ଚନ୍ଦାହାଣ୍ଡି,୫/୩ :  ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ସମ୍ମନୀତ ଶିଶୁ ବିଭାଗ ଅଧିକାରୀ ସୁଦର୍ଶନୀ ରଥଙ୍କ ତତ୍ତ୍ବାବଧାନରେ ଚନ୍ଦାହାଣ୍ଡି ବ୍ଲକ ସଦର ସମେତ ୧୪ଟି ପଞ୍ଚାୟତରେ ସମସ୍ତ ଅଙ୍ଗନୱାଡି କର୍ମୀ ଏସଏସଜି ଗ୍ରୁପ ଦ୍ୱାରା ସୁଭଦ୍ରା, ସଚେତନତା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି l ପ୍ରତି ପଞ୍ଚାୟତ ସଦରରେ ସୁଭଦ୍ରା ମା’ ମାନେ ଏକତ୍ରିତ ହେବା ସହ ପଞ୍ଚାୟତ ପରିକ୍ରମା କରିବା ସହ ହାତରେ ପ୍ଲାକାର୍ଡ଼ ଧରି ମହିଳା ସଶକ୍ତି କରଣ ଏବଂ ସ୍ୱାବଲମ୍ବୀ ହେବାକୁ ନେଇ ବିଭିନ୍ନ ନାରାବାଜି ଦେବା ସହ ରାଜ୍ୟ ମୁଖ୍ୟମନ୍ତ୍ରୀ ମୋହନ ଚରଣ ମାଝିଙ୍କୁ ଧନ୍ୟବାଦ ଦେବା ସହ ତାଙ୍କ  ମହିଳାଙ୍କ ପାଇଁ ପ୍ରଣିତ ସୁଭଦ୍ରା ଏବଂ ଲକ୍ଷପତି ଯୋଜନାକୁ ଉଚ୍ଚ ପ୍ରଶଂସା କରିଛନ୍ତି l 

ରାଲିରେ ଭାଗ ନେଇ ଥିବା ମା’ମାନେ ଋଣ ଆଣି କିଏ କେଉଁ ବ୍ୟବସାୟ ଏବଂ ଚାଷ କରି ସ୍ୱାବଲମ୍ବୀ ହୋଇ ପାରିଛନ୍ତି ତାହା ମହିଳା ଏବଂ ଶିଶୁ ବିଭାଗ ଆଗରେ  ପ୍ରକାଶ କରିଛନ୍ତି l ଚନ୍ଦାହାଣ୍ଡି ମିଶନ ଶକ୍ତି ମହାସଙ୍ଘର ଇସି ମେମ୍ବର, ଜିପି ଏଲ ମେମ୍ବରମାନଙ୍କ ସୁଭଦ୍ରା ରାଲିକୁ   ବିଶେଷ ଆନ୍ତରିକତା ଦେଖାଇ ନ ଥିବା ସହ  କେତୋଟି ପଞ୍ଚାୟତରେ ଭାଗ ନେଇ ନ ଥିବାରୁ ଏଠାରେ ତୀବ୍ର ଅସନ୍ତୋଷ୍ଟ ଦେଖାଦେଇଛି l ସୁଭଦ୍ରା, ଶୋଭାଯାତ୍ରାରେ ଅଙ୍ଗନୱାଡି ପରିଦର୍ଶୀକା  ଫୁଲସରା ଭତ୍ରା, ନନ୍ଧିନୀ ଶତପଥି, ସନ୍ଧ୍ୟାରାଣୀ ମହାକୁଡୁ, ବିଏସଏସଓ ଏଲିଜା ବେଥ ଗରଡ଼ା, ଦୀପ୍ତିରାଣୀ କୁଣ୍ଡୁ, ଗୀତାଞ୍ଜଳି ପଟ୍ଟନାୟକ ଏବଂ ସମସ୍ତ  କେନ୍ଦ୍ରର ଅଙ୍ଗନୱାଡ଼ି ଏବଂ ସହାୟିକାମାନେ ଉପସ୍ଥିତ ଥିଲେ l