ନୂଆଦିଲ୍ଲୀ​​​​​​​, ୧୯/୦୪: ଓସ୍କାର ଏକାଡେମୀ ଗତ ଶୁକ୍ରବାର ବଲିଉଡ୍ ଫିଲ୍ମ ‘ଓମ୍ ଶାନ୍ତି ଓମ୍’ର ପ୍ରସିଦ୍ଧ ଡାଇଲଗ୍ ଶେୟାର କରିଛି । ଏହାର ପ୍ରତିକ୍ରିୟାରେ ଫିଲ୍ମର ନାୟକ ଶାହରୁଖ ଖାନ୍ ନିଜକୁ ଏ ବିଶ୍ୱର ରାଜା ଭଳି ଅନୁଭବ କରୁଥିବା କହିଛନ୍ତି । ଏକାଡେମୀ ଫିଲ୍ମରେ ପ୍ରଦର୍ଶିତ ଏକ ପୁରସ୍କାର ସମାରୋହ ସନ୍ଧ୍ୟା ଦୃଶ୍ୟର ମୋନୋଲଗ୍ ଶେୟାର କରି ଲେଖିଛି ‘ଭାଗ୍ୟ ବିଷୟରେ ଗୋଟିଏ କଥା... ଏହା କଦାପି ହାରେ ନାହିଁ ।’

 

ତେବେ ଏହି ପୋଷ୍ଟକୁ ରିଟ୍ୱିଟ୍ କରି ଶାହରୁଖ୍ ଲେଖିଛନ୍ତି, ଓମ୍‌ର ଭାଷଣ ମୋତେ ପୁରୁଣା ସ୍ମୃତିକୁ ନେଇଗଲା । ଏବେ ମୁଁ ନିଜକୁ ବିଶ୍ୱର ରାଜା ଭଳି ଅନୁଭବ କରୁଛି । ଫରାହ ଖାନ୍‌ଙ୍କ ନିର୍ଦ୍ଦେଶିତ ‘ଓମ୍ ଶାନ୍ତି ଓମ୍’ ୨୦୦୭ରେ ମୁକ୍ତିଲାଭ କରିଥିଲା । ଏହା ଜରିଆରେ ଦୀପିକା ପାଦୁକୋନ ବଲିଉଡ୍‌ରେ ଏଣ୍ଟ୍ରି କରିଥିଲେ । ଅର୍ଜୁନ ରାମପାଲ ଓ ଶ୍ରେୟସ ତଲପଡ଼େ ମଧ୍ୟ ପ୍ରମୁଖ ଭୂମିକାରେ ଅଭିନୟ କରିଥିଲେ । ଫିଲ୍ମ ବକ୍ସ ଅଫିସ୍‌ରେ ହିଟ୍ ହୋଇଥିଲା । ଶାହରୁଖ୍ ଖୁବ୍‌ଶୀଘ୍ର ଫିଲ୍ମ ‘କିଙ୍ଗ୍’ରେ ବଡ଼ ପରଦାକୁ ଆସିବେ । ଏହାର ନିର୍ଦ୍ଦେଶନା ଦେଇଛନ୍ତି ସିଦ୍ଧାର୍ଥ ଆନନ୍ଦ । ସୁହାନା ଖାନ୍, ଅଭିଷେକ ବଚ୍ଚନ ଓ ଦୀପିକା ପାଦୁକୋନ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି ।

ଆହୁରି ପଢ଼ନ୍ତୁ ...ଶାହରୁଖ ଖାନଙ୍କ ସିକ୍ରେଟ୍‌ର ଖୁଲାସା କଲେ ବିଲ୍ଡିଂ ମାଲିକ , କହିଲେ ତାଙ୍କର ବ୍ୟବହାର ଏମିତି ଯେ ...