ଭିଟାମିନ୍ ସପ୍ଲିମେଣ୍ଟ ସେବନ କରୁଛନ୍ତି କି? ସାବଧାନ! ହୋଇପାରେ କାର୍ଡିଓ ଭସ୍କୁଲାର ଡିଜିଜ୍, ହୃଦଘାତ, ଷ୍ଟ୍ରୋକ୍ ଭଳି ସମସ୍ୟା
ଶରୀର ପାଇଁ ଭିଟାମିନ୍, ମିନେରାଲ ଏବଂ ଅନ୍ୟ ପୋଷକ ତତ୍ତ୍ୱ ନିହାତି ଆବଶ୍ୟକ। ଏଗୁଡିକ ପୁଷ୍ଟିକର ଖାଦ୍ୟରୁ ମିଳିଥାଏ ବେଳେବେଳେ ଖାଦ୍ୟରୁ ମିଳୁଥିବା ପୋଷକ ତତ୍ତ୍ୱ ଶରୀରକୁ ଠିକ୍ ଭାବରେ ନ ପହଞ୍ଚିଲେ ଭିଟାମିନ୍ ସପ୍ଲିମେଣ୍ଟ ନିଆଯାଏ, କିନ୍ତୁ ଦୀର୍ଘଦିନ ଧରି ଭିଟାମିନ୍ ସପ୍ଲିମେଣ୍ଟ ବ୍ୟବହାର କରିବା ଶରୀର ପାଇଁ ବିପଦ ଆଣିପାରେ। ଏନେଇ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (ହୁ) କହିଛି ଯେ ଅଧିକ ଭିଟାମିନ୍ ସପ୍ଲିମେଣ୍ଟ ଗ୍ରହଣ କରିବା ଦ୍ୱାରା କାର୍ଡିଓ ଭସ୍କୁଲାର ଡିଜିଜ୍, ହୃଦଘାତ, ଷ୍ଟ୍ରୋକ୍ ଏବଂ ପ୍ରି ମ୍ୟାଚୁର ଡେଥ୍ ପରି ସମସ୍ୟା ଖୋଯାଇ ପାରେ।
ସପ୍ଲିମେଣ୍ଟ ପୁଷ୍ଟିକର ଖାଦ୍ୟରୁ ମିଳୁଥିବା ପୋଷକ ତତ୍ତ୍ୱର ସମକକ୍ଷ ନୁହେଁ। ଖାଦ୍ୟ ଯେତିକି ପରିମାଣରେ ପୋଷକ ତତ୍ତ୍ୱ ଯୋଗାଇଥାଏ, ଏହି ଟ୍ୟାବଲେଟ୍ ସେତିକି ଯୋଗାଇପାରେ ନାହିଁ ଯାହାକୁ ଖାଇବା ଦ୍ୱାରା ଶରୀର ପାଇଁ ହାନିକାରକ ହୋଇଥାଏ। ଏକ ଗବେଷଣାରୁ ଜଣାପଡିଛି ଯେ, ଆମେରିକାର ସମୁଦାୟ ଅଧିବାସୀଙ୍କ ମଧ୍ୟରୁ ୫୨ପ୍ରତିଶତ ସପ୍ଲିମେଣ୍ଟ, ୩୧ପ୍ରତିଶତ ମଲ୍ଟି ଭିଟାମିନ୍, ୧୯ପ୍ରତିଶତ ଭିଟାମିନ୍ ଡି, ୧୪ପ୍ରତିଶତ କ୍ୟାଲସିୟମ ଓ ୧୨ପ୍ରତିଶତ ଭିଟାମିନ୍ ସି ଟ୍ୟାବଲେଟ୍ ଖାଉଛନ୍ତି। ଡାକ୍ତରଙ୍କ ପରାମର୍ଶ ଅନୁସାରେ କେଉଁ ସପ୍ଲିମେଣ୍ଟ ନିହାତି ଜରୁରୀ ତାହାକୁ ସେବନ କରନ୍ତୁ, କାହାକୁ ପଚାରି କିମ୍ବା କୌଣସି ବିଜ୍ଞାପନ ଦେଖି ଅଯଥା ଭିଟାମିନ୍ ସପ୍ଲିମେଣ୍ଟ କିଣନ୍ତୁ ନାହିଁ ବୋଲି ସ୍ୱାସ୍ତ୍ୟ ବିଶେଷଜ୍ଞମାନେ କହିଛନ୍ତି।
ସେହିପରି ଅନ୍ୟ କୌଣସି ରୋଗ ପାଇଁ ଔଷଧ ସେବନ କରୁଥିଲେ ଡାକ୍ତରଙ୍କ ପ୍ରେସ୍ପକାଇବ୍ ଅନୁସାରେ ସପ୍ଲିମେଣ୍ଟ ଗ୍ରହଣ କରନ୍ତୁ। କାରଣ କେତେକ ଭିଟାମିନ୍ ସପ୍ଲିମେଣ୍ଟ ଅନ୍ୟ ଔଷଧ ସହ ମିଶିବା ଦ୍ୱାରା ପାର୍ଶ୍ୱ ପ୍ରତିକ୍ରିୟା ସୃଷ୍ଟି କରିବା ପେରେ। ଯାହା ଆପଣଙ୍କ ପାଇଁ ବିପଦ ଆଣିପରେ। ଅନେକ ଲୋକ ମଲ୍ଟି ଭିଟାମିନ ଔଷଧ ସେବନ କରି ନିଜ ଖାଦ୍ୟପେୟ ପ୍ରତି ଧ୍ୟାନ ଦେଇ ନଥାନ୍ତି। କୌଣସି ଭିଟାମିନ୍ ସପ୍ଲିମେଣ୍ଟ ପଷ୍ଟିକର ଖାଦ୍ୟର ସ୍ଥାନ ନେଇପାରିବ ନାହିଁ, ତେଣୁ ହେଲଦି ଫୁଡ୍ ଖାଇବା ସହ ଫିଟ୍ ରହିବା ପାଇଁ ହେଲଦି ଡାଏଟ୍ ପ୍ଲାନ ମଧ୍ୟ ଆପଣାନ୍ତି ବୋଲି ବିଶେଷଜ୍ଞମାନେ କହିଛନ୍ତି।
