ଭୁବନେଶ୍ବର ୧୦/୧୦: ଆଜି (ଗୁରୁବାର) ପୋଲିସ କମିଶନର ଶ୍ରୀ ଦେବ ଦତ୍ତ ସିଂହ ଙ୍କ ଉଦ୍ୟମରେ ଓ ଡିସିପି ଭୁବନେଶ୍ୱର ଶ୍ରୀ ପିନାକ ମିଶ୍ରଙ୍କ ଉପସ୍ଥିତିରେ ଏକ ବିଶେଷ ମୋଟର ସାଇକଲ୍ ପାଟ୍ରୋଲିଂ ମହିଳା ଟିମ ଗଠନ କରାଯାଇଛି । ଯାହାର ନାମ “ଶକ୍ତି-ବାହିନୀ” ରଖାଯାଇଛି । ଏହି ଟିମ୍ ଦୁର୍ଗା ପୂଜା ଉତ୍ସବ ଦିନ ମାନଙ୍କରେ ମହିଳା ଓ ଶିଶୁଙ୍କ ସୁରକ୍ଷା ପ୍ରତି ବିଶେଷ ଧ୍ୟାନ ଦେବ । ଏହି ଟିମ୍ ରେ ସମୁଦାୟ ୪୦ ଜଣ ମହିଳା ପୋଲିସ୍ ଅଧିକାରୀ ଓ ୨୦ ମୋଟର ସାଇକଲ୍ ରହିଛି । ଏହି ଟିମ୍ ବିଭିନ୍ନ ପୂଜା ମେଢରେ ପଇଁତରା ମାରିବ । ମହିଳା ଓ ଶିଶୁ ମାନଙ୍କ ପ୍ରତି ହେଉଥିବା ଅପରାଧ ବା ଭିଡରେ ହଜି ଯାଇଥିବା ଶିଶୁଙ୍କୁ ତୁରନ୍ତ ଉଧାର କରିବାରେ ସହଯୋଗ କରିବ ଏହି ଟିମ୍ । ଏହି ପାଟ୍ରୋଲିଙ୍ଗ୍ ବ୍ୟବସ୍ଥା ମହିଳାଙ୍କ ବିରୋଧରେ ଅପରାଧ ପ୍ରତିରୋଧ କରିବା ଉଦ୍ଦେଶ୍ୟରେ ଏକ ସୁରକ୍ଷା କବଚର ପଦକ୍ଷେପ ଅଟେ। ମହିଳା ପାଟ୍ରୋଲିଂ ଦଳକୁ ମୁଖ୍ୟ ସ୍ଥାନ ଗୁଡ଼ିକରେ ଯଥା ଜନସମାଗମ ଏବଂ ବଜାର ସହିତ ଉତ୍ସବ ସ୍ଥଳୀ ଗୁଡ଼ିକରେ ଜଣେ ଜଣେ ଅଫିସରଙ୍କ ତତ୍ବାବଧାନରେ ବ୍ୟବହାର କରାଯିବ। ଏହି ଟିମ୍ ଭୁବନେଶ୍ବର ସହରରେ ଆଇନ ଶୃଖଳା ପ୍ରତି ଯତ୍ନବାନ ରହିବେ । ଦଶହରାକୁ ଏକ ଖୁସି ଓ ସୁରକ୍ଷିତ ଉତ୍ସବ କରିବା ପାଇଁ କମିଶନର ଶ୍ରୀ ଦେବଦତ୍ତ ସିଂହ ଙ୍କର ଏହା ଏକ ଉଲ୍ଲେଖନୀୟ ପଦକ୍ଷେପ ।
