ଶ୍ରୀନଗର: ଦିଲ୍ଲୀରୁ ଶ୍ରୀନଗର ଅଭିମୁଖେ ଯାଉଥିବା ସ୍ପାଇସ୍ଜେଟ୍ ଫ୍ଲାଇଟ୍ SG 385 ଶୁକ୍ରବାର ଦିନ ମଝି ଆକାଶରେ କେବିନ୍ ଆଲ୍ଟିଚ୍ୟୁଡ୍ (ଉଚ୍ଚତା) ସମସ୍ୟା ହେତୁ ଶ୍ରୀନଗର ବିମାନବନ୍ଦରରେ ଜରୁରୀ ଅବତରଣ କରିଛି। ଏହି ଫ୍ଲାଇଟ୍ରେ ୨୦୫ ଜଣ ଯାତ୍ରୀ ରହିତିଲେ, ଯେଉଁଥିରେ ୪ ଜଣ ଶିଶୁ ଏବଂ ୭ ଜଣ କ୍ରୁ ସଦସ୍ୟ ମଧ୍ୟ ଥିଲେ।
ସ୍ପାଇସ୍ଜେଟ୍ ମୁଖପାତ୍ରଙ୍କ କହିବା ଅନୁଯାୟୀ, ଶ୍ରୀନଗରରେ ଅବତରଣ ସମୟରେ ବିମାନଟି ହଠାତ୍ ତୀବ୍ର ଗତିରେ ତଳକୁ ଖସିବାରେ ଲାଗିଥିଲା। ଯାହା କେବିନ୍ ଆଲ୍ଟିଚ୍ୟୁଡ୍ ଚେତାବନୀ (Cabin Altitude Warning) ସିଷ୍ଟମକୁ ସକ୍ରିୟ କରିଥିଲା। କ୍ରୁ ସଦସ୍ୟମାନେ ମାନକ ପ୍ରୋଟୋକଲ୍ ଅନୁସାରେ ସମସ୍ତ ଆବଶ୍ୟକୀୟ ପରୀକ୍ଷା ନୀରିକ୍ଷଆ କରିଥିଲେ ଏବଂ କ୍ୟାପଟେନ୍ ସତର୍କତା ମୂଳକ ପଦକ୍ଷେପ ଭାବେ ଜରୁରୀ ଅବତରଣ ପାଇଁ ଅନୁରୋଧ କରିଥିଲେ। ବିମାନଟି ଶ୍ରୀନଗର ବିମାନବନ୍ଦରରେ ସନ୍ଧ୍ୟା ୩ଟା ୨୭ ମିନିଟରେ ନିରାପଦରେ ଅବତରଣ କରିଥିଲା, ଏବଂ ସମସ୍ତ ଯାତ୍ରୀ ଓ କ୍ରୁ ସଦସ୍ୟ ସୁରକ୍ଷିତ ଭାବେ ବିମାନରୁ ଓହ୍ଲାଇଥିଲେ।
ଅଧିକାରୀମାନେ ଜଣାଇଛନ୍ତି ଯେ କୌଣସି ଯାତ୍ରୀ କିମ୍ବା କ୍ରୁ ସଦସ୍ୟଙ୍କୁ ଚିକିତ୍ସା ସହାୟତାର ଆବଶ୍ୟକତା ପଡ଼ି ନଥିଲା। ବିମାନର ତୁରନ୍ତ ତାଲିକାଭୁକ୍ତ ହେବା ସହ ଏହି ଘଟଣା ପଛର କାରଣ ତଦନ୍ତ କରାଯିବ, ଯାହା ପରେ ଏହାର ପରବର୍ତ୍ତୀ ଉଡ଼ାଣ ପାଇଁ ଅନୁମତି ଦିଆଯିବ। ଡାଇରେକ୍ଟୋରେଟ୍ ଜେନେରାଲ୍ ଅଫ୍ ସିଭିଲ୍ ଏଭିଏସନ୍ (DGCA) କୁ ମଧ୍ୟ ଏହି ଘଟଣା ସମ୍ପର୍କରେ ସୂଚନା ଦିଆଯାଇଛି, ଏବଂ ବିମାନର ତାଲିକାଭୁକ୍ତ ତଦନ୍ତ ଚାଲିଛି।
ଏହି ଘଟଣା ଯାତ୍ରୀମାନଙ୍କ ମଧ୍ୟରେ ଆତଙ୍କ ସୃଷ୍ଟି କରିଥିଲେ ମଧ୍ୟ, ପାଇଲଟ୍ଙ୍କ ଉପସ୍ଥିତି ବୁଦ୍ଧି ଓ କ୍ରୁ ସଦସ୍ୟଙ୍କ ତତ୍ପରତା ଯୋଗୁଁ ଏକ ବଡ଼ ଦୁର୍ଘଟଣା ଟଳିଯାଇଛି।
