PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି : ସୁକ୍ଷାବାହିନୀ ଏବଂ ନକ୍ସଲଙ୍କ ମଧ୍ୟରେ ଗୁଳି ବିନିମୟ, ୪ ହାର୍ଡକୋର ମାଓବାଦୀ ନିହତ
  • ||
  • ସମ୍ଵଲପୁର : ମୌର୍ଯ୍ୟ ରେସିଡେନ୍ସରୁ ଚୋରି ଅଭିଯୋଗ, ସିସିଟିଭି ତାଡ଼ି ନେଇଗଲେ ଲୁଟେରା
  • ||
  • ଭୁବନ : ଚୋରା କୋଇଲା ବୋଝେଇ ୪୦୭ ଜବତ, ଡ୍ରାଇଭର୍ ଓ ହେଲପର ଗିରଫ
  • ||
  • କେନ୍ଦୁଝର : କେନ୍ଦୁଝର ରାଜ ଉଆସରୁ ୨ଟି ବିରାଟକାୟ ଅଜଗର ସାପ ଉଦ୍ଧାର
  • ||

ଶ୍ରଦ୍ଧାଞ୍ଜଳି ପାଇବେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର

ଭୁବନେଶ୍ୱର,୨୮ା୧(ବ୍ୟୁରୋ): ‘ଶ୍ରୀମୟୀ ମା’, ଏ ବର୍ଷର କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପାଇବ । ଏହାର ମୂଳ ଲେଖା ବଙ୍ଗଳା ସାହିତ୍ୟର ବିଶିଷ୍ଟ ଲେଖକ ନବ କୁମାର ବସୁ ଲେଖିଛନ୍ତି । ଯାହାକୁ ଓଡ଼ିଆରେ ଅନୁବାଦ କରିଛନ୍ତି ଶ୍ରଦ୍ଧାଞ୍ଜଳି କାନୁନ୍‌ଗୋ । ଏହା ଏକ ଯୁଗ୍ମ ଉପନ୍ୟାସ । ମା’ ସାରଦା ଦେବୀଙ୍କ ଜୀବନ ବୃତ୍ତାନ୍ତ ଓ ଜୀବନ ସଂଗ୍ରାମ ଉପରେ ଆଧାରିତ ଏହି ପୁସ୍ତକ ଓଡ଼ିଆ ପାଠକଙ୍କ ପାଖକୁ ପହଞ୍ଚାଇବାକୁ ପ୍ରୟାସ କରାଯାଇଛି । ମା’ ସାରଦାଙ୍କର ଓଡ଼ିଶା ସହ ଥିବା ଗୁରୁତ୍ୱପୂର୍ଣ୍ଣ ସମ୍ପର୍କରେ ଏଥିରେ ବର୍ଣ୍ଣିତ ହୋଇଛି । ପ୍ରଥମେ ପୌରୁଷ ପତ୍ରିକାରେ ଧାରାବାହିକ ଭାବେ ଏହାର ଲେଖାମାନ ପ୍ରକାଶ ପାଇବା ପରେ ଏହାକୁ ପୁସ୍ତକ ରୂପେ ଆମ ଓଡ଼ିଶା ପ୍ରକାଶନୀ ପକ୍ଷରୁ ପ୍ରକାଶିତ କରାଯାଇଛି ।
୨୦୧୮ ମସିହା ପାଇଁ କେନ୍ଦ୍ର ସାହିତ୍ୟ ଏକାଡେମୀ ପକ୍ଷରୁ ଆଜି ଅନୁବାଦ ସାହିତ୍ୟରେ ପୁରସ୍କାର ଘୋଷଣା ହୋଇଛି । ୨୪ଟି ବହିକୁ ଏହି ପୁରସ୍କାର ମିଳିଛି । ଚୟନ କମିଟି ଦ୍ୱାରା ପୁସ୍ତକଗୁଡ଼ିକ ମନୋନୀତ ହେବା ପରେ ସଭାପତି ଡ. ଚନ୍ଦ୍ରଶେଖର କମ୍ବରଙ୍କ ଅଧ୍ୟକ୍ଷତାରେ ପୁରସ୍କାର ଲାଗି ପୁସ୍ତକସବୁକୁ ସ୍ୱୀକୃତି ମିଳିଥିଲା । ପୁରସ୍କାର ରାଶି ୫୦ ହଜାର ଟଙ୍କା ରହିଛି । ଓଡ଼ିଆ ଭାଷା ଲାଗି ଜୁରୀ ସଦସ୍ୟ ଭାବେ ଗାୟତ୍ରୀ ସରାଫ୍‌, ପ୍ରଫେସର କାଳିଦାସ ମିଶ୍ର, ଡ. ସଂଗ୍ରାମ ଜେନା ରହିଥିଲେ ।