ନୂଆଦିଲ୍ଲୀ,୧୩।୭: ଭାରତର ପୂର୍ବତନ କ୍ରିକେଟର ସୁନିଲ ଗାଭାସ୍କର ଓ୍ବିକେଟକପିର ବ୍ୟାଟସମ୍ୟାନ ମହେନ୍ଦ୍ର ସିଂହ ଧୋନିଙ୍କୁ ନେଇ ଏକ ବଡ ଧରଣର ମନ୍ତବ୍ୟ ଦେଇଛନ୍ତି। ଗାଭାସ୍କର କହିଛନ୍ତି, ନ୍ୟୁଜିଲାଣ୍ଡ ବିରୋଧରେ ମଞ୍ଚେଷ୍ଟରରେ ଖେଳା ଯାଇଥିବା ସେମିଫାଇନାଲ ମ୍ୟାଚରେ ମହେନ୍ଦ୍ର ସିଂ ଧୋନିଙ୍କୁ ବ୍ୟାଟିଂ ପାଇଁ ଶେଷରୁ ନୁହେଁ ବଂର ଆଗରୁ ଆସିବାର ଦରକାର ଥିଲା।
wp:gallery {"ids":[26486]}
ଭାରତର ନିଜର ବ୍ୟାଟିଂ ଆରମ୍ଭରୁ ୩ ଓ୍ବିକଟେ ହରାଇ ସାରିଥିଲା। ସେତେବେଳେ ଧୋନିଙ୍କ ଦାୟିତ୍ବ ବଢିଯାଇଥିଲା, ତେଣୁ ତାଙ୍କୁ ପ୍ରଥମରୁ ଆସିବା ଦରକାର ଥିଲା। ଉଲ୍ଲେଖନୀୟ ଯେ, ଗାଭାସ୍କର ବିଶ୍ବକପ ପୂର୍ବରୁ, ଚାଲିଥିବା ବେଳେ ଏବଂ ପରେ ଭାରତର ପରାଜୟକୁ ନେଇ ଭାରତୀୟ ଟିମ ପ୍ରବଦ୍ଧନ ନୀତିକୁ ସମାଲୋଚନା କରୁଛନ୍ତି।
wp:gallery {"ids":[26487]}
ଗାଭାସ୍କର କହିଥିଲେ ଯେତେବେଳେ ଭାରତ ନିଜର ୩ଟି ଟପ୍ ବ୍ୟାଟସମ୍ୟାନଙ୍କ ଓ୍ବିକେଟ ହରାଇ ଦେଇଥିଲା ସେତେବେଳେ ହାର୍ଦ୍ଦିକ ପାଣ୍ଡ୍ୟା ଓ ଋଷଭ ପନ୍ଥଙ୍କ ବ୍ୟାଟିଂ କରୁଥିଲେ। ଦୁହେଁ ମିଜାଜ ଦୃଷ୍ଟିରେ ଏକାଭଳି ବ୍ୟାଟସମ୍ୟାନ। ତାଙ୍କ ସ୍ଥାନରେ ଧୋନିଙ୍କୁ ଛାଡିବା ଦରକାର, ଯିଏକି ପନ୍ଥଙ୍କୁ ସଂଯମତା ରଖିବାକୁ ପରାମର୍ଶ ଦେଇପାରିଥାନ୍ତେ। ଶେଷରେ ପନ୍ଥ ଖରାପ ସଟ୍ ଖେଳି ଆଉଟ୍ ହୋଇଗଲେ, ଭାରତ ପାଇଁ ଯାହାକି ପରେ ଖୁବ୍ ମହଙ୍ଗା ପଡିଥିଲା। ଧୋନି ନିଜର ସାଥୀ ଖେଳାଳିଙ୍କ ମନକଥା ଜାଣନ୍ତି ତେଣୁ ସେ ପନ୍ଥ ଓ ପାଣ୍ଡ୍ୟା ଦୁହିଁଙ୍କୁ ସଂଯମତାର ସହ ବ୍ୟାଟିଂ କରିବାକୁ ବୁଝାଇ ପାରିଥାନ୍ତେ। ଏହି ଦୁଇ ଖେଳାଳି କେବଳ ଆକ୍ରମକ ଢଙ୍ଗରେ ଖେଳି ରନ୍ କରିବାକୁ ଚାହାଁନ୍ତି। ତେଣୁ ସେମାଙ୍କୁ ବୁଝାଇକି ଖେଳିବା ପାଇଁ ଧୋନି ନିହାତି ରହିବା ଦରକାର ବୋଲି ଗାଭାସ୍କର କହିଛନ୍ତି।
