PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

ଅଯୋଧ୍ୟା ଆତଙ୍କବାଦୀ ଆକ୍ରମଣ ଘଟଣା, ୪ଅଭିଯୁକ୍ତଙ୍କୁ ଆଜୀବନ ଜେଲ

ପ୍ରୟାଗରାଜ, ୧୮।୬: ଅଯୋଧ୍ୟା ଆତଙ୍କବାଦୀ ଆକ୍ରମଣ ମାମଲାରେ ପ୍ରୟାଗରାଜର ଏକ ସ୍ବତନ୍ତ୍ର କୋର୍ଟ ୪ ଜଣଙ୍କୁ ଦୋଷୀ ସାବ୍ୟସ୍ତ କରି ତାଙ୍କୁ ଆଜୀବନ କାରାଦଣ୍ଡାଦେଶ ଦେଇଛନ୍ତି। ସେଭଳି କୋର୍ଟ ଏକ ଅଭିଯୁକ୍ତକୁ ମଧ୍ୟ ଖଲାସ କରିଛନ୍ତି। ୫ ଜୁଲାଇ ୨୦୦୫ରେ ହୋଇଥିବା ଆତଙ୍କବାଦୀ ଆକ୍ରମଣରେ ୨ ଜଣଙ୍କର ମୃତ୍ୟୁ ହୋଇଥିଲା। ଏହି ଆକ୍ରମଣ  ରାମଜନ୍ମଭୂମି ପରିସରରେ ହୋଇଥିଲା। ଏହି ମାମଲାର ଶୁଣାଣି ପ୍ରୟାଗରାଜ ନୈନୋ ସେଣ୍ଟ୍ରାଲ ଜେଲରେ ହୋଇଥିଲା। ମାମଲାର ଶୁଣାଣି ସ୍ବତନ୍ତ୍ର ବିଚାରପତି ଏସସି/ଏସଟି ଦିନେଶ ଚନ୍ଦ୍ର କରିଥିଲେ। ଉଲ୍ଲେଖନୀୟ ଯେ, ଏହି ମାମଲାରେ ୫ ଜଣ ଅଭିଯୁକ୍ତ ଦୀର୍ଘ ବର୍ଷ ହେବ ନୈନୋ ସେଣ୍ଟ୍ରାଲ ଜେଲରେ ଥିଲେ। ୧୪ ବର୍ଷ ଧରି ମାମଲାର ଟ୍ରାଏଲ ଚାଲିଥିଲା। ଏହି ଶୁଣାଣିରେ ୬୩ ଜଣ ଲୋକଙ୍କ ସାକ୍ଷୀ ନିଆଯାଇଥିବା ବେଳେ, ବାରମ୍ବାର ଭିଡିଓ କନଫ୍ରେନ୍ସିଂ ଜରିଆରେ ମାମଲାର ଶୁଣାଣି କରାଯାଇଥିଲା।

ଉଲ୍ଳେଖନୀୟ ଯେ, ଏହି ଆକ୍ରମଣ ସେତେବେଳେ ହୋଇଥିଲା ଯେଉଁ ସମୟରେ ରାମଜନ୍ମଭୂମି-ବାବ୍ରି ମସଜିଦ କମ୍ପଲେକ୍ସରେ କଡା ସୁରକ୍ଷାବଳୟ ରହିଥିଲା। ଲସ୍କର-ଇ-ତୋଇବାର ଆତଙ୍କବାଦୀମାନେ ଏହାକୁ ଟାର୍ଗେଟ କରିଥିଲେ। ସମସ୍ତ ଆତଙ୍କବାଦୀ ନେପାଳ ବାଟ ଦେଇ ଭାରତ ପଶିଥଲେ। ସୁରକ୍ଷାକର୍ମୀମାନେ ଆତଙ୍କବାଦୀଙ୍କୁ ମାରିବାରେ ସଫଳ ହୋଇଥିଲେ।  ସକାଳେ ଅଯୋଧ୍ୟାର ଜୈନ ମନ୍ଦିର ନିକଟରେ ଆତଙ୍କବାଦୀମାନେ ବିସ୍ଫୋରଣ ଘଟାଇଥିଲେ। ଏହାପରେ ଆତଙ୍କବାଦୀମାନେ ପ୍ରାୟ ଦେଢ ଘଣ୍ଟା ପର୍ଯ୍ୟନ୍ତ ଅଯୋଧ୍ୟାର ବିଭିନ୍ନ ସ୍ଥାନରେ ବିସ୍ଫୋରଣ, ଗ୍ରେନେଡ, ହାତବୋମା ମାଡ଼ କରିବା ସହ ଏକେ-୪୭ ବନ୍ଧୁକରୁ ଆଖୁ ବୁଜା ଗୁଳି ମାଡ଼ କରିଥିଲେ। ଏଥିରେ ଜୈନ ମନ୍ଦିର କ୍ଷତିଗ୍ରସ୍ତ ହୋଇଥିଲା ବେଳେ ଅନେକ ସୁରକ୍ଷା କର୍ମୀ ଓ ସାଧାରଣ ଲୋକ ହୋଇଥିଲେ। ସୁରକ୍ଷା କର୍ମୀଙ୍କ ଜବାବୀ କାର୍ଯ୍ୟାନୁଷ୍ଠାନରେ ୫ ଜଣ ଆତଙ୍କବାଦୀ ନିହତ ହୋଇଥିଲେ।  ଆତଙ୍କବାଦୀମାନଙ୍କୁ ସାହାଯ୍ୟ କରିଥିବା ଅଭିଯୋଗରେ ପୁଲିସ୍‍ ଓ ଏନଆଇଏ ୫ ଜଣଙ୍କୁ ଗିରଫ କରିଥିଲେ। ଏହି ମାମଲାରେ ଅଭିଯୁକ୍ତ ଡ.ଇର୍ଫାନ, ମହମ୍ମଦ ସକିଲ, ମହମ୍ମଦ ନସିମ ଏବଂ ଫାରୁକ ଦୋଷୀ ସାବ୍ୟସ୍ତ ହୋଇଥିଲା ବେଳେ ମହମ୍ମଦ ଅଜୀଜକୁ ଖଲାସ କରାଯାଇଛି। 

ସମ୍ବନ୍ଧିତ ଖବର