ମାଲକାନଗିରି, ୨।୩(ଆପ୍ର ): ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର ସୁକୁମା ଜିଲ୍ଲାରେ ତଲାସି ଅଭିଯାନ ବେଳେ ଏକ ପ୍ରେସର ବୋମା ଯବାନ ଠାବ କରିଛନ୍ତି । ପରେ ଏହାକୁ ଯବାନ ନିଷ୍କ୍ରିୟ କରିଥିଲେ। ସୁକୁମା ଜିଲ୍ଲାର ରାଇଗୁଟ୍ଟା ପାହାଡ଼ ନିକଟରେ ମାଓ ଦମନ ନିମନ୍ତେ ସିଆରପିଏଫର ଯବାନ ମାନେ ବାହାରିଥିଲେ। ଏହି ସମୟରେ ଯବାନ ମାନେ ମାଓବାଦୀ ଖଞ୍ଜିଥିବା ଏକ ପ୍ରେସର ବୋମାକୁ ଠାବ କରିଥିଲେ। ବୋମାଟିର ଓଜନ ପ୍ରାୟ ୫ କିଲୋଗ୍ରାମ ରହିଥିବା ବେଳେ ଆଇଇଡିକୁ ଘଟଣାସ୍ଥଳେ ନଷ୍ଟ କରିଥିଲେ ଯବାନ ମାନେ।
ତେବେ ଏହି ଘଟଣାର ପ୍ରାୟ ୬ ମାସ ପୂର୍ବେ ମଧ୍ୟ ସେହି ସମାନ ଅଞ୍ଚଳରେ ମାଓବାଦୀଙ୍କ ଦ୍ୱାରା ଲଗାଯାଇଥିବା ଆଇଇଡି ବିସ୍ଫୋରଣ ଯୋଗୁଁ ଡୁବ୍ବାମାର୍କା ଗ୍ରାମର ଜଣେ ମହିଳା କାୱାସି ସୁକ୍କିଙ୍କ ମୃତ୍ୟୁ ହୋଇଥିଲା। ତେବେ ବୋମାଟିକୁ ନିଷ୍କ୍ରିୟ ପରେ ଅଞ୍ଚଳରେ ତଲାସି ଅଭିଯାନକୁ ବଢାଇ ଦିଆଯାଇଛି।
