୍ୟାମେରା କୋଚରେ ଚଢୁଥିବା ଯାତ୍ରୀଙ୍କ ଫଟୋକୁ ସିଷ୍ଟମରେ ଉପଲବ୍ଧ ଅପରାଧୀଙ୍କ ଡାଟା ମିଳାଇ ଅବାଞ୍ଛିତ ତତ୍ତ୍ବ ଥିଲେ ସିଧାସଳଖ ଆରପିଏଫର କନଟ୍ରୋଲ ରୁମକୁ ସୂଚନା ଦେବ।

କେବଳ ସେତିକି ନୁହେଁ କୋଚରେ ଚଢୁଥିବା କୌଣସି ଯାତ୍ରୀଙ୍କ ପାଖରେ ହତିଆର ଅଛି କି ନାହିଁ ଏହାର ସୂଚନା ମଧ୍ୟ କନଟ୍ରୋଲ ରୁମକୁ ମିଳିଯାଇଥାଏ। ଏହାଛଡା କୋଚରେ ଏଭଳି ଏକ ସେନସର ସିଷ୍ଟମ ଲଗାଯାଇଛି, ଯାହାକି ଏହି କହିପାରିବ ଯେ, କୋଚରେ ପାଣି ଶେଷ ହୋଇଯାଇଛି, ଚକ ଗରମ ହୋଇଯାଇଛି କିମ୍ବା କୋଚରେ କୌଣସି ପ୍ରକାର ଖରାପ ହୋଇଛି। ଏହି ସୂଚନା ଆଗାମୀ ଷ୍ଟେସନ୍ ମାଷ୍ଟରଙ୍କ ନିକଟକୁ ପହଁଞ୍ଚିଯିବ। ଏହାଫଳରେ ସମୟ ନଷ୍ଟ ନହୋଇ ସବୁ ପ୍ରକାର ସୁବିଧା ମିଳିପାରିବ ଓ ଯାତ୍ରୀଙ୍କୁ କଷ୍ଟ ସହିବାକୁ ପଡିବନି।

ଉତ୍ତର ରେଲଓ୍ବେ ଆଗାମୀ ୩ ମାସରେ ୧୦୦ଟି ଟ୍ରେନରେ ଏଭଳି କୋଚ ଲଗାଇ ଦେବ। ଦିଲ୍ଲୀରୁ ଆଜମଗଡ ଭିତରେ ଚାଲୁଥିବା କୈଫିୟତ ଏକ୍ସପ୍ରେସରେ ଏହାକୁ ଟ୍ରାୟଲ କରାଯିବ। ଏହି କୋଚ ପାସେଞ୍ଜର ଇନଫରମେସନ୍ ଆଣ୍ଡ କୋଚ କମ୍ପ୍ୟୁଟର ୟୁନିଟ ସହିତ ସଂଯୋଗ ରହିଛି। କୋଚରେ ଲାଗିଥିବା କ୍ୟାମେରା ଏହାର ରେକର୍ଡିଂ ଗୁଗୁଲ କ୍ଲାଉଡରେ ରେକର୍ଡ ହୋଇଯିବ। ଅଧିକାରୀ ଟ୍ରେନର ଲାଇଭ ଷ୍ଟାଟସ୍ ମୋବାଇଲ ଫୋନ୍ କିମ୍ବା ଲାପଟପରେ ଦେଖିପାରିବେ।