PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ : ଆଠଗଡ ଅଂଶୁପା ହ୍ରଦ ନିକଟରୁ କାରରୁ ୧୩୫୫ ଗ୍ରାମର ବ୍ରାଉନସୁଗାର ଜବତ
  • ||
  • ତିଗିରିଆ : ଅଜଣା ଗାଡି ଧକ୍କାରେ ଯୁବକ ଗୁରୁତର, ରାତ୍ରି ପାଟ୍ରୋଲିଂ ବେଳେ ଉଦ୍ଧାର କଲା ପୋଲିସ
  • ||
  • ବଲାଙ୍ଗିର : ରେଲୱେ ଜଙ୍କସନରୁ ୨୫ ଦାଦନ ଶ୍ରମିକ ଉଦ୍ଧାର
  • ||
  • ବଲାଙ୍ଗିର : ପୁତୁରାର ଗୁଳିମାଡ଼ରେ ଖୁଡ଼ୀ ଗୁରୁତର, କାରଣ ଅସ୍ପଷ୍ଟ
  • ||
  • ନିଶ୍ଚିନ୍ତକୋଇଲି : ନଗସପୁର ବଜାରରେ ସିରିଜ୍ ଲୁଟ୍, ୧୬ଟି ଦୋକାନରୁ ଚୋରି କରିନେଲେ ଦୁର୍ବୃତ୍ତ
  • ||

ଆତ୍ମସମର୍ପଣ କରିଥିବା ଆତଙ୍କବାଦୀଙ୍କ ପତ୍ନୀମାନେ ମୋଦିଙ୍କୁ କଲେ ଆବେଦନ: ‘ଆମକୁ ପାକିସ୍ତାନ ପଠେଇଦିଅ’

source:m.dailyhunt.in

ଶ୍ରୀନଗର ୩/୨ : କାଶ୍ମୀର ଆତଙ୍କବାଦୀଙ୍କ ସହିତ ବିବାହ କରିଥିବା ପାକିସ୍ତାନୀ ମହିଳାମାନେ କାଶ୍ମୀର ରାଜ୍ୟସରକାରଙ୍କ ବିରୁଦ୍ଧରେ ବିକ୍ଷୋଭ ପ୍ରଦର୍ଶନ କରିଛନ୍ତି । ସେମାନଙ୍କ ପତିମାନେ ଆତ୍ମସମର୍ପଣ କରିଦେଇଛନ୍ତି । ଏହି ମହିଳାମାନେ ପାକିସ୍ତାନ ଫେରିବା ପାଇଁ ବ୍ୟାନର ଓ ପୋଷ୍ଟର ସହିତ ବିକ୍ଷୋଭ ପ୍ରଦର୍ଶନ କରିଛନ୍ତି । ସେମାନେ କହିଛନ୍ତି ଯେ ରାଜ୍ୟ ସରକାର ୨୦୧୦ରେ ପୁନର୍ବାସ ନୀତି ଅନୁସାରେ ପୁଣି ସେମାନଙ୍କୁ ପାକିସ୍ତାନ ଫେରାଇବା ପାଇଁ କଥା ଦେଇଥିଲେ । କିନ୍ତୁ ଏପର୍ଯ୍ୟନ୍ତ କିଛି ହେଲାନି ଏବଂ ପ୍ରତିଜ୍ଞା ଅନୁସାରେ କିଛି ଅଧିକାର ମଧ୍ୟ ମିଳିଲାନି ।  

ମହିଳାମାନେ ପିଏମ୍ ମୋଦି ଓ ଇମ୍ରାନ୍ ଖାନଙ୍କ ଆବେଦନ କରି କହିଛନ୍ତି ଯେ ତାଙ୍କ ସହିତ ଅପରାଧୀଙ୍କ ଭଳି ବ୍ୟବହାର କରାଯାଉଛି । ସେମାନଙ୍କୁ ପାକିସ୍ତାନକୁ ଫେରିବା ପାଇଁ ଅନୁମତି ଓ ସାର୍ଟିଫିକେଟ୍ ଦିଆଯାଉ । କହିରଖୁଛୁ ଏହି ମହିଳାମାନଙ୍କୁ ଏବଂ ସେମାନଙ୍କ ପରିବାରକୁ ଜାମ୍ମ-କାଶ୍ମୀର ସରକାରଙ୍କ ନୀତି ଅନୁସାରେ ପୁନର୍ବାସ କେନ୍ଦ୍ରରେ ରଖାଯାଇଥିଲା । ମହିଳାମାନଙ୍କ କହିବା ଅନୁସାରେ ସେମାନେ ପାକିସ୍ତାନୀ ଏବଂ ସେମାନଙ୍କୁ ପଠେଇ ଦିଆଯାଉ । ସେମାନେ ଏକଥା ମଧ୍ୟ କହିଥିଲେ, ‘ଆମେ ଆମ ଇଛାରେ ପଶିଆସିନୁ ବରଂ ରାଜ୍ୟ ସରକାର ଆମକୁ ପୁନର୍ବାସ ନୀତି ଅନୁସାରେ କଥା ଦେଇ ଆଣିଥିଲେ ।’