ପ୍ରମୂଖ ଖବର
  • ବାଟବାଟୀ ବ୍ୟାଟଲ ; ଟସ୍ ଜିତି ଇଂଲଣ୍ଡର ବ୍ୟାଟିଂ ନିଷ୍ପତ୍ତି, ବୋଲିଂ କରିବ ଭାରତ, ଫେରିଲେ କୋହଲି
  • ||
  • ଯାଜପୁର : ଶୋଇଥିବା ବେଳେ ଷ୍ଟୁଡିଓ ମାଲିକଙ୍କୁ ନିର୍ମମ ହତ୍ୟା, ପୋଲିସର ତଦନ୍ତ ଆରମ୍ଭ
  • ||
  • ଛତିଶଗଡ଼ ବିଜାପରୁରେ ଏନ୍‌କାଉଣ୍ଟ, ଯବାନଙ୍କ ଗୁଳିରେ ଟଳିଲେ ୧୨ ମାଓବାଦୀ
  • ||
  • ନକଲି ଗୁଟଖା ଫ୍ୟାକ୍ଟ୍ରିରେ ଦିଲ୍ଲୀ, ଆନ୍ଧ୍ର ଜିଏସ୍‌ଟି ଟିମ୍‌ର ଚଢ଼ାଉ, ବିଭିନ୍ନ ସାମଗ୍ରୀ ଜବତ
  • ||
  • ଜଗତସିଂହପୁର ପିଏନ୍‌ବି ବ୍ୟାଙ୍କରେ ଅଗ୍ନିକାଣ୍ଡ, ନିଆଁ ଆୟତ୍ତ କରିବାକୁ ଉଦ୍ୟମ ଜାରି
  • ||
  • ହେଲିକପ୍ଟର ଯୋଗେ କଟକ ଯିବେ ମୁଖ୍ୟମନ୍ତ୍ରୀ, ବାରବାଟୀରେ ଭାରତ- ଇଂଲଣ୍ଡ ଲଢ଼େଇ ଦେଖିବେ
  • ||
  • ବାରବାଟୀ ଲଢ଼େଇ: ସୁପର ସନ୍‌ଡେ'ରେ ଭାରତ-ଇଂଲଣ୍ଡ ଦ୍ୱିତୀୟ ଦିନିକିଆ, ଟିମ୍‌କୁ ଫେରିବେ କୋହଲି, ରିଷଭ
  • ||
  • ରବିବାରଠୁ ଉପରମୁହାଁ ହେବ ପାରଦ,୨ରୁ ୪ ଡିଗ୍ରୀ ବଢ଼ିବ ରାତି ତାପମାତ୍ରା
  • ||

ସୈଫ୍‌ଙ୍କ ଉପରେ ହମଲା ପରେ ଗୃହ ମନ୍ତ୍ରଣାଳୟର ତତ୍ପରତା, ମହାରାଷ୍ଟ୍ର ସରକାରଙ୍କୁ କଡ଼ା ନିର୍ଦ୍ଦେଶ

Published By : Prameya | January 22, 2025 7:51 PM

ନୂଆଦିଲ୍ଲୀ : ମହାରାଷ୍ଟ୍ର ସରକାରଙ୍କୁ ଅବୈଧ ବାଂଲାଦେଶୀ ପ୍ରବାସୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ, କେନ୍ଦ୍ରୀୟ ଗୃହ ମନ୍ତ୍ରଣାଳୟର କଡ଼ା ନିର୍ଦ୍ଦେଶ। ଏହି ସମ୍ୱନ୍ଧରେ କେନ୍ଦ୍ରୀୟ ଗୃହ ମନ୍ତ୍ରଣାଳୟ ଦ୍ୱାରା ମହାରାଷ୍ଟ୍ରର ଗୃହ ବିଭାଗର ଅଧିକାରୀଙ୍କୁ ଚିଠି ଲେଖା ଯାଇଛି। ମନ୍ତ୍ରଣାଳୟ ଏହି ଚିଠି ଶିବସେନାର ପୂର୍ବ ସାଂସଦ ରାହୁଲ ଶେୱାଲେଙ୍କ ଦ୍ୱାରା ଅବୈଧ ବାଂଲାଦେଶୀ ପ୍ରବାସୀଙ୍କ ବିରୋଧରେ ଏକ ସ୍ମାରକ ପତ୍ର ଦିଆଯିବା ପରେ ଲେଖିଛି। ରାହୁଲ ଶେୱାଲେ ଟାଟା ଇନଷ୍ଟିଟ୍ୟୁଟ୍‌ ଅଫ୍‌ ସୋସାଲ ସାଇସେନ୍ସ (ଟିଆଇଏସଏସ) ଦ୍ୱାରା ପ୍ରସ୍ତୁତ କରାଯାଇ ଥିବା ଏକ ରିପୋର୍ଟ ଆଧାରରେ ଏହି ବିଷୟକୁ ଉଠାଇ ଥିଲେ। 

