ପ୍ରମୂଖ ଖବର
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ଏଏଫ୍‌ସି ଏସିଆନ୍‌ କପ୍‌: ସାଉଦି ଆରବକୁ ହରାଇଲା ଜାପାନ

ଆବୁ ଧାବି, ୨୧ ।୧ (ଏଜେନ୍ସି): ଚଳିତ ଏଏଫ୍‌ସି ଏସିଆନ୍‌ କପ୍‌ରେ ସୋମବାର ଖେଳାଯାଇଥିବା ପ୍ରଥମ ପ୍ରି-କ୍ୱାର୍ଟର ଫାଇନାଲ୍‌ରେ ସାଉଦି ଆରବ ପରାଜିତ ହୋଇଛି । ଜାପାନ ଓ ସାଉଦି ଆରବ ମଧ୍ୟରେ ଖେଳାଯାଇଥିବା ଏହି ମ୍ୟାଚ୍‌ରେ ଜାପାନ ୧-୦ ଗୋଲ୍‌ରେ ବିଜୟୀ ହୋଇ କ୍ୱାର୍ଟର ଫାଇନାଲ୍‌ରେ ପ୍ରବେଶ କରିଛି ।
ମ୍ୟାଚ୍‌ଟି ସଂଘର୍ଷପୂର୍ଣ୍ଣ ହୋଇଥିଲା । ପ୍ରଥମାର୍ଦ୍ଧରେ ଜାପାନ ଅଧିକ ଆକ୍ରମଣାତ୍ମକ ପ୍ରଦର୍ଶନ କରିଥିଲା । ଫଳରେ ଦଳକୁ ୨୦ତମ ମିନିଟ୍‌ରେ ପ୍ରଥମ ଗୋଲ୍‌ ମିଳିଥିଲା । ତାକେହିରୋ ତୋମିୟାସୁ ଏହି ଗୋଲଟି ସ୍କୋର କରି ଦଳକୁ ୧-୦ ଗୋଲରେ ଅଗ୍ରଣୀ କରାଇଥିଲେ । ପ୍ରଥମାର୍ଦ୍ଧ ଶେଷ ପର୍ଯ୍ୟନ୍ତ ସାଉଦି ଆରବ ଗୋଲ୍‌ ପରିଶୋଧ କରିବା ପାଇଁ ବହୁ ପ୍ରୟାସ କରିଥିଲା, ମାତ୍ର ସଫଳ ହୋଇ ପାରି ନଥିଲା । ଏହି ଭାଗରେ ଜାପାନ ୧-୦ରେ ଆଗୁଆ ରହିଥିଲା ।
ଦ୍ୱିତୀୟ ଭାଗ ଅଧିକ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ଥିଲା । କେହି କାହାକୁ ସୁଯୋଗ ଦେଇ ନଥିଲେ । ଶେଷ ପର୍ଯ୍ୟନ୍ତ ଆକ୍ରମଣ ଓ ପ୍ରତିଆକ୍ରମଣ ମଧ୍ୟରେ ମ୍ୟାଚ୍‌ ବେଶ ରୋମାଞ୍ଚକର ହୋଇଥିଲା । ପୂର୍ବରୁ ୧-୦ରେ ଅଗ୍ରଣୀ ଥିଲା ଜାପାନ ଶେଷରେ ବିଜୟୀ ହୋଇଥିଲା । ପରାଜୟ ସହ ସାଉଦି ଆରବର ଅଭିଯାନ ଶେଷ ହୋଇଛି । ୨୪ ତାରିଖରେ ଖେଳାଯିବାକୁ ଥିବା ପ୍ରଥମ କ୍ୱାର୍ଟରରେ ଭିଏତନାମକୁ ଭେଟିବ ଜାପାନ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.