ସର୍ପାଘାତରେ ମହିଳାଙ୍କ ମୃତ୍ୟୁ
କୋକସରା, ୨୬/୦୫ : ସର୍ପାଘାତରେ ମହିଳାଙ୍କ ମୃତ୍ୟୁ। କୋକସରା ବ୍ଲକ ଡାଲଗୁମା ପଞ୍ଚାୟତ ଚିତାମୁଣ୍ଡା ଗ୍ରାମରେ ଏଭଳି ଅଭାବନୀୟ ଘଟଣା ଘଟିଛି। ଚିତାମୁଣ୍ଡା ଗ୍ରାମର ଗଣେଶ୍ୱର ମହାନନ୍ଦଙ୍କ ସ୍ତ୍ରୀ ସଞ୍ଜୁଳା ମହାନନ୍ଦ ଗୁରୁବାର ବିଳମ୍ବିତ ରାତିରେ ଶୋଇଥିବା ବେଳେ ବିଷାକ୍ତ ସାପ କାମୁଡି କାରଣରୁ ତାଙ୍କର ମୃତ୍ୟୁ ହୋଇଛି।
ସୂଚନାନୁଯାୟୀ, ସଞ୍ଜୁଳା ମହାନନ୍ଦ ଗୁରୁବାର ରାତିରେ ଶୋଇଥିବା ଅବସ୍ଥାରେ କୌଣସି ଏକ ବିଷଧର ସାପ ଦଂଶନ କରିଥିଲା। ପରିବାର ଲୋକେ ଆଜି ସକାଳେ କୋକସରା ଡାକ୍ତରଖାନାରେ ଆଣି ଭର୍ତ୍ତି କରିଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ମହିଳାଙ୍କ ଶବ ବ୍ୟବଚ୍ଛେଦ ପାଇଁ ରଖାଯାଇଛି। କୋକସରା ପୋଲିସକୁ ଏନେଇ ଖବର ଦିଆଯାଇଛି।
