ଭୁବନେଶ୍ବର, ୩୦।୧୧ ନୃଶଂସ ହୋଇଗଲା ବାପା। ପୁଅ ଓ ବୋହୂ କୁ ଜାଳି ଦେଲା ବାପା। ପେଟ୍ରୋଲ ପକାଇ ପୁଅ ବୋହୂଙ୍କୁ ନିଆଁ ଲଗାଇ ଦେଲା। ଆହତ ପୁଅ ବୋହୂଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି। ବାରଙ୍ଗ ଥାନା ଗୋଡିସାହି ଫାଣ୍ଡି ଅନ୍ତର୍ଗତ ବାରାସୀଙ୍ଗା ଗ୍ରାମରେ ଏହି ଘଟଣା ଘଟିଛି।
ସ୍ଥାନୀୟ ବାରଙ୍ଗ ଥାନା ଗୋଡିସାହି ଫାଣ୍ଡି ଅନ୍ତର୍ଗତ ବାରାସୀଙ୍ଗା ଗ୍ରାମର ଗୋବର୍ଦ୍ଧନ ରାଉତ ତାଙ୍କ ପୁଅ ଦୀନବନ୍ଧୁ ରାଉତ ଏବଂ ବୋହୂ ପୂଜା ରାଉତ ଙ୍କୁ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ। ଘଟଣା ପଛର କାରଣ ଅସ୍ପଷ୍ଟ ଥିବା ବେଳେ ପାରିବାରିକ କଳହ ଯୋଗୁ ଏପରି ଘଟି ଥାଇପାରେ ବୋଲି ସନ୍ଦେହ କରାଯାଉଛି। ତେବେ ଖବର ପାଇ ଗୋଡିସାହି ଫାଣ୍ଡି ଅଧିକାରୀ ତୁରନ୍ତ ଘଟଣା ସ୍ଥଳରେ ପହଁଚି ଆମ୍ବୁଲାନ୍ସ ଦ୍ଵାରା ପୁଅ ବୋହୂଙ୍କୁ ମେଡିକାଲ ପଠାଇଥିଲେ। ଘଟଣା ସ୍ଥଳରୁ ଖସି ଯିବାକୁ ଚେଷ୍ଟା କରୁଥିବା ଗୋବର୍ଦ୍ଧନ କୁ ଅଟକ ରଖି ପଚରାଉଚରା କରୁଛି ବାରଙ୍ଗ ଥାନା ପୋଲିସ ।