ମହାରାଷ୍ଟ୍ର ସରକାରକୁ ଗୃହ ମନ୍ତ୍ରଣାଳୟର ଏହି ନିର୍ଦ୍ଦେଶ ଏମିତି ସମୟରେ ଆସିଛି ,ଯେତେବେଳେ ବଲିଉଡ୍‌ ଅଭିନେତା ସୈଫ୍‌ ଅଲ୍ଲୀ ଖାନଙ୍କୁ ଉପରେ ହମଲାର ଅଭିଯୋଗରେ ଜଣେ ବାଂଲାଦେଶୀ ଅନୁପ୍ରବେଶକାରୀଙ୍କୁ ଧରାଯାଇଛି। ମୁମ୍ୱାଇ ପୁଲିସ ଅନୁସାରେ, ୩୦ବର୍ଷିୟ ବାଂଲାଦେଶୀ ଅନୁପ୍ରବେଶକାରୀ ଶରିଫୁଲ ଇସ୍ଲାମ (ଓରଫ ବିଜୟ ଦାସ) ସୈଫ ଅଲ୍ଲୀ ଖାନଙ୍କ ଘରେ ଚୋରି ଉଦ୍ଦେଶ୍ୟରେ ଅନୁପ୍ରବେଶ କରି ଥିଲା। ଏହି ସମୟରେ ହୋଇଥିବା ହିଂସାତ୍ମକ ଯୁକ୍ତିତର୍କରେ ସେ ଅଭିନେତାଙ୍କୁ ଛୁରାମାଡ଼ କରିଥିଲା। ପୁଲିସ ଆକ୍ରମଣକାରୀକୁ ଅନେକ ସ୍ଥାନରେ ତଲାସୀ ପରେ ଗିରଫ କରିଥିଲା।  

ଟାଟା ଇନଷ୍ଟିଟ୍ୟୁଟ୍‌ ଅଫ୍‌ ସୋସିଆଲ ସାଇସେନ୍‌ସ (ଟିଆଇଏସଏସ) ବାଂଲାଦେଶୀ ଅନୁପ୍ରବେଶକାରୀଙ୍କୁ ନେଇ ଗତ ବର୍ଷ ନଭେମ୍ୱରରେ ଏକ ରିପୋର୍ଟ ଜାରି କରିଥିଲା। ଏହି ରିପୋର୍ଟ ଅନୁସାରେ, ବାଂଲାଦେଶ ଓ ମିଆଁମାରରୁ ଆସୁଥିବା ଅବୈଧ ପ୍ରବାସୀଙ୍କୁ ମୁମ୍ୱାଇର ରାଜନୀତିକ ଓ ସାମାଜିକ-ଆର୍ଥିକ ପରିଦୃଶ୍ୟକୁ ଗୁରୁତର ଭାବେ ପ୍ରଭାବିତ କରିଛି। ରିପୋର୍ଟର ଶୀର୍ଷକ ରହିଛି ମୁମ୍ୱାଇରେ ଅବୈଧ ପ୍ରବାସୀ: ସାମାଜିକ-ଆର୍ଥିକ ଓ ରାଜନୀତିକ ପ୍ରଭାବର ବିଶ୍ଳେଷଣ। ଏଥିରେ  କୁହାଯାଇଛି କି , ଏହି ପ୍ରବାସୀଙ୍କର ଶ୍ରମ ସ୍ଥାନୀୟ ଅର୍ଥବ୍ୟବସ୍ଥାରେ ଯୋଗଦାନ କରିଥାଏ, କିନ୍ତୁ ଏହା ସ୍ଥାନୀୟ ଶ୍ରମିକଙ୍କ ପାଇଁ ବେତନ ହ୍ରାସ କରିବା ଓ ରୋଜଗାରର ସୁଯୋଗର ଅଭାବ କାରଣରୁ ହୋଇଥାଏ। 

ରିପୋର୍ଟ ଅନୁସାରେ , ମୁସଲିମ୍‌ ପ୍ରବାସୀ ଜନସଂଖ୍ୟା ବୃଦ୍ଧିରୁ ଜନସାଂଖିକ ପରିବର୍ତ୍ତନ ହେଉଛି, ଯେଉଁଥିରେ ସାଂସ୍କୃତିକ ଅସୁରକ୍ଷା ଓ ସାମାଜିକ ବିଭାଜନ ବଢୁଛି। ୧୯୬୧ ରେ ମୁମ୍ୱାଇରେ ହିନ୍ଦୁ ଜନସଂଖ୍ୟା ୮୮ ପ୍ରତିଶତ ଥିଲା ,ଯାହା ୨୦୧୧ ଯାଏ ହ୍ରାସ ପାଇଁ ୬୬ ପ୍ରତିଶତ ରହିଛି। ସେଠାରେ ମୁସଲିମ୍‌ ଜନସଂଖ୍ୟା ୮ପ୍ରତିଶତରୁ ବଢି ୨୧ ପ୍ରତିଶତ ହୋଇଛି।

ଟିଆଇଏସଏସ ରିପୋର୍ଟରେ ଏହା ମଧ୍ୟ କୁହାଯାଇଛି କି , ଅବୈଧ ପ୍ରବାସୀଙ୍କ କାରଣରୁ ମୁମ୍ୱାଇର ପୂର୍ବରୁ ସୀମିତ ସଂଶାଧନ ଉପରେ ଚାପ ବଢି ଯାଇଛି। ସ୍ୱାସ୍ଥ୍ୟ , ଶିକ୍ଷା ଓ ସ୍ୱଚ୍ଛତା ଭଳି ସାର୍ବଜନିକ ସେବା ଉପରେ ବୋଝ ବଢିବାରୁ ସ୍ଥାନୀୟ ନିବାସୀଙ୍କ ସୁବିଧା ବାଧିତ ହେଉଛି। ରିପୋର୍ଟର ନିଷ୍କର୍ଷ ଗୁଡ଼ିକରେ କୁହାଯାଇଛି କି, ଏହି ପ୍ରବାସୀଙ୍କ ଆର୍ଥିକ ଯୋଗଦାନ ମହତ୍ତ୍ୱପୂର୍ଣ୍ଣ ହୋଇ ବି ସାମାଜିକ ଉତ୍ତେଜନା ଓ ସ୍ଥାନୀୟ ସଂପ୍ରଦାୟ ଭିତରେ ଅସୁରକ୍ଷାର ଭାବନା ବଢୁଛି। ରାଜନୀତିକ ଦଳ ଏହି ସ୍ଥିତିର ଉପଯୋଗ ଭୋଟ ବ୍ୟାଙ୍କ ରାଜନୀତି ପାଇଁ କରୁଛି। 

ରିପୋର୍ଟରେ ଆହୁରି ମଧ୍ୟ ଚିନ୍ତା ବ୍ୟକ୍ତ କରାଯାଇଛି କି, ଏହି ପ୍ରବାସୀଙ୍କ ମଧ୍ୟରେ କିଛି ଆତଙ୍କୀ ସଙ୍ଗଠନ ଗୁଡ଼ିକ ସହ ଯୋଡ଼ି ହେବାର ସମ୍ଭାବନା ରହିଛି, ଯେଉଁଥିରେ ରାଷ୍ଟ୍ରୀୟ ସୁରକ୍ଷା ଉପରେ ବିପଦ ଘେରି ରହିଛି। ଏହାର ଅର୍ଥ, ଫେକ୍‌ କାଗଜପତ୍ର ମାଧ୍ୟମରେ ସେମାନଙ୍କୁ ନିର୍ବାଚନରେ ସାମିଲ କରାଯାଉଛି , ଯେଉଁଥିରେ ଗଣତାନ୍ତ୍ରିକ ପ୍ରକ୍ରିୟାର ନିରପେକ୍ଷତା ଉପରେ ପ୍ରଶ୍ନ ସୃଷ୍ଟି ହୋଇଛି। କେନ୍ଦ୍ରୀୟ ଗୃହ ମନ୍ତ୍ରଣାଳୟ ଏହି ମାମଲାକୁ ଗୁରୁତର ସହ ନେଇ ମହାରାଷ୍ଟ୍ର ସରକାରକୁ ସ୍ପଷ୍ଟ ନିର୍ଦ୍ଦେଶ ଦେଇଛି କି, ଅବୈଧ ପ୍ରବାସୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯାଉ ଏବଂ ଏବି ସମସ୍ୟାର ମୂଳୋତ୍ପାଟନ କରାଯାଉ। 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.